Kaala 9:20 - mzwDBL

²⁰ Kooro nomonome baa ɔmɛ Korowii waa la ɛ warane kpɔ ba nɛndɔɔla ne kondɛɛra ba dem.

Kaala 9:20 ပူးပေါင်းရင်းမြစ်များ

Sɛɡla 13:13

He ɡelɔ wedɛɛɡa kpɔ he deŋna habɔɔ kaa laa, waa he nyin dɛɛ dawɛ he nɛ, kɛ he teŋɛ a ta naa, he bwara dɛ sɔɔhne.

Sɛɡla 22:3

Wejereme dɛ na waa aa lɔ sie dɛɛ ba dɛ fel dɛɛ kea, nɛn waa wola wobɛlbwa jemɛɛ yon ka jo a ta dɛɛ na wa.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Sɛɡla 22:23

Korowii ɛɛ bol a ɡɛ nɛra la waa tɛɛ ba, ásɛ ɡɛ haa lɛɛ ba kwaa la, ó lɛ le he be.

Sɛɡla 16:16

A wer kɛŋɔ haa dɔ wejema ne waa mun noe, dɛ ɡwaa kɛŋɔ haa dɔ suuɡaswɛm ne suuɡapoŋa!

Kaala 9:6

Tɔ aa pera la, Korowii ɛ ɡɛ waa bola la. Kondɛɛra aa ɛ Ijipt tena kwaa la bwa serewɔ. Kɛ anɔ la aa ɛ Israel tena kwaa la te, beŋkpoŋ kwaraa ta sewɛ.

Kaala 9:21

Kɛ banɔ la baa taŋ deŋne Korowii waa la ta la te ɡel ba nɛndɔɔla ne ba kondɛɛra kooni ta.

Kaala 7:23

O berɔ kaa o koodem, dɛ ka laa o liire kpɔ waa waa naa la bwa ta.