Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.
Gel tɔpere la dii do kɛŋɔ nɔnloɡ, kɛɛ komɛl haa kpɔ vɔwɛ he tile ta, dɛɛ liiri Korowii Mmara la ta teŋa. Dɛkalkɛ Korowii kpeɡri ne o bokpeɡaa o kpɔ lawɛ le Ijipt harɛ ta.
Asɛ Mosis bol o helabaa be ɡɛ bwa Korowii aa koh Israel tena wa dɛ ɛ Ijipt kooro ne o nɛra, dɛ laɡ ba le ba harɛ ta. O berɔ bol ba wekpeɡa baa naa ŋwɛnɛ ta, ne lɛɛ Korowii aa lɛɛ ba bwa la wa.
Belaa Korowii ŋɔ Mosis be ŋɔ, “Taraken n dɛ ba ɡela he jemɛ waa maa dɛ ba kpɔe ɛ Ijipt kooro la. Aa che n kpeɡri taa ó tɛ n nɛra la ŋwɛnɛ bá kaa. Hale dɛ́ ɡel ó doŋ ba le o harɛ ta.”
Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.
Kenii chɛ kɛ he ŋɔ o be, “Korowii Hibru tena aa dɛ tomɔ laanee tom mɛ he be ŋɔ he ta o nɛra Israel tena ŋwɛnɛ bá kaa, dɛ́ won ka tomɔ pua hɛŋle ɡbo harɛ ta. Kɛ, ba le saŋ nɔ he ta o be noɛ.”
Anee dobodobo tena la ŋɔ kooro la be ŋɔ, “Korowii we-ɛɛlaa nɔ noo!” Kɛ ane a bwa, dɛ Ijipt kooro deŋne ta kpeɡri o vɛh waa la noe, ɡɛ Korowii aa bola la.
Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.
Mɛɛ chɔɡ Ijipt harɛ weekaŋle harɛbɔree o chɔ pɛɛ, dɛ́ fuh bwɛjen Soan waa lɔ weekaŋle nyunduabɔr ɡe, dɛ́ ba tɛr Tebes waa ɛ ba bwɛjen la tena ɡe deŋne.
Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”
dɛkalkɛ ɡɛ waa bol waa dɛɛ pa bole la ɛ kasinteŋ dɛ toɡre. O pa hanjwamane tenten la waa ɛ wedoŋa, dɛ chɔɡ harɛ nɔ la bolchɔɡe, dɛ tɛr o deŋne dɛ kpɔ bɔ o bonɔɔna ne toli waa kpoo ba la kem.”