Kaala 7:11 - mzwDBL

¹¹ Ijipt kooro yerɛ Ijipt wejerema ne dobodobo tena cheme, asɛ dobodobo tena ɡe ɛ ba wa.

Kaala 7:11 ပူးပေါင်းရင်းမြစ်များ

Mumpar 41:8

Tɔ aa pera chɔɔ la, dɛ o liire chɔɡɔ, anomanta, o yerɛ dobodobo tena ne wejerema baa lɔ harɛ la ta ba o be. O taa o deera la ba be, kɛ bɛlbwa ta wone baɡle a mun.

Kaala 7:12

Bɛlbwa kpɔ o daŋɡbala ta harɛ o berɛ harɛkon, kɛ Arɔn kon la wono lawɛ ba kwaa la liɡli.

Kaala 7:22

Belaa Ijipt dobodobo tena ba ɛ ba wa dɛ ɡe ɛ ɡɛ tenten. Dɛ kooro ta lɔ o deŋnekpeɡ la ta, o ta ba waa la ta noɛ ɡɛ Korowii aa bola la.

Kaala 8:18

Dobodobo tena la ɛ ba we-ɛɛla bwa baa ɛ dɛ ɡe ɡel konjeɡre ba kahonɛ. Dɛ konjeɡre la tɔ nɛra ne ola bwa nɛ.

Kaala 8:3

Aa su Nael Moo bwaa dɛ́ ba le koodem ne o dea ne o chɔɔbɔr bwa. O nomonome ne o nɛra bwa deremi, ne bela baa dɛ ɛ kondikwaare, ne bela baa dɛ wɔɔ paanoo, dɛ kwaa baa dɛ charame paanoo a bini bwa taa aa ba sui.

Kaala 8:7

Dobodobo tena la ɡe ɛ ba we-ɛɛla dɛ ɡel sapone ba harɛ la ta.

Daneɛl 2:2

Anomanta, o ɡelɔ ba ka yerɛ dobodobo tena, ne nɛra baa dɛ ɛ sɔmwe-ɛɛla, ne voɡra dɛ wejerema baa jemɛ weweela waa ŋɔ bá ba baɡlo deera la mun. Baa ba o be la,

Daneɛl 2:27

Anee Daneɛl chaŋe ŋɔ, “Wejereme kɛɛ nɛn waa dɛ ɛ sɔmwe-ɛɛla kɛɛ dobodobo te kɛɛ voɡre bɛlbwa aa won baɡle a mun.

Daneɛl 4:6

Anomanta, n ɡelɔ ba yerɛ Babelɔn harɛ ta wejerema bwa ŋɔ bá ba cheme n sie, dɛ́ baɡ mɛ deera la mun.

Daneɛl 5:11

Baa bɛl lɔ he harɛ nɔ ta voɡa aa wola nɛwɛnyina ɛɛ tɛo kpeɡri ane. He mɛɛ kora dii saŋ la, o nao kɛŋɔ o ɛ wejereme, dɛ jemɛ waa kɛŋɔ voɡa ken. He mɛɛ Kooro Nebukadnesa ɡbaɡba kpɔɔ ɛ dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela waa dɛ voɡra bwa nomoa.

Daneɛl 5:7

Ate, kooro kpɔ takpeɡ ŋɔ bá ka yerɛ nɛra baa dɛ ɛ sɔmwe-ɛɛla, ne wejerema baa jemɛ weweela wa dɛ voɡra, ŋɔ bá ba. Baa bala la, Kooro la ŋɔ ba be ŋɔ, “Dɛ bɛlbwa wono kure kwaa baa chwera nɔ, dɛ baɡ mɛ a mun aa, mɛɛ ɡeloo bá tɔɔ yakɔl, dɛ́ kpɔ suuɡaswɛm jɔɡrɔre do o baŋa, ásɛ n habɔɔ ó ɛ nɛn waa teŋa tooro, dɛ dɔ kpeɡri kohona n kora harɛ nɔ ta.”

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Galaasia 3:1

Ee, Galaasia tena, he ɡɛnoo! Ya ta heyaa baɡlɛ ɡɛ aa ɛa Yeesu Kristo sewɛ daɡaɡre ta bwa naa? Aah bɔkwaa bera neɡre heyaa jaɔ?

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

2 Tesalonika 2:9

Gɛ saŋ waa ba mɔɔ Yeesu ba kpoo la, Bɔnsam ɛɛ do o nɛɛ dɛɛ chao kɛrɛdɛ o won dɔ kpeɡri kohona, dɛ́ won dɛɛ ɛ nyokpowaa ne wejena, dɛɛ neɡre nɛra kɛŋɔ Korowiirii tɛo kpeɡri ken,

2 Timoti 3:8

Gɛ Janes ne Jambɛs aa vuuɡi Mosis la, ɡɛɛ a ɡɛ baala nɔ ɡe ɛɛ vuuɡi kasinteŋ waa la. Ba liire aa were. Baa vɛh kasinteŋ waa la yaradae nomanta, Korowii vɛɛh ba.

2 Timoti 3:9

Ba we-ɛɛla aa won tel sie bobɛlbwa, dɛkalkɛŋɔ ɡɛ a saŋ la tena aa na Janes ne Jambɛs ɡɛna la, ɡɛɛ nɛra ɛɛ na ba ɡe ɡɛna ɡɛ.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.

1 Samoɛl 6:2

asɛ Filisti tena la yerɛ kerekpoŋra baa soɡe voɡa ta ne voɡra baa lɔ harɛ la ta bwa cheme dɛ bɔɔ ba ŋɔ, “Ɛrɛɛ yá ɛ Korowii Ne Nɛwɛnyina Fɔo Daka nɔɔ? Hé baɡle ɡɛ yaa ɛ dɛ́ berɛ kaa o ne o buɡ ta.”