Kaala 7:20 - mzwDBL

²⁰ Asɛ Mosis ne Arɔn ɛ ɡɛ Korowii aa do ba la. Arɔn kpɔ o daŋɡbala la lɔ nee la Ijipt kooro ne o nomonome sie, asɛ nee la bwa berɛ chal.

Kaala 7:20 ပူးပေါင်းရင်းမြစ်များ

2 Koranar 4:29

Anee Elaesa ŋɔ Gehasi be ŋɔ, “Gbaa he batakaare dɛ́ vɔwɛ kiriso, dɛ́ kpɔ n daŋɡbala kpoŋe, dɛ́ chwa dɛɛ kaa. He kaa pu nomɛlbwa naa, bɛ waa o be bol. Nomɛlbwa ɡe bol waa he be naa, bɛ on chaŋe. Kpɔ n daŋɡbala la ka bil bie la sie.”

Yela 105:29

O ɡelɔ ba neerare berɛ chal a pɛŋa bwa serewe.

Yela 78:44

O ɡelɔ Ijipt harɛ neerare bwa berɛ chal, ba nyin nee dɛ́ nyɔ kahonɛ.

Kaala 4:9

Kɛ dɛ ba ta hen yaradae nyokpowe-ɛɛla nɔ bwa ta, kɛɛ dɛ taŋ deŋne aa, ka ɛ nee le Nael Moo ta dɛ́ fuɡa ta harɛ. Nee la ɛɛ berɛ chalee dawɛ harɛ la sie.”

Kaala 7:10

Anee ba la Ijipt kooro be dɛ ka ɛ ɡɛ Korowii aa ŋɔa ba ɛ la bwa. Asɛ Arɔn kpɔ o daŋɡbala la ta kooro ne o nomonome sie o berɛ harɛkon.

Kaala 7:21

Pɛŋa aa lɔ Nael Moo ta bwa serewɔ, dɛ do sɔɔh kohona Ijipt te bɛlbwa ta wone nyɔ o ne. Asɛ chal perɛ harɛ la ta bwa.

Kaala 7:6

Asɛ Mosis ne Arɔn ɛ ɡɛ Korowii aa bol ba be bwa.

Habakuk 3:8

N Naa Korowii, he baah di neerare nɛɛ kɛɛ? He bandia lɔ nenabɔɔne nɛɛ kɛɛ? Mpo nɛɛ he baah di, ɡɛ saŋ haa soɡe he jaɡre, ne torɔɡore baa vɔrɔwa pɛl a nɛɛ dɛɛ la ka yo nɛra dɛ́ pɔ ba nɛɛ kɛɛ?

Wepila 8:8

Asɛ nyundua torome waa teŋa nɛɛ la hoh o bɛla. Waa hoah la, komɛl do kɛŋɔ bwekpeɡi damanta baa viɡru ken, o le nyundua dɛɛ fuh, dɛ ba le mpo ta, asɛ o nee berɛ chal. Ba bɔne mpo bini bɔre atoro naa, anɔ la aa berɛ chal la ɛɛ tel bɔr beŋkpoŋii,