Kolosi 2:2 - mzwDBL

² dɛ́ do he bwa ɡbemba he won nyin dɔŋa dɛ́ ɛ beŋkpoŋ, dɛ́ won jemɛ Korowii wesɔɔhla waa pili a bini tɛ heyaa la kɛrɛdɛ, he bɛ aahna-aahna tamaa bɛlbwa ɛ, dɛ́ dɔ tɔnɔ le o waa la bini kɛrɛdɛ. O waa laanee Yeesu Kristo.

Kolosi 2:2 ပူးပေါင်းရင်းမြစ်များ

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

Yela 133:1

Na wer ne silɛɛ aa dɔa kohona, kɛ nɛn ne o dɔŋa aa soɡe sodɛɛɡa nyopɛo ne!

Aesaya 32:17

Deŋnesɔɔhnaa dɛɛ ba waa aa toɡra la ta lee, dɛ́ ɡel bɔr sɔɔh, ásɛ ɔmee aa lee do kpa bwa.

Aesaya 40:1

Korowii haa dɛ tomɔ la ŋɔ, “Hé larawe n nɛra bwara.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Jeremia 9:24

Nomɛlbwa waa dɛ nyin o te maŋkurae la, wɛɛ maŋkura o te kɛŋɔ o jemɛ men Korowii dɛɛ no n waa mun, dɛkalkɛ n nyina lole saŋ bɛlbwa dɛɛ la. N waa wer dɛ toɡre ɡe, dɛkalkɛ a ɡɛ waa nɔɔ dɛɛ lɛ n sie. Men Korowiirii bola.

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Matiu 13:11

Anee Yeesu chaŋ ba ŋɔ, “He te dɔ Korowii Kora ne a wejema a fa aa sɔah bwa dɛ jemɛ. Kɛ ba te ta dɔe.

Amanesoma Luk Aa Chwera Tɔn 1:1

Nomoa Teɔfelɔs, nɛra warɔ dɛ takapɔ ŋɔ baa chwerɛ waa aa chiɡ ya binii.

Amanesoma Jɔn Aa Chwera Tɔn 10:30

N ne n Mɛɛ la bwa ɛ beŋkpoŋ.”

Amanesoma Jɔn Aa Chwera Tɔn 10:38

Kɛ dɛ n dɛ ɛ o we-ɛɛla aa ɛ nyokpowaa te, dɛ haa men yarada kwaraa naa, hé yarada o nyokpowaa la te, ásɛ dɛ jemɛ kɛ n ne o ɛ beŋkpoŋ bɛlbwa aa wola won daɡre o te o dɔŋ nɛ.”

Amanesoma Jɔn Aa Chwera Tɔn 16:15

Komɛlbwa n Mɛɛ la aa dɔa la ɛ n kon. A waa n ŋɔ Korowii Domadɛɛɡe laanee dɛ́ kpɔ n wobɛlbwa bol he be la.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 5:17

Anee Yeesu chaŋ ba ŋɔ, “N Mɛɛ te dɛ ɛ o toma saŋ te bɛlbwa, anomanta, ɡɛɛ chɛ kɛŋɔ n ɡe ɛɛ ɛ.”

Amanesoma Jɔn Aa Chwera Tɔn 5:23

Dɛ ŋɔ nómɛlbwa tɛ o Bie la jirima ɡɛ tenten baa dɛ tɛo jirima la. Anomanta, nomɛlbwa waa wola o Bie la jirima tɛ la, dɛ ɡɛɛ waa wola o Mɛɛ la waa tomɔ la jirima tɛ.

Amanesoma Jɔn Aa Chwera Tɔn 6:69

Ya dɛ yaradae, dɛ jemɛ kɛŋɔ henee Korowii Biɡoroŋ la.”

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 16:25

Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

1 Kɔrent 14:31

Hé bwa ɛɛ bol Korowii waa beŋkpoŋa beŋkpoŋa, ásɛ a dɔ tɔnɔ tɛ he bwa, dɛ́ do heyaa ɡbemba.

1 Kɔrent 2:12

Ya te, liire yaa dɔa ta harɛ nɔ ta liire ɛɛ. Korowiirii kpɔa tɛ yaa. O kpɔ o Domadɛɛɡe tɛ yaa o do ya nɛ. Anee ɡela ya jemɛ kwaa waa tɛ yaa la.

Galaasia 3:28

Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.

Ɛfesos 1:7

O Binyini laanee lɛ ya seo sewɛ. O chalee yawɛ yaa tɛ Korowii, asɛ o kpɔ ya wechɔɡa dɛɛ kɛ yaa. Anee dɛɛ baɡle suna waa sune ya nɛɛ kohona dɛɛ cha yaa la.

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Ɛfesos 3:3

O ɡbaɡbaa pili o wesɔɔhla waa bini baɡ mɛ. N fa chwerɛ ɡɛ waa nɔ tama dɛ tɛ heya.

Ɛfesos 6:22

A waa ɡela n tomɔ he be ásɛ o ba bol ya waa baɡle heya, dɛ́ do heyaa ɡbemba la.

Felepae 2:1

Haa dɔ ɡbemba pɛɛ he ne Yeesu Kristo aa pɛa la ta, o nyina ɡee larawe heyaa bwara, he dɔ Korowii Domadɛɛɡe ɡe wɛɛ cha heya, dɛ dɔ nɛnnyin he chal do dɔŋa nɛɛ nɔ,

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Kolosi 1:26

Korowii waa la fa sɔɔh saŋ la bwa, nɛra ta a mun jemɛ. Kɛ taraken te, o pili a bwa bini dɛ tɛ o nɛra ba wa aa toɡra,

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

Kolosi 1:9

Anomanta, ya le awola yaa no he waa dɛ soŋe Korowii dɛɛ tɛ heyaa kɛŋɔ ó Domadɛɛɡe baɡle heyaa o wobɛlbwa kɛrɛdɛ, dɛ́ berɛ dɛɛ pili he sie hé won jemɛ wobɛlbwa aa ɛ Korowii tetoora la,

Kolosi 2:19

dɛ vɛh o te kpɔe dɛ́ do Yeesu Kristo lɔɡa. Onee ya nyu, asɛ ya ɛ o bwadabii dɛɛ dɔ bokpeɡa o be, bɛlbwa lawɛ o dɔŋ kpoŋe kɛrɛdɛ ya ne o ɛ beŋkpoŋ, dɛ́ che pɛɛ yaa pɛa la ta dɛ ɡel yaa kpeɡ ɡɛ Korowii aa dɛ nyin.

Kolosi 3:14

Anɔ nɔ habɔɔ, hɛ́ɛ nyin nɛn. Nɛnnyinii dɛ́ won ɡel he dɔ nyopɛo dɛ́ ɛ anɔ bwa kɛrɛdɛ ka tonɛ.

Kolosi 4:3

Hé soŋe Korowii dɛ́ɛ tɛ ya ɡba, ásɛ o tɛ yaa ŋwɛnɛ ya won bol o Waa dɛ́ baɡle o wesɔɔhla aa ɛ Yeesu Kristo waa la. A waa ba koh do mɛ dea nɔ.

Kolosi 4:8

A waa mɛɛ tomɔ he be ó ba bol ya waa bwa, ásɛ he baah sɔɔh heyaa la.

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

1 Tesalonika 3:2

Timoti ɛ ya dɔŋ dɛ ɛ Korowii torome dɛɛ bol Yeesu Kristo Amanesoma la wa. Ya tomɔ ó ba do heyaa ɡbemba dɛ́ ja heyaa he yarada haa dɛ yarada Korowii la bɔr,

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Hibru 6:11

Ya dɛ nyin kɛŋɔ he bɛlbwa swɛɛ siwi ɡɛ dɛ́ ka tonɛ, ásɛ dɛ won dɔ kon haa dɛ hwɛɡɛ o ta la.

2 Pita 1:10

Anomanta, yabala, Korowii aa le heyaa tɛ o te nɔ, hé takapɔ kɛŋɔ hɛɛ ɡeloo he we-ɛɛla baɡle kɛŋɔ Korowii nɛra waa lee ba la banee heya. He dɛ ɛ ɡɛ naa, haa naa lɔ Yeesu Kristo waa nɔ yaradae ta bwa.

2 Pita 1:3

Yeesu dɔ Korowii kpeɡri la dɔŋ. Anee o kpɔ cha yaa, asɛ ya dɔ komɛlbwa yaa hiah dɛ won do le dɛɛ ɛ wedɛɛɡa. Yaa jemɛ Korowii waa le yaa ásɛ ya won dɔ o jirima ne o dadɛɛɡe la waa o ɛ ɡɛ.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

1 Jɔn 3:19

Anɔ taa yaa ba wona jemɛ kɛŋɔ ya cheɡɔ tɛ kasinteŋ la. Anɔ taa yaa ba bambisɔɔhna dɔe Korowii sie.

1 Jɔn 5:7

Kombele atoroo di danseɛ dɛɛ tɛ Yeesu.