Kolosi 2:19 - mzwDBL

¹⁹ dɛ vɛh o te kpɔe dɛ́ do Yeesu Kristo lɔɡa. Onee ya nyu, asɛ ya ɛ o bwadabii dɛɛ dɔ bokpeɡa o be, bɛlbwa lawɛ o dɔŋ kpoŋe kɛrɛdɛ ya ne o ɛ beŋkpoŋ, dɛ́ che pɛɛ yaa pɛa la ta dɛ ɡel yaa kpeɡ ɡɛ Korowii aa dɛ nyin.

Kolosi 2:19 ပူးပေါင်းရင်းမြစ်များ

Amanesoma Luk Aa Chwera Tɔn 5:38

Senfala chɛ loŋfala.

Amanesoma Jɔn Aa Chwera Tɔn 17:21

N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

Tɔn Pɔɔl Aa Chwerɛ Rom Tena 11:17

Moo laa pala dɛɛ kaa nyundua la aa? Israel tena do kɛ kobaah ɔleve da. Ba teŋe o kpala ane ta, dɛ kpɔ hen haa wola Israel te ɛɛ dɛ do kɛ kpɔɡ baah ɔleve daa kpale, dɛ ba vɔrɔwe marɛ kobaah kon la bɛl buɡ ta, asɛ hɛɛ nyɔ o nedɛɛɡa dɛ di, dɛ dɛɡ.

1 Kɔrent 1:10

Yabala, n kpɔ ya Dɔɔ Yeesu Kristo dɛɛ soŋe heyaa kɛ hé bwa ɛ beŋkpoŋ. He bɛ dɔŋa baahna peɡri, hé ɡel he nyoa pɛ he we-ɛɛla ne he liire ta.

1 Kɔrent 11:3

N dɛ nyin kɛ he jemɛ kɛŋɔ Yeesu Kristoo baa bɛlbwa nomoa, asɛ baa ɛ haah nomoa, Korowii ɡe ɛ Yeesu Kristo nomoa.

1 Kɔrent 3:6

Ya fa do kɛŋɔ nɛra baa dɛ du kwaa dɛ do he bini. Menee dua, asɛ Apolos ɡe ka ba, dɛ ba do nee a ta. Korowiirii ɡela kwaa la le dɛ kpeɡ.

Ɛfesos 1:22

Korowii kpɔ komɛlbwa ne nomɛlbwa bil Yeesu Kristo sie o tire ba nɛ, dɛ berɛ ɡel o ɛ asɔre tena bwa nyu,

Ɛfesos 1:23

asɛ ba ɡe ɛ o bwadabi. Onee kana ɡa dɛ won su harɛ nɔ bwa, kɛ asɔre tena laanee ɡela o waa dɔ nyɛl ka tonɛ.

Ɛfesos 2:21

Onee lawɛ banɔ la bwa ba ne waa pɛa la kpoŋe, asɛ dea la ɛɛ kpeɡ dɛ ɛ Korowii Dea, o nomanta.

Ɛfesos 4:3

dɛ́ swɛɛ siwi hé ne he bala baah do wer saŋ bɛlbwa, dɛ bɛ nyopɛo la Korowii Domadɛɛɡe aa tɛ heyaa la chɔɡ.

Ɛfesos 5:29

Umee dɛ hah o ɡbabir ɔ? Nomɛlbwa dɛ nyiŋi o te kɛrɛdɛ dɛɛ nyiŋi o nyu ɡɛ Yeesu Kristo aa dɛ nyiŋi asɔre tena la.

Felepae 1:27

Waa aa hiaah laanee kɛŋɔ hé ɡel he we-ɛɛla bwa do wer ɡɛ aa chɛ kɛ nɛra baa no Yeesu Kristo Amanesoma la waa aa doa, ásɛ dɛ n baa ba he be noo, n ta ba wone ba noo, ń no he waa kɛŋɔ he bwa liire ɛ beŋkpoŋ, hé che kiŋkiŋ, he nyoa pɛ, hé che tɛ Amanesoma la haa yaradaa la, á won la sie,

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

Kolosi 1:18

Onee asɔre tena bwa nyu, ba ɡee o bwadabi. Onee tɔ sie komɛlbwa nɛ, dɛ tɔ sie ir seo ta nomɛlbwa nɛ, dɛkalkɛŋɔ on chɛ kɛ ó ɛ nomoa komɛlbwa nɛ.

Kolosi 2:2

dɛ́ do he bwa ɡbemba he won nyin dɔŋa dɛ́ ɛ beŋkpoŋ, dɛ́ won jemɛ Korowii wesɔɔhla waa pili a bini tɛ heyaa la kɛrɛdɛ, he bɛ aahna-aahna tamaa bɛlbwa ɛ, dɛ́ dɔ tɔnɔ le o waa la bini kɛrɛdɛ. O waa laanee Yeesu Kristo.

1 Tesalonika 3:12

Yá Dɔɔ Yeesu ja heyaa dɔŋa nyina kɛrɛdɛ, ásɛ hɛɛ nyin nomɛlbwa ɡɛ yaa dɛ nyin heyaa la.

1 Tesalonika 4:10

Kasinteŋ, he dɛ nyin he bala baa lɔ Makidoonia harɛ la bwa. Yabala, ya dɛ soŋe heyaa kɛ he bɛ waa nɔ ɡel, kɛ hé ɛ ɡwaa ɡɛ.

2 Tesalonika 1:3

Yabala, ya koh he waa dɛ yon dɛɛ jam Korowii. He chɛ ɡɛ, dɛkalkɛŋɔ he yarada haa dɛ yarada Korowii la dɛ kaa sie saŋ bɛlbwa. Nyina haa dɛ nyin dɔŋa la ɡe ɡba dɛ do kan ja.

1 Pita 3:8

Waa maa dɛ nyin n bol laanee kɛŋɔ hé ɡel he nyoa pɛ, hé dɔ dɔŋa chal, hɛ́ɛ nyin dɔŋa kɛŋɔ nyabii. Hé dɔ tedoma dɛɛ tɛ dɔŋa, dɛ pwɛr he te dɛɛ tɛ dɔŋa.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.