Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolosi 2:16 - mzwDBL

16 Anomanta, dɛ nomɛlbwa dɛ pwah heyaa kwaa ane haa dɛ di, ne kwaa haa dɛ nyɔ, ne he tɔpejena dii benanyoa ne Korobifala Tɔpejena, ne Ona Tɔpera ta naa, he bɛ on dawɛ.

အခန်းကိုကြည့်ပါ။ ကော်ပီ




Kolosi 2:16
42 ပူးပေါင်းရင်းမြစ်များ  

Anee o jaa la chaŋe ŋɔ, “Bɔkwa waa hɛɛ nyin he la o be fini nɔ? Korobifale Tɔpejen kɛɛ Ona Tɔpere laa fini.” O ŋɔ, “Bɛ ɡel a hae.”


ne saraha kwaa baa dɛ fuah nɛra aa dɛ ba a ne Ona Tɔpera ne Korobifala Tɔpejena, ne anɔ la aa jaa Korowii lea cheɡ. Saŋ bɛlbwa chɛ kɛ bá warɛ do bela dɛɛ tomɛ Korowii ɡɛ baa kpɔa do ba nɔn ta.


Kooro Hɛsɛkea lawɛ o ɡbaɡba nae ne boohna ne peera tɛ ŋɔ, bá kpɔ ɛ sarahare baa dɛ fuah chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane baa lea cheɡ ta, ɡɛ baa chwera do Korowii Mmara tɔn bini la.


Dɛ nɛŋhɔɔhra baa soɡa bar yaa yoɡ mea kɛɛ komɛlbwa tɛ yaa Ona Tɔpere kɛɛ tɔpere waa do ɡoroŋ bɛlbwa ta naa, yaa yawɛ. Bene anuanɛ bɛlbwa ta la, yaa ɡel ya harɛre ta paraa, dɛ́ kpɔ kema nɛra aa di yaa ɡe kɛ.


Kema kɛŋɔ, paanoo waa do ɡoroŋ bá kpɔ dawɛ teebur ta, ne mea sarahare baa dɛ ɛa tɔpere bɛlbwa, ne sarahare baa dɛ fuah, ne Ona Tɔpera sarahare, ne Korobifala Tɔpejena, ne tɔpejena baa lea cheɡ, ne sarahare kwaa aa do ɡoroŋ, ne wechɔɡa kpɔe dɛ kɛ sarahare baa kpɔ soŋe Israel tena wechɔɡa, dɛ tomare bwa aa lɔ Korowii yaa dɛ tomɔ Dea.


Ate, Nehemia waa ɛ harɛ la ta nomoa, ne sɔfo Ɛsra waa ɛ tɔnjereme, dɛ Lewi dea tena baa baɡle waa la bini tɛ nɛra la ŋɔ, “Fini tɔpere do ɡoroŋ tɛ Korowii haa dɛ tomɔ, he bɛ wi.” Dɛkalkɛ nɛra la aa dɛ no waa la, dɛ ba dɛ wi.


N lii n saŋ la aa, dɛ n bambile chɔɡɔ, n ne nɛnlaa bwa fa yon la hen Korowii Dea, ásɛ n tɔ ba sie ba teŋɛ, ba sie lɛ ba ɡo yela, dɛɛ hɛɡre dɛɛ kpɛɛre.


Hé hoh pebal nyeɡle bɛla Korobifale Tɔpejen ta, korobie baa kpeɡ ɡe aa, hé berɛ hoh.


He saraha kwaa bɛlbwa ta tɔnɔ dɔe n be kpa. Hé ɡel a ne bala. N kii konsɔɔhsoma haa dɛ fuah. He wechɔɡa bɔle he korobifala, ne Ona Tɔpera, ne he chema haa chema dɛɛ tom mɛ bwa ta.


Asɛ men Ɛsekeɛl ŋɔ, “Akai Nemenɛ Korowii, le n bechale saŋ ba le fini, n ta konlale kɛɛ kon olchɔɡa aa kpoo kpɔe leɡe n nyoa bwa. Kondikwaa aa ɛ kii kwaa ta n nyoa joɛ bwa.”


A ɛ kooro la toma kɛŋɔ ó kpɔ saraha kwaa baa fuah, ne mea sarahare, dɛ sen sarahare tɛ tɔpejena ne Korobifala dɛ Ona Tɔpera dii ta. Wɛɛ kpɔ wechɔɡa kpɔe dɛ kɛ sarahare, ne mea sarahare, ne sarahare baa dɛ fuah, dɛ deŋnesɔɔhna saraharee ba soŋe Israel tena wechɔɡa n be, ń kpɔ kɛ ba.


O ɛ tɔpere haa onɛ o ta dɛɛ vɔwɛ nyoa. Á ɛ Mmara dɛ́ chɔ tɛ heyaa saŋ bɛlbwa dɛɛ la.


dɛɛ bol ŋɔ, “Saŋ besoo Korobifala Tɔpejena dii ɛɛ ba a jaɡa bala ásɛ ya yoɡ mea ɔ? Saŋ besoo Ona Tɔpere ɡe ba kaa ásɛ ya ka yawɛ kwa ɔ? Ásɛ ya kpɔ kwaa aa wola chɛ kɛ ya kpɔ maɡɛ kwa, dɛ́ dawɛ a yoɡ, dɛ́ faah nɛra a maɡa ta,


Ba sie baa lɛ ba benanyoa ne Korobifala Tɔpejena baa lea cheɡ dɛɛ dia ta naa, bá hoah bela baa kpɔ saraha kwaa baa dɛ fuah, ne deŋnesɔɔhna saraha dɛɛ ba la, ásɛ a chɔ le dɛɛ lii ba n wa. Menee Korowii baa dɛ tom mɛ la.”


kwaa nɛn aa dɛ di laa ɡela o ɛ nɛnchɔɡe, nemenɛ anɔ la aa dɛ le o nyoa wɛɛ bol la.”


Aa he bambile bini kaa. He teene binii aa kaa, ásɛ dɛɛ berɛ dahara.” Yeesu aa bol waa nɔ la, o baɡlɔ kɛ kondikwaa bɛlbwa wer. Aa won ɡel nɛn ɛ nɛnchɔɡe.


kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,


Aah dɛ bɔkwaa ɡela he nɛra haa wola ol di ɛɛ pwah he bala baa dɛ di komɛlbwa nɔɔ? He banɔ la haa dɛ di komɛlbwa ɡe la, bɔkwaa ɡela hɛɛ lii he bala baa wola ol di nɛndoŋa nɔɔ? Ya bwa ɛɛ che Korowii siee, ásɛ o bol ya waa dɛ́ pa bole.


Kɛ he ta dɛ teŋɛ Mosis Mmara ta dɛɛ maŋkura tɔpejena ne korobie ane ne bene ane kenɛ?


He ne Yeesu Kristo pɛo dɛ sewɛ, anomanta, he ne koŋkwaa aa dɛ di kpeɡri harɛ nɔ ta toole wobɛlbwa bini kpa. Aah bɔkwa waa he ta kpɔ he te dɛɛ do harɛ nɔ ta kii ta dɛ ɡel a vɔrɔwe heyaa ŋɔ,


He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.


A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.


Yabala, he bɛ he bala dɛɛ ŋwalɛ. Nomɛlbwa waa ŋwalɛ o dɔŋ kɛɛ dɛ́ pwaoh la, dɛ Mmara laanee o ŋɔ aa were dɛɛ pwah la. Dɛ he bol waa dɛɛ yaɡɛ Mmara la aa, amɔ te dɛ haa waa Mmara la aa baɡla la ɛ. Dɛ he dɛ ɡɔɔ he te dɛɛ pwah Mmara la.


Ate, Jonatan ŋɔ Devid be ŋɔ, “Korobifale Tɔpejen dii kere, baa hen na, he kara ɛɛ che pɛɛ.


Ate Devid ŋɔ, “Keree Korobifale Tɔpejen, a chɛ kɛ n ne kooro di kwa. Kɛ ɡel ń chwa ka sɔh kpɔɡ bini ka tel kerele jɔmɔra.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ