Kolosi 2:3 - mzwDBL

³ Korowii wejema aa wola jaɡa dɔe la bwa lɔ Yeesu Kristo be. O nɛɛ ya che dɛ dɔ ɡɛ wejema nɔ.

Kolosi 2:3 ပူးပေါင်းရင်းမြစ်များ

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

Job Tɔn 28:21

O sɔh nɛra ne ola bwa Korowii aa taa, hale jumbii aa dɛ ɡah ɡba.

Sɛɡla 2:4

dɛ he siwi beɡrɔ, hɛɛ nyina kɛŋɔ suuɡapoŋ, kɛɛ kondɔɔh ane aa sɔh bobɛl aa,

Aesaya 11:2

Korowii Doma ɛɛ so o nɛɛ, dɛ́ ɡel o dɔ wejema ne waa mun noe, dɛ́ jemɛ nɛra jae dɛ́ dɔ kpeɡri, dɛ́ berɛ ɡel ó jemɛ Korowii waa bini dɛɛ duuru.

Aesaya 40:14

Ume bee Korowii la, naate baɡlo waa ó jemɔɔ? Umee baɡlo kasinteŋ ŋwɛnɛ ɔ? Ume tenee baɡlo wejema, kɛɛ waa mun noe yɔ?

Matiu 10:26

Anomanta, he bɛ nɛra dɛɛ ɔmɛ. Wobɛlbwa baa tɔ a ta la ɛɛ le baŋee, ásɛ waa aa sɔah bwa ɡe le nɛra jemɛ.

Amanesoma Luk Aa Chwera Tɔn 11:49

Anɔ waa Korowii bol o Tɔn la baa dɛ yerɔ Wejema la bini ŋɔ, ‘Mɛɛ tomɛ n keamere ne toroma ba bee, baa kpoo banee dɛ́ fiiɡi bane’ la.

Tɔn Pɔɔl Aa Chwerɛ Rom Tena 11:33

Ei! Korowii liire ne o wejema kan te! Umee dɛ́ won jemɛ Korowii waa mun ɔ? Umee dɛ́ won jemɛ o waa bini bwa nɔ?

1 Kɔrent 1:24

Kɛ Juu tena ne Grik tena Korowii aa lee ba ŋɔ bá ba ɛ o nɛra la, Yeesu Kristo waa la ɛ Korowii kpeɡri ne o wejema ba te be.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

Ɛfesos 1:8

O ta dɛ cha yaa kɛrɛdɛ ya won dɔ wejema ne liire.

Kolosi 1:19

Korowii tetooraa o Bie Yeesu ɛ o ɡbaɡba.

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

Kolosi 1:9

Anomanta, ya le awola yaa no he waa dɛ soŋe Korowii dɛɛ tɛ heyaa kɛŋɔ ó Domadɛɛɡe baɡle heyaa o wobɛlbwa kɛrɛdɛ, dɛ́ berɛ dɛɛ pili he sie hé won jemɛ wobɛlbwa aa ɛ Korowii tetoora la,

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Kolosi 3:3

dɛkalkɛŋɔ he do kɛŋɔ nɛra baa serewa a bɔr, he toole a ta kpa. He mkpa lɔ Yeesu Kristo be, o ɡe do Korowii be.

2 Pita 1:5

A ɡɛ waa nɔ wesoo nomanta la, hé takapɔ dɛɛ ɛ wedɛɛɡa dɛɛ ja he Yeesu waa yaradae ta, dɛ́ kpɔ wejema dɛ́ ja he wedɛɛɡa ɛɛ ta,

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”