Kaala 9:27 - mzwDBL

²⁷ Belaa Ijipt kooro yerɛ Mosis ne Arɔn dɛ ŋɔ, “Taraken n nao kɛŋɔ n ɛ wechɔɡa, Korowii waa toɡra. N ne n nɛra sɛh chɔɡre.

Kaala 9:27 ပူးပေါင်းရင်းမြစ်များ

2 Samoɛl 12:13

Ate, Kooro Devid ŋɔ Netan be ŋɔ, “N ɛ wechɔɡa dɛ jo Korowii nɛ.” Asɛ Netan ɡe chaŋo ŋɔ, “Korowii kpɔ he wechɔɡa kɛɛ, haa sewɛ.

2 Webena 12:6

Ate, kooro ne Israel nomonome sɛh kɛŋɔ ba ɛ wechɔɡa dɛ ŋɔ, “Korowii waa waa ɛa wer.”

Yela 129:4

Kɛ Korowii o wa aa toɡra la lɛ yaa le nyubinikpeɡ tena nɔn ta.”

Yela 145:17

N Naa Korowii, waa haa dɛ ɛ bwa toɡrɔ, he dɛ nyin he kontaala bwa.

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

Kaala 10:16

Belaa Ijipt kooro ɛ warane dɛ ɡel ba yerɛ Mosis ne Arɔn tɛo dɛ soŋ ba ŋɔ, “N ɛ Korowii haa dɛ tomɔ la ne he bwa wechɔɡa.

Kaala 10:17

Hé kpɔ n wechɔɡa kɛ mɛ ja dɛ́ soŋe Korowii haa dɛ tomɔ la o laa serewe waa nɔ kpɔ n nɛ.”

Kaala 8:25

Belaa Ijipt kooro yerɛ Mosis ne Arɔn dɛ ŋɔ, “Hé ir kaa dɛ́ ka kpoo kwaa tɛ Korowii n harɛ ta bonɔ.”

Kaala 8:8

Belaa Ijipt kooro yerɛ Mosis ne Arɔn dɛ ŋɔ ba be ŋɔ, “Hé soŋe Korowii ásɛ o laa sapone nɔ kpɔ n ne n nɛra nɛ, ásɛ n tɛ he nɛra ŋwɛnɛ bá ka kpoo kwaa tɛ Korowii.”

Wiile 1:18

Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.

Daneɛl 9:14

Korowii kpɔ deŋnetɛra ba ta ya nɛɛ warane, dɛkalkɛ o waa toɡrɔ wobɛlbwa waa dɛ ɛ ta. Kɛ ane a bwa, ya ta o waa noɛ.

Nɛra Kura 21:7

Israel tena la berɔ ba Mosis be, dɛ ba sɛh ba chɔɡre dɛ ŋɔ, “Ya ɛ wechɔɡa kɛ yaa bol waa yaɡɛ Korowii ne hen. Soŋe Korowii tɛ yaa, ásɛ o le harɛkwaare nɔ ne tɛ yaa.” Asɛ Mosis soŋe Korowii tɛɛ ba.

Nɛra Kura 22:34

Balam ŋɔ Korowii nyundua torome la be ŋɔ, “N ɛ wechɔɡa, n ta jemɛ kɛŋɔ he cheɡɛ ŋwɛnɛ ta dɛ tɔ mɛ ŋwɛnɛ. Dɛ he sie ta lɛɛ yaa, mɛɛ berɔɔ laa berɛ.”

Matiu 27:4

“N ɛ wechɔɡa kɛ maa le nɛn waa wola wechɔɡa bɛlbwa ɛɛ tɛ heyaa ŋɔ hé ka kpoo nɔ.” Anee nɛra la ŋɔ, “Ya te waane laa, a bwa do kɛ hen.”

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Josua 7:20

Asɛ Akan ŋɔ, “Kpelaa, n ɛ wechɔɡa dɛ jo Korowii Israel tena aa dɛ tomɔ la nɛ. Waa maa ɛa laanee nɔ.

1 Samoɛl 15:24

Anee Kooro Sɔɔl ŋɔ Samoɛl be ŋɔ, “N ɛ wechɔɡa, n vɛh Korowii waa waa do mɛ a ta, ne waa haa ŋɔa n ɛ la. Ɔmaa n ɔmɛ nɛra la waa n teŋɛ waa baa dɛ nyin ta.

1 Samoɛl 15:30

Ate, Kooro Sɔɔl chaŋe ŋɔ, “N ɛ wechɔɡa te, kɛ ɡel ń dɔ duure Israel tena bwa ne ba nomonome sie. Gel n ne he kaa, ásɛ n kaa tomɛ Korowii haa dɛ tomɔ la.”

1 Samoɛl 26:21

Anee Kooro Sɔɔl ŋɔ, “N bie Devid, n ɛ wechɔɡa, berɛ ba n be. Maa hen kpo kpa, dɛkalkɛ he dɔɔ mɛ he ta men kpoe jwaana nɔ ne. N ɛ ɡɛnewaa kohona ne waa aa wola were.”