Kolosi 1:7 - mzwDBL

⁷ Epafras bee he no Amanesoma la le. Ya ne o bwaa pɛa dɛɛ ɛ toma nɔ. O ɛ Yeesu Kristo bonɔɔ o wa aa dɔ kasinteŋ yaa nyinu kɛrɛdɛ. Ya naa taa o che dɛɛ cha heya.

Kolosi 1:7 ပူးပေါင်းရင်းမြစ်များ

Nɛra Kura 12:7

Gɛ laa n ne n bonɔɔ Mosis waa do. O waa dɔ kasinteŋ, n kpɔ n nɛra bwa do o nɔn ta.

Matiu 18:29

Anee o bonɔndɔŋ la ɡuŋi o sie dɛ soŋo ŋɔ, ‘N poori, na n sum dɛ́ lawɛ bambile, kɛ mɛɛ bɔe he kemee.’

Matiu 24:45

Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Matiu 25:21

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ dɛ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

1 Kɔrent 4:17

A waa ɡela n tomɛ Timoti he be la. O ɛ n bie maa dɛ nyinu, wɛɛ no n deŋna waa Yeesu Kristo toma nɔ ta. Wɛɛ lii heyaa ɡɛ maa dɛ teŋɛ Yeesu Kristo waa la ta. Gɛ maa dɛ baɡle asɔrere ta bobɛlbwa laanee wɛɛ ba heyaa liira.

1 Kɔrent 4:2

Waa aa chɛ nɛn baa kpɔ waa do o nɔn ta laanee kɛŋɔ o ɡel o waa dɔ kasinteŋ.

1 Kɔrent 7:25

Korowii ta men nɛra baa wola yalɛ la waa baɡlɛ, kɛ o dɛ cha mɛ asɛ mɛɛ ɛ o toma kɛrɛdɛ. Anomanta, mɛɛ baɡle ɡɛ maa jemaa.

2 Kɔrent 11:23

Yeesu Kristo bonɔɔnaa ban kɛɛ? N dɛ bol choɡla wobol te, kɛ dɛ ba ɛ Yeesu Kristo bonɔɔna aa, n ɛ o bonɔɔ ɡwaa ba! N ɛ toma ɡwaa ba. Ba do mɛ dea ɡwaa ba, dɛ cha mɛ chweremi ɡwaa ba. Waa maa naa a yon ka jɛɛ n sewɛ warɔ.

Ɛfesos 5:21

Hé bwa ɛɛ no dɔŋa be ɔma haa dɛ ɔmɛ Yeesu Kristo la nomanta.

Felepae 2:25

N liiro kɛŋɔ a hiaoh kɛ ń tomɛ ya dɔŋ Epafrodaetɔs he be. N ne onee dɛɛ ɛ toma nɔ, dɛ yo dɛɛ tɛ Korowii. Onee he faa tomɛ n be o ba cha mɛ la. N ɡee berɔɔ tomɔ he be,

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

Kolosi 4:7

Yɔɔ, ya dɔŋ Tichikos yaa dɛ nyinu o waa dɔ kasinteŋ, wɛɛ cha yaa, ya ne o bwa ɛɛ ɛ ya Dɔɔ toma nɔ la, wɛɛ ba baɡle n waa bwa he bee.

Kolosi 4:9

O ne ya dɔŋ Onisemɔs o wa aa dɔ kasinteŋ yaa nyinu la bwaa mɛɛ tomɛ, ásɛ ba ba bol waa aa dɛ chiɡ bonɔ bwa he be. Onisemɔs te ɛ he bwɛɛ te.

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

Faelemɔn 1:23

Epafras baa koh Yeesu Kristo waa dɛ do n ne on dea la dɛ nae.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Hibru 3:2

O waa dɔ kasinteŋ Korowii waa kpɔɔ ŋɔ ó ɛ o toma la be kɛŋɔ Mosis fa aa dɛ nyiŋi Korowii nɛra nɛɛ o waa dɔ kasinteŋ wobɛlbwa ta la.