Kaala 9:15 - mzwDBL

¹⁵ Dɛ n fe dɛ nyin aa, n fe kpɔ serewe weela ba kpoo he bwa.

Kaala 9:15 ပူးပေါင်းရင်းမြစ်များ

2 Samoɛl 7:23

Harɛ bɛlbwa nɛra toole dɛ do kɛŋɔ he nɛra Israel tena, harɛ beŋkpoŋ nɛra hen Korowii aa lɛɛ ba le wenaale ta Ijipt harɛ dɛ kpɔ ba ɛ he nɛra la. Wejena ne nyokpowe-ɛɛla haa ɛa tɛɛ ba la bwa ɡelɔ he dɔ sɔn harɛ nɔ ta bwa. He berɔ doŋi harɛre ane nɛra ne ba voɡa le ba sie.

1 Koranar 13:34

Gɛ wechɔɡa nɔɔ ba Kooro Jɛroboam dem ne o kora chɔɡa ne harɛ nɔ ta.

2 Koranar 17:36

Hé tomɛ men Korowii maa cheɡɛ n kpeɡri ne nyokpowe-ɛɛla ta, dɛ kpɔ heyaa le Ijipt harɛ ta la ɡbosoo. N ɡbosoo chɛ kɛ hé tomɛ, dɛ́ kpo kwaa ɛ sarahare tɛ mɛ.

2 Koranar 19:35

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ dɛ ba na ɡɛ nɛra la aa serewa chɔ bobɛlbwa.

Kaala 14:28

Nee la palɔ dɛ ba tɔ o laa tena la bwa nɛ. Kwaa aa do kɛŋɔ torɔɡo ne nɛra baa soɡe jaɡre ta dɛɛ ti Israel tena la bwa ka mpo la bini, beŋkpoŋ kwaraa ta kae.

Kaala 3:20

Anomanta, mɛɛ che n kpeɡri taa dɛ́ ɡel Ijipt tena na n nyokpowe-ɛɛla maa dɛ́ ba ɛɛ ba bini la, mɔɔ ó ɡel he kaa.

Kaala 9:14

A laa ɡe aa, mɛɛ tɛr he ne he nomonome ne he nɛra deŋnee á ɡwaa kohona, ásɛ he jemɛ kɛŋɔ nomɛlbwa toole dɛ do kɛŋɔ men harɛ nɔ bwa ta.

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Kaala 9:3

Korowii ŋɔ wɛɛ kpɔ weechɔɡaa ba ta he kondɛɛra bwa nɛ. He jaɡre ne keeɡore ne nyoɡmare ne nae ne boohna dɛ peera bwa ɛɛ we weelaa.

Kaala 9:6

Tɔ aa pera la, Korowii ɛ ɡɛ waa bola la. Kondɛɛra aa ɛ Ijipt tena kwaa la bwa serewɔ. Kɛ anɔ la aa ɛ Israel tena kwaa la te, beŋkpoŋ kwaraa ta sewɛ.

Sɛɡla 2:22

Korowii ɛɛ teŋe nɛnchɔɡaa le harɛ nɔ ta, wɛɛ chuɡri wechɔɡ-ɛɛraa le o ta kɛŋɔ kpɔɡa kɛɛ daa ken.