Kaala 8:15 - mzwDBL

¹⁵ Bosɔɔhna aa bala la, kooro berɔ ɛ deŋnekpeɡ dɛ vɛh Mosis ne Arɔn waa la ta teŋa ɡɛ Korowii aa bola la.

Kaala 8:15 ပူးပေါင်းရင်းမြစ်များ

Kaala 14:5

Baa baa bol Ijipt kooro be ŋɔ nɛra la chwao la, o ne o nomonome charɛ ba liire dɛ ŋɔ, “Bɔkwa waa ya ɛ ken ɔ? Ya ɡelɔ Israel tena la kaa yaa wola ban dɔ ba ɛ ya tomare kpa.”

Kaala 4:21

Belaa Korowii berɛ ŋɔ o be ŋɔ, “Haa bera dɛɛ kaa Ijipt harɛ ta nɔ, na kɛŋɔ kpeɡri maa tɛɛ he kpɔ dɛɛ ɛ nyokpowaa la, hɛɛ ɛa Ijipt kooro siwi taa. Kɛ mɛɛ ɡeloo o deŋne do kpeɡri, waa wola ɡel n nɛra la kaa.

Kaala 7:4

Waa wola he bee no nomanta, mɛɛ kpɔ deŋnetɛraa ba harɛ la ta dɛ́ do ba sibeɡra kohona dɛ́ lawɛ n nɛra Israel tena bwa le bela.

Kaala 8:14

Anee ba boa a nyoa a dadaŋɛ chɔ, bobɛlbwa taŋre.

Kaala 8:16

Asɛ Korowii ŋɔ Mosis be ŋɔ, “Ŋɔ Arɔn be ó kpɔ daŋɡbala la lɔ harɛ, ásɛ konjeɡre fuɡe le Ijipt harɛ bwa ta.

Kaala 8:28

Anee Ijipt kooro ŋɔ, “Mɛɛ tɛ ŋwɛnɛɛ he la ka kpo kwaa tɛ Korowii haa dɛ tomɔ la pua hɛŋle ɡbo harɛ ta, kɛ he bɛ bojaŋ kaa. Hé soŋe Korowii tɛ mɛ mɔɔ.”

Kaala 8:29

Asɛ Mosis chaŋe ŋɔ, “Dɛ n le bonɔ naa, mɛɛ ka soŋe Korowii, ásɛ kere ɡbosoroo chwɛɛhne la le he ne nomonome ne he nɛra bwa nɛ. Kɛ na kɛŋɔ haa nyosonee teŋe kpa, haa wola ɡel Korowii nɛra la bɛ ŋwɛnɛ dɔ ka kpoo kwaa tɛo.”

Kaala 8:32

Kɛ Ijipt kooro berɔ ɛ deŋnekpeɡ anɔ ɡe ta ja, o ta ɡelɛ nɛra la kaa.

Kaala 8:8

Belaa Ijipt kooro yerɛ Mosis ne Arɔn dɛ ŋɔ ba be ŋɔ, “Hé soŋe Korowii ásɛ o laa sapone nɔ kpɔ n ne n nɛra nɛ, ásɛ n tɛ he nɛra ŋwɛnɛ bá ka kpoo kwaa tɛ Korowii.”

Sɛɡla 26:11

Gɛ nyoate yon uɡe dɛ berɛ kaa dia la, ɡɛɛ ɡɛne teŋɛ dɛɛ ɛ ɡɛnewa.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Wejereme 8:11

Nɛn ɛ wechɔɡa ba ta o deŋnetɛra kpɔe tɛo warane naa, nɛra dɛ dɔ liifala dɛ kpɔ dɛɛ ɛ wechɔɡa.

Aesaya 26:10

A lole kɛŋɔ he ɛ wedɛɛɡa dɛɛ tɛ wechɔɡ-ɛɛra, kɛ baa waa aa toɡra hweli. Hale harɛ o nɛra wa aa toɡra ta teŋɔ dɛɛ ɛ wechɔɡa, ba sie aa he kan haa doa tɔɡɛ.

Hosia 6:4

Korowii ŋɔ, “Ń ɛ heyaa ɛrɔɔ, Israel ne Juda tena? He nyina haa dɛ nyin mɛ la do kɛŋɔ chɔɔbɔr kɔɔla, ne chɔɔlen mɛn aa wola biɡri la ken.

Hibru 3:15

Korowii Tɔn bolɔ ŋɔ, “Dɛ he no Korowii waa fini naa, he bɛ deŋnekpeɡ ɛ kɛŋɔ he naawa fa aa ɛ deŋnekpeɡ dɛ vɛh o waa noe dɛ jo o nɛɛ la.”

Hibru 3:8

he bɛ deŋnekpeɡ ɛ kɛŋɔ he naawa fa aa ɛ deŋnekpeɡ dɛ vɛh o waa noe dɛ jo o nɛɛ la.

Wepila 16:9

dɛɛ nyaa nɛra, dɛkalkɛŋɔ o nyɛɡre taeh, asɛ baa bol Korowii waa dɔ kpeɡri hɔhɔrɔwa la nɛɛ nɛnhɛlwa. Ba ta ba liire charɛ dɛ le ba wechɔɡa ta. Ba ta on jirima tɛɛ.

1 Samoɛl 6:12

Nae la aa lea la, a den kpɔ sie pa Bɛt Sɛmɛs ŋwɛnɛ ta dɛɛ kaa, a ta bɛɡɛ kpɔ diɡ kɛɛ ɡal, dɛ si dɛɛ kaa. Filisti tena koranar banue la teŋɛ a nɛɛ ka tel Bɛt Sɛmɛs jwɛh ta.

1 Samoɛl 6:3

Anee ba chaŋe ŋɔ, “Hé kpɔ Korowii Israel tena aa dɛ tomɔ, Ne Nɛwɛnyina Fɔo Daka la berɛ dɛɛ kaa o buɡ ta tenaa, he bɛ o ne kaa pɛɛpɛɛ. Hé kpɔ bolchɔɡe dii saraha kwaa ja ka tɛ Korowii. Anee dɛɛ ba ɡela he dɔ chaeh, ásɛ he jemɛ he deŋnetɛra mun.”

1 Samoɛl 6:6

Ɛrɛɛ he deŋne do kpeɡri kɛŋɔ Ijipt kooro ne o nɛra nɔɔ? Hé lii ɡɛ Korowii fa aa tɛr ba deŋne kohona, dɛ ka tel kɛŋɔ baa tɛ Israel tena ŋwɛnɛ ba le Ijipt harɛ ta kaa la.

1 Samoɛl 6:9

dɛɛ nyiŋi a kaala bini. Hé nao kɛŋɔ a kpɔ sie chaɡɛ bwɛɛ Bɛt Sɛmɛs pera dɛɛ kaa laa, amɔ dɛ Korowiirii kpɔ wahala kohona nɔ ba ta ya nɛ. A ta sie kpɔe chaɡɛ bela bɔr ɡe aa, yaa jemɔɔ kɛŋɔ Korowii be laa aa le, ya nyuchɔɡee ɡelaa a ba ɡɛ.”