Kolosi 2:13 - mzwDBL

¹³ He wechɔɡa ne he dobene Korowii fa aa wola teŋe ta la ɡelɔ he fa do kɛŋɔ he serewɔ. Kɛ he ne Yeesu Kristo aa pɛa la, Korowii kpɔ he bwa wechɔɡa kɛ heya, dɛ tɛ he bwa mkpafale.

Kolosi 2:13 ပူးပေါင်းရင်းမြစ်များ

Ɛfesos 2:1

He fa do kɛŋɔ he sewɔ Korowii be. He wechɔɡaa ɡela he beɡre ɡɛ.

Tɔn Pɔɔl Aa Chwerɛ Rom Tena 8:11

Korowii waa ir Yeesu Kristo seo ta la, dɛ o Domadɛɛɡe lɔ he nɛ aa, ɡɛ Korowii aa iru seo ta la, wɛɛ che o Domadɛɛɡe la taa, dɛ́ tɛ he bwadabii aa dɛ ba pɔeh kerekere nɔ mkpa.

2 Kɔrent 3:6

Korowii ɡelɔ ya won dɛɛ ɛ o fɔofale la toma. A ɡɛ fɔofale nɔ ta mmara baa chwera waa ɛɛ, Korowii Domadɛɛɡe waa. Mmara baa chwera la dɛ ba seo ne, kɛ Korowii Domadɛɛɡe la te dɛ ba mkpa ne.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

2 Kɔrent 5:19

Korowii cheɡɛ Yeesu Kristo nɛɛ dɛ kwaa o ne nɛwɛnyina baah, dɛ laɡ ba dɛɛ pɛl o te, waa wola ba wechɔɡa nyiŋi. Yanee o kpɔ o waa tɛ ŋɔ yá baɡle ɡɛ waa kwaa o ne ba baah, dɛ́ laɡ ba ásɛ o ne ba pɛ.

Ɛfesos 2:11

Anomanta, hɛ́ɛ lii ɡɛ he fa aa doa la. He ta Juu tena ɛɛ, asɛ Juu tena baa dɛ maŋkura penteŋ la koh kɛ haa he pena teŋe dɛɛ nyiŋi he nyubaah. A ɛ nɛwɛnyini bwadabii we-ɛɛla.

Amanesoma Luk Aa Chwera Tɔn 15:32

He nime nɔ aa nyoɡra dɛ berɛ ba nɔ, a chɛ kɛŋɔ yá ɡel ya sie lɛ, dɛkalkɛŋɔ ya ŋɔ o sewɔ, o berɛ ba nɔ, ya ŋɔ o nyoɡrɔ, kɛ taraken ya nao.’ ”

Amanesoma Luk Aa Chwera Tɔn 15:24

dɛkalkɛŋɔ n fa liiro kɛŋɔ n bie nɔ sewɔ, asɛ o berɛ ba nɔ. O fa aa nyoɡra la, taraken te n nao.’ Ate, ba ɛ kondikwaare dɛɛ di dɛɛ lɛ ba sie tenten.

Yela 71:20

A lole kɛŋɔ he ɡelɔ n na wahala kohona te, kɛ hɛɛ berɔ ɡel n dɔ bokpeɡa ja, hɛɛ laɡ mɛɛ le seo nyoa, dɛ́ tɛ mɛ mkpa.

Jems 2:26

Anomanta, ɡɛ nɛn ta hweera dɔe yaa dɛ o sewɔ la, ɡɛɛ yarada wedɛɛɡa ɛɛ aa wola a ta jae la ɛ yaradapuu.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

1 Kɔrent 15:45

Ba chwerɔ do Korowii Tɔn bini ŋɔ, “Korowii ta nɛnloɡle, dɛ yerɔ Adam, asɛ o dɔ mkpa dɛ do le.” Kɛ muŋkaa Adam la te ɛ Korowii doa nɛn dɛɛ tɛ mkpa. Onee Yeesu Kristo.

Tɔn Pɔɔl Aa Chwerɛ Rom Tena 6:13

He bɛ he bwadabii bobɛlbwa kpɔ dɛɛ ɛ wechɔɡa. A chɛ kɛŋɔ hé kpɔ he te tɛ Korowii kɛŋɔ nɛra baa sewa dɛ ir, dɛ charɛ ba soɡa ne ba dor. Hé kpɔ he bwadabii bobɛlbwa tɛ Korowii, dɛ kpɔa dɛɛ ɛ waa aa toɡra.

1 Jɔn 2:12

N bidɛɛɡa, n chwerɛ waa nɔ dɛɛ tɛ heya, dɛkalkɛ Korowii koh Yeesu waa dɛ kpɔ he wechɔɡa kɛ heya.

1 Kɔrent 15:36

Gɛne! Komɛlbwa haa du la, o dɛ pɔh mɔɔ dɛ́ le.

Amanesoma Jɔn Aa Chwera Tɔn 5:21

Gɛ Korowii aa dɛ chum nɛra baa serewa asɛ dɛ ɡel baa dɔ mkpa la, ɡɛ tentenee o Bie la ɡe ɛɛ ba wona chum bɛlbwa waa dɛ nyin dɛ́ tɛo mkpa.

Amanesoma Luk Aa Chwera Tɔn 9:60

Asɛ Yeesu chaŋo ŋɔ, “Gel nɛra baa wola Korowii mkpa dɔe la huɡe ba dɔŋa, ásɛ he ka bol Korowii Kora la bini waa baɡle nɛra.”

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Yela 119:50

Bolarawa maa dɔa dɛ le n wenaale bini laanee kɛŋɔ, he nyoa haa baɡ mɛ la ɡelɔ n dɔ mkpa.

Hibru 6:1

Yaa jemɛ Yeesu Kristo weloɡla la nomanta la, siee a chɛ kɛ yaa kaa, dɛɛ la nomonome bini. Yaa berɛ pa mun bol ɡɛ aa chɛ kɛ ya charɛ liire le ya wechɔɡa aa dɛ kaa ya ne seo ta la ta, ne ɡɛ aa chɛ kɛ ya yarada Korowii dɛ kpɔ ya te tɛo waa kpa.

1 Timoti 5:6

Kɛ luhaah bodia wa aa dɛ lɛ o sie la, o soɡe le te, kɛ o do kɛŋɔ nɛn waa sewa.

Tɔn Pɔɔl Aa Chwerɛ Rom Tena 4:17

Anee Korowii waa baa chwera ŋɔ, “N ɡelɔ he ɛ nɛnfuuh bwa mɛɛ” la baɡle la. A ɡɛ waa nɔ ɛ kasinteŋ Korowii be. Onee Abraham faa yarada la. On won nɛra baa serewa kwaraa chuma, dɛ won dɛɛ bol waa aa wola chiɡe bwa kɛŋɔ aa chiɡa ka la.

Amanesoma Jɔn Aa Chwera Tɔn 6:63

Hé jemɛ kɛŋɔ Korowii Domadɛɛɡe ɡbosoroo dɛɛ tɛ mkpa. Nɛwɛnyini bokpeɡa te ɛ pɛɛpɛɛ. Waa maa dɛ bol he be nɔ dɛ ba Korowii Domadɛɛɡe la ne, asɛ dɛɛ tɛ heyaa mkpa.

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Jems 2:20

Gɛne! He dɛ nyin n baɡle kɛŋɔ yarada wedɛɛɡa ɛɛ aa wola a ta jae la ɛ pɛɛpɛɛ aa?

Jems 2:17

Gɛɛ a do yarada ta kɛŋɔ dɛ nɛn ta wedɛɛɡa ɛɛ dɛɛ ja o yarada ta naa, dɛ o yarada la ɛ wepuu.

1 Timoti 6:13

Korowii waa tɛ komɛlbwa mkpa la, ne ya Dɔɔ Yeesu Kristo la waa wona dɛ che Pɔnteɔs Paelet sie dɛ bol kasinteŋ la sɔn taa n che dɛɛ jae

Yela 32:1

Nɛra Korowii aa kpɔ ba wechɔɡa kɛ ba, waa wola a waa lii kpa la, ba na som.

Kolosi 2:12

Korowii nee ba fa aa sɔ heyaa la, anee baɡla kɛ he ne Yeesu Kristo bwaa ba pɛ huɡe. Asɛ a berɛ che yarada haa dɛ yarada Korowii ne kpeɡri waa kpɔa ir Yeesu seo ta la ta, he ne o bwa pɛ ir dɛ dɔ mkpa.