Kolosi 1:5 - mzwDBL

⁵ Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

Kolosi 1:5 ပူးပေါင်းရင်းမြစ်များ

Yela 31:19

Nɛra baa dɛ ɔmɛ la, he kwaa kondɛɛɡa aa wera cheɡ ba. Nɛra baa chwaa baa marɛ la, he kpɔ waa aa wera dɛɛ tɛɛ ba.

Amanesoma Luk Aa Chwera Tɔn 12:33

Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

We-ɛɛla 13:26

Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba.

We-ɛɛla 23:6

Pɔɔl nyiŋi nɛra baa cheme bela la dɛ na kɛŋɔ bane ɛ Saduki tena, asɛ bane ɡe ɛ Farisii tena. Belaa o kpɔ takpeɡ ŋɔ, “Yabala, Farisii tee men noo! Farisii tena biee men. N dɛ hwɛɡɛ kɛ nɛra ɛɛ ir seo taa. Gɛ hwɛɡa nɔ maa dɔa nɔ waa ba ba n ne ŋɔ hé bol n waa dɛ́ pa bole la!”

We-ɛɛla 24:15

N dɛ hwɛɡɛ kɛŋɔ nɛndɛɛɡa ne nɛnchɔɡa bwa ɛɛ berɔɔ ir seo ta. Nɛra nɔ ɡba dɔ ɡɛ hwɛɡa nɔ.

Tɔn Pɔɔl Aa Chwerɛ Rom Tena 10:8

Waa Korowii Tɔn aa dɛ bol laanee kɛŋɔ, “Korowii waa la pu heyaa tonɛ a lɔ he nyoo ne he bambili ta kwara.” Yeesu Kristo yaradae waa yaa dɛ bol he be laanee Korowii waa nɔ.

1 Kɔrent 13:13

Anomanta, webele atoroo lole, yarada, hwɛɡa ne nɛnnyin. Kɛ nɛnnyinii ɡwaa a bwa.

1 Kɔrent 15:19

Dɛ ya soɡa yaa soɡa nɔ ɡbo taa ya dɔ hwɛɡa Yeesu Kristo be naa, amɔ te ya waa sum ɡwaa nɛra bwa wa.

2 Kɔrent 5:19

Korowii cheɡɛ Yeesu Kristo nɛɛ dɛ kwaa o ne nɛwɛnyina baah, dɛ laɡ ba dɛɛ pɛl o te, waa wola ba wechɔɡa nyiŋi. Yanee o kpɔ o waa tɛ ŋɔ yá baɡle ɡɛ waa kwaa o ne ba baah, dɛ́ laɡ ba ásɛ o ne ba pɛ.

2 Kɔrent 6:7

ne kasinteŋ bola ta, ne Korowii kpeɡri waa kpɔa cha yaa ta, dɛɛ baɡle kɛ Korowii bonɔɔnaa yan. Waa aa dɛ su Korowii siwi laanee ya dɔmkwa. A nee yaa yo diɡ ne ɡal ne, a nee yaa tɔ ya te ɡbemɡbe.

Galaasia 2:14

Maa naa kɛŋɔ ba nyoɡre Yeesu Kristo Amanesoma la ŋwɛnɛ la, n di Pita kasinteŋ yabala la bwa siwi ta ŋɔ, “Ŋwɛnɛ besoo taa a che he ɛ Juu te haa wola Juu tena nawee waa la ta teŋɛ, dɛ ŋɔ he hamɛ nɛra baa wola Juu tena ɛɛ ŋɔ báa teŋɛ a ta nɔ?

Galaasia 2:5

Yaa wola nyin kɛ bá won berɛ Amanesoma la sie ásɛ kasinteŋ la do le tɛ heyaa la, ya ta ban sie tɛɛ kwaraa.

Galaasia 5:5

Ya te ken nɔ, ya cheɡɛ yarada yaa dɛ yarada Yeesu Kristo la ta dɛɛ hwɛɡɛ kɛŋɔ Korowii Domadɛɛɡe ɛɛ ɡeloo ya ɛ nɛndɛɛɡa ya waa su Korowii siwi.

Ɛfesos 1:13

Baa baɡle heyaa kasinteŋ dɛ le Amanesoma la aa dɛ lɛ heyaa la ta la, he ɡba sɛoh dɛ ja beŋkpoŋri ya ne Yeesu Kristo aa ɛa la ta. Haa yarada Korowii dɛ kpɔ he te tɛo la, o kpɔ o Domadɛɛɡe tɛ heyaa ɡɛ waa baɡɛ heyaa nyoa la. O Domadɛɛɡe la lɔ ya nɛɛ dɛ ɛ nso kɛŋɔ ya ɛ Korowii nɛra.

Ɛfesos 4:21

He no o wa, ba baɡle heyaa kasinteŋ ŋwɛnɛ la, asɛ he jemɛ ɡɛ baa dɛ teŋɛ Yeesu nɛ.

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

1 Timoti 1:15

Waa nɔ ɛ kasinteŋ aa chɛ kɛŋɔ hé lɛa kɛŋɔ wechɔɡ-ɛɛra waa Yeesu Kristo koh ba harɛ nɔ ta dɛ ba lɛɛ ba. N wechɔɡaa kana ɡwaa nomɛlbwa kwa.

2 Timoti 4:8

Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

Hibru 7:19

A ɡɛ Mosis Mmara nɔ fa ta wone ɡel nɛwɛnyina ɛ nɛndɛɛɡa ka tonɛ. Kɛ taraken te, ya dɔ wefala dɛɛ hwɛɡɛ a ta a ɡwaa ambena la, dɛ che a ta dɛ́ won tuuh dɛɛ tel Korowii.

1 Pita 2:2

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

2 Pita 1:12

Kasinteŋ waa la haa noa la, he dɔɔ jema kɛrɛdɛ dɛ che a ta kiŋkiŋ. Kɛ mɛɛ dɛɛ lii heyaa a waa saŋ bɛlbwaa.

1 Jɔn 3:3

Nomɛlbwa waa dɔ ɡɛ hwɛɡa Yeesu Kristo nɛɛ la chɛ kɛ ó lawɛ o te, dɛ́ laa o te dɛ́ɛ kpɔ wechɔɡa ŋwɛnɛre ta, dɛ́ won do kaih ɡɛ tenten Yeesu Kristo aa do kaih la.