Kolosi 2:12 - mzwDBL

¹² Korowii nee ba fa aa sɔ heyaa la, anee baɡla kɛ he ne Yeesu Kristo bwaa ba pɛ huɡe. Asɛ a berɛ che yarada haa dɛ yarada Korowii ne kpeɡri waa kpɔa ir Yeesu seo ta la ta, he ne o bwa pɛ ir dɛ dɔ mkpa.

Kolosi 2:12 ပူးပေါင်းရင်းမြစ်များ

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.

Galaasia 3:27

He banɔ la ba fa aa sɔ heyaa Korowii nee asɛ he ne Yeesu Kristo ɛ beŋkpoŋ la, Yeesu Kristo daa he kpɔ ɡɛ la.

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

Ɛfesos 3:17

dɛ́ won dɔ yarada kɛrɛdɛ, ásɛ he won lawɛ Yeesu Kristo he ne o pɛ. N dɛ soŋo he bambile won do o nɛɛ dɛ́ lawɔ kɛrɛdɛ,

Tɔn Pɔɔl Aa Chwerɛ Rom Tena 4:24

Ya nɛra yaa dɛ yarada Korowii waa ir ya Dɔɔ Yeesu seo ta la, ya bwaa ba chwera tɛ. Ya bwaa Korowii ɛɛ ba lɛɛ kɛ nɛndɛɛɡa, ya waa su o siwi.

Ɛfesos 4:5

Ya bwa Dɔɔ lɔ beŋkpoŋ. Waa ya bwa aa dɛ yarada, ne Korowii nee baa sɔ ya bwa la ɡe ɛ beŋkpoŋ.

Ɛfesos 2:8

Korowii aa lɛ heyaa ta la, o nɛn nɛɛ suna ne he yarada waa o ɛ ɡɛ. He ɡbaɡba be laa a le, pɛɛpɛɛ o lɛ heyaa ta dɛ tɛ heyaa mkpa.

1 Kɔrent 15:20

Kɛ ɡɛ laa a do. Korowiirii ir Yeesu Kristo seo ta. Onee tɔ sie ir seo ta nɛra baa serewa la nɛɛ mɔɔ ba ɡe baa ir.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 6:2

Yaa berɛ bol Korowii nee sɔe wa, ne nɔɔra kpɔe dɛ dawɛ nɛra nɛ, ne ɡɛ lala bwa aa ba ir seo ta, ne ɡɛ Korowii aa ba bol nɛra waa dɛ́ pa bole dɛ́ bɔ ba ba wechɔɡa kem aa wola jaɡaa dɔ waa kpa.

Felepae 1:29

Korowii ɡelɔ he won yarada Yeesu Kristo, dɛ berɛ won koh o waa na hɔhɔrɔwa. Wejenaa o ɛ tɛ heyaa he won koh o waa na hɔhɔrɔwa la.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Ɛfesos 3:7

Amanesoma toma nɔɔ Korowii kpɔ tɛ mɛ. Sunaa o sune n nɛɛ kohona dɛ cha mɛ o kpeɡri ne, n won dɛɛ ɛ toma nɔ.

1 Kɔrent 12:13

Juu tena o, Grik tena o, yoma o, nɛra baa dɔ ba te noo, Korowii kpɔ o Domadɛɛɡe la sɔ ya bwa ne, asɛ ya ɛ beŋkpoŋ. O tentenee o ɡel ya bwa dɔ dɛ nyɔ do ya bini.

Tɔn Pɔɔl Aa Chwerɛ Rom Tena 7:4

Yabala, Yeesu Kristo seo waa sewa la, a ɛo kɛŋɔ he ne onee pɛa sewɛ. Anomanta, he toole Mmara lɔɡa. Mmara la aa kpeɡri di he nɛɛ kpa kɛŋɔ haah jaa sewaa, waa wola toole hahmor Mmara lɔɡa kpa la. He berɔ ɛ Yeesu Kristo waa ir seo ta la nɛra, ásɛ dɛ won ɛ Korowii toma, he waa dɔ tɔnɔ o be.

We-ɛɛla 14:27

Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa.

Amanesoma Luk Aa Chwera Tɔn 17:5

Yeesu toroma la ŋɔ o be ŋɔ, “Ya Dɔɔ, cha yaa dɛ́ ɡel ya dɔ yarada kohona.”

We-ɛɛla 2:32

A ɡɛ Yeesu nɔɔ Korowii ir seo ta la. Ya bwa kpɔ ya sie nao dɛɛ diu danseɛ.

Kolosi 1:29

A waa ɡela n swɛɛ siwi dɛ takapɔ dɛɛ ɛ toma la. Yeesu Kristoo tɛ mɛ kpeɡri ɡa n won dɛɛ ɛ ɡɛ toma la.

Kolosi 2:13

He wechɔɡa ne he dobene Korowii fa aa wola teŋe ta la ɡelɔ he fa do kɛŋɔ he serewɔ. Kɛ he ne Yeesu Kristo aa pɛa la, Korowii kpɔ he bwa wechɔɡa kɛ heya, dɛ tɛ he bwa mkpafale.