Kolosi 1:9 - mzwDBL

⁹ Anomanta, ya le awola yaa no he waa dɛ soŋe Korowii dɛɛ tɛ heyaa kɛŋɔ ó Domadɛɛɡe baɡle heyaa o wobɛlbwa kɛrɛdɛ, dɛ́ berɛ dɛɛ pili he sie hé won jemɛ wobɛlbwa aa ɛ Korowii tetoora la,

Kolosi 1:9 ပူးပေါင်းရင်းမြစ်များ

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

Kolosi 4:5

Hɛ́ɛ nyiŋi kɛrɛdɛ, dɛ́ jemɛ ɡɛ aa chɛ kɛŋɔ hɛ́ɛ ɛ nɛra baa wola asɔre tena ɛɛ la, ásɛ dɛ he dɔ ŋwɛnɛ bɛlbwa naa, hé che o ta dɛ́ won dɔɔ ba tɛ Korowii.

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

1 Pita 2:15

Korowii dɛ nyin kɛ hɛɛ ɛ wedɛɛɡa, dɛ́ won dɛɛ tɔ ɡɛna ŋwɛnɛ ba bɛ won bol ɡɛnewaa dɛɛ chɔɡ heya.

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.

2 Tesalonika 1:11

Yeesu bala la waa ya yon dɛɛ soŋe Korowii dɛɛ tɛ heya, ásɛ o cha heyaa he soɡa bini won maɡre dɛ́ chɛ lee waa le heyaa dɛ tɛ o te la, dɛ́ tɛ heyaa kpeɡri he won ɛ wedɛɛɡa la bwa aa lɔ he bambile bini ne wobɛlbwa haa ŋɔ hé ɛ, yarada haa yaradao la nomanta.

1 Tesalonika 5:17

dɛɛ soŋe Korowii saŋ bɛlbwa.

Yela 143:10

Henee Korowii maa dɛ tomɛ. Baɡ mɛ mɛɛ ɛ waa haa dɛ nyin. Nyiŋi n nɛɛ kɛrɛdɛ, dɛ́ ɡel mɛɛ kpɔ ŋwɛnɛdɛɛɡe ta.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Hibru 10:36

A hiaoh kɛŋɔ he lawɛ bambile dɛ́ won ɛ ɡɛ Korowii aa dɛ nyin, ásɛ dɛ won dɔ kwaa waa baɡɛ heyaa nyoa la.

Felepae 1:4

dɛ́ yon kpɔ silɛɛ dɛ́ soŋo dɛɛ tɛ he bwa,

Faelemɔn 1:4

N Korowii soŋa bini te bɛlbwa, n dɛ yerɛ he Faelemɔn sɔn dɛ kpɔ jam dɛɛ tɛ Korowii,

Ɛfesos 6:6

He bɛ sɔn waa koh dɛ́ kpɔ bokpeɡa dɛ́ɛ ɛ toma nɛra sie ta, kɛ hɛ́ɛ ɛ toma kɛrɛdɛ ɡɛ aa chɛ kɛ Yeesu Kristo bonɔndɛɛɡa ne toldɛɛɡa aa dɛ ɛ, dɛ́ɛ ɛ toma he bambile bwa ne á su Korowii siwi.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

1 Tesalonika 1:3

Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.

1 Jɔn 2:17

Harɛ nɔ ne o pɛla kwaa bwa sekwaraa dɔ jaɡa. Naate waa dɛ ɛ anɔ la Korowii aa dɛ nyin la ɡbosoo dɛɛ ba le doe saŋ bɛlbwa.

1 Pita 4:2

Le fini dɛɛ kaa, hé kpɔ Korowii tetoora dɛɛ tɔ sie he soɡa bini harɛ bonɔ. He bɛ kwaa nɛwɛnyina aa dɛ pɛlɛ a ta la nɛɛ dɛɛ teŋɛ kpa.

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

Ɛfesos 5:17

Hé ɡel he nfɛrɛ nyae la, dɛ́ jemɛ waa Korowii aa dɛ nyin la kɛrɛdɛ.

Ɛfesos 5:10

Anomanta, hé jemɛ waa haa ɛ aa lɛ Korowii sie,

Ɛfesos 1:8

O ta dɛ cha yaa kɛrɛdɛ ya won dɔ wejema ne liire.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Yela 119:99

N dɛ no waa mun ɡwaa nɛra maa hweli waa le ba be, dɛkalkɛ he Mmarare la waa lɔ n nyu bini mɛɛ liira.

1 Kɔrent 1:5

He ne waa pɛa la nomanta, o ja heyaa kpeɡri ŋwɛnɛ bɛlbwa ta. O ɡelɔ he jemɛ wobol, dɛ tɛ heyaa wejema, asɛ a baɡle kɛŋɔ

We-ɛɛla 12:5

Gɛɛ a do ba do Pita dea. Kɛ dɛ o bala asɔre tena la pɛpɛo dɛ soŋe Korowii dɛɛ tɛo tenten.

Faelemɔn 1:6

Waa maa dɛ soŋe Korowii laanee kɛŋɔ nyopɛo la he ne o nɛra aa dɔa hɛɛ yaradao la chae kɛrɛdɛ, ásɛ he won jemɛ wedɛɛɡa te bɛlbwa Korowii aa dɛ nyin o cha yaa ya won dɔ, pɛɛ ya ne Yeesu Kristo aa pɛa la nomanta.