Kaala 7:17 - mzwDBL

¹⁷ Anomanta, o ŋɔ, “Anɔɔ hɛɛ ba kpɔe dɛ́ jemɛ kɛŋɔ onee Korowii. N dɛ ba daŋɡbala nɔ kpɔe lɔ nee nɔ sie, ásɛ o bwa berɛ chal.

Kaala 7:17 ပူးပေါင်းရင်းမြစ်များ

1 Koranar 20:28

Belaa Korowii keame la la Israel Kooro Ahab be dɛ ŋɔ Korowii ŋɔ, “Siiria tena dɛ lii kɛŋɔ men Korowii lɔ deŋɡarere ta, n toole harɛre aa chɔa kaa ta nomanta, mɛɛ kpɔ laa tena damanta nɔɔ do he nɔn taa, ásɛ he jemɛ kɛŋɔ menee Korowii.”

2 Koranar 19:19

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Yela 105:29

O ɡelɔ ba neerare berɛ chal a pɛŋa bwa serewe.

Yela 78:44

O ɡelɔ Ijipt harɛ neerare bwa berɛ chal, ba nyin nee dɛ́ nyɔ kahonɛ.

Yela 83:18

Gel ba jemɛ kɛ he ɡbosoo Nemenɛ Korowii, he habɔɔ, kooro bɛlbwa toole harɛ nɔ ta.

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Kaala 10:2

ásɛ kerekere he bol baɡle he bii ne naanar ɡɛ maa do Ijipt tena sibeɡra dɛ ɛ nyokpowe-ɛɛla la, ásɛ ba jemɛ kɛŋɔ menee Korowii.”

Kaala 4:9

Kɛ dɛ ba ta hen yaradae nyokpowe-ɛɛla nɔ bwa ta, kɛɛ dɛ taŋ deŋne aa, ka ɛ nee le Nael Moo ta dɛ́ fuɡa ta harɛ. Nee la ɛɛ berɛ chalee dawɛ harɛ la sie.”

Kaala 5:2

Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

Kaala 6:7

Mɛɛ kpɔ heyaa ɛ n nɛra, ásɛ n ɡe ɛ Korowii haa dɛ tom mɛ. Anee dɛ́ ɡel he jemɛ kɛŋɔ menee Korowii haa dɛ tomɛ n lɛ heyaa le Ijipt tena nɔn ta.

Kaala 7:20

Asɛ Mosis ne Arɔn ɛ ɡɛ Korowii aa do ba la. Arɔn kpɔ o daŋɡbala la lɔ nee la Ijipt kooro ne o nomonome sie, asɛ nee la bwa berɛ chal.

Kaala 7:5

Mɛɛ baɡle n kpeɡri Ijipt harɛɛ, dɛ́ chɔɡ ba, dɛ́ lawɛ n nɛra Israel tena le, ásɛ Ijipt tena bwa jemɛ kɛŋɔ menee Korowii.”

Ɛsekeɛl 25:17

Mɛɛ kpɔ bandia kohonaa ka tɔ ba nɛɛ dɛ́ tɛr ba deŋne kohona bɔ kem. Ásɛ ba jemɛ kɛŋɔ menee Korowii.”

Ɛsekeɛl 29:9

Ijipt harɛ bwa dɛ ba chɔɡa, dɛ́ chɔ pɛɛ, ásɛ ba jemɛ kɛŋɔ menee Korowii. Haa ŋɔa ŋɔ hen dɔ Nael Moo, henee ɛo la wa.

Ɛsekeɛl 30:19

Gɛɛ mɛɛ ba Ijipt tena deŋne tɛra, ásɛ ba jemɛ kɛŋɔ menee Korowii.”

Ɛsekeɛl 30:8

N ɡelɔ nii ba chɔɡ Ijipt harɛ dɛ kpoo nɛra baa dɛ chao waa, anee baa ba jema kɛŋɔ menee Korowii.

Ɛsekeɛl 32:15

Maa ba ɡel Ijipt harɛ chɔ pɛɛ dɛ́ chɔɡ komɛlbwa aa lɔ o ta, dɛ́ kpoo o nɛra bwa la, anee baa ba jema kɛŋɔ menee Korowii.

Ɛsekeɛl 32:6

Mɛɛ ɡeloo he chal palɛ dɛ́ pweh harɛ kaa bwejena la dor, dɛ́ ka su fɛlembɔjena la ta.

Ɛsekeɛl 38:23

Gɛ taa mɛɛ ba ɡela harɛre ɡalɡa nɛra na ɡɛ maa kana dɛ do ɡoroŋ. Ásɛ ba jemɛ kɛŋɔ menee Korowii.’ ”

Ɛsekeɛl 39:28

Belaa baa ba jema kɛŋɔ, menee Korowii baa dɛ tom mɛ la. A lole kɛŋɔ n doŋ ba kaa bojaŋ harɛfala ta te, kɛ mɛɛ boa ba nyoaa, dɛ́ ba ba ne ba ɡbaɡba harɛ ta, maa bɛlbwa habɔɔ ta.

Daneɛl 4:17

Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Daneɛl 5:21

Korowii doŋu le nɛra bini asɛ o liire do kɛŋɔ ol liire ken. O ne kpɔɡ bini keeɡore kaa so, wɛɛ chwe kpɔɡa kɛŋɔ nao ken. Mɛn ta o nɛɛ o bwara pweh, ka tel kɛŋɔ waa baa na kɛŋɔ Nemenɛ Korowiirii dɔ kora nɛwɛnyina aa dɛ di la kpeɡri, dɛɛ kpɔ nɛn waa dɛ nyin.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Wepila 11:6

Ba dɔ kpeɡri dɛ́ lawɛ bwaala o ɡel nɛɛ ɡɛ saŋ baa dɛɛ bol Korowii Waa la bwa, dɛ́ berɛ won ɡel nee berɛ chal. Ba dɔ kpeɡri kɛ bá kpɔ harɛchɔɡ waa bɛlbwa ta harɛ nɔ ta saŋ bɛlbwa baa dɛ nyin.

Wepila 8:8

Asɛ nyundua torome waa teŋa nɛɛ la hoh o bɛla. Waa hoah la, komɛl do kɛŋɔ bwekpeɡi damanta baa viɡru ken, o le nyundua dɛɛ fuh, dɛ ba le mpo ta, asɛ o nee berɛ chal. Ba bɔne mpo bini bɔre atoro naa, anɔ la aa berɛ chal la ɛɛ tel bɔr beŋkpoŋii,