Kaala 6:6 - mzwDBL

⁶ Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Kaala 6:6 ပူးပေါင်းရင်းမြစ်များ

1 Koranar 8:42

dɛkalkɛŋɔ, ba no kpeɡri haa dɔa ne he sɔn ne wejena haa ɛa wa. Dɛ ba bini bɛlbwa kpɔ sie chaɡɛ he Dea nɔ dɛ soŋe naa,

2 Koranar 17:36

Hé tomɛ men Korowii maa cheɡɛ n kpeɡri ne nyokpowe-ɛɛla ta, dɛ kpɔ heyaa le Ijipt harɛ ta la ɡbosoo. N ɡbosoo chɛ kɛ hé tomɛ, dɛ́ kpo kwaa ɛ sarahare tɛ mɛ.

1 Webena 17:21

Harɛ bɛlbwa nɛra toole dɛ do kɛŋɔ he nɛra Israel tena. Harɛ beŋkpoŋ nɛra hen Korowii aa lɛɛ ba le wenaale ta Ijipt harɛ, dɛ kpɔ ba ɛ he nɛra la. Wejena ne nyokpowe-ɛɛla haa ɛa tɛɛ ba la bwa ɡelɔ he dɔ sɔn harɛ nɔ ta bwa. He berɔ doŋi harɛre ane nɛra le ba sie.

Nehemia 1:10

N Naa Korowii, ba ɛ he bonɔɔna ne he ɡbaɡba nɛra. He kpeɡri ne he bokpeɡa nee he lɛɛ ba.

Yela 77:16

N Naa Korowii, neerare do kɛŋɔ nɛra, dɛ nae dɛɛ ɔmɛ, asɛ mpo vile ɡe ɛɛ chel he sie.

Yela 81:11

Kɛ ane abwa, Israel tena aa n be no, baa n waa ta teŋɛ.

Yela 81:6

“N lɛ he bone haa cheɡa dɛɛ koh, dɛ choɡ he bontɔɡa cheɡ harɛ.

Yela 81:7

Gɛ saŋ haa lɔ wenaale ta la, he yerɛ men Korowii, asɛ n ba lɛ heya. N cheɡɛ peukpeɡ bini dɛ chaŋe heya, dɛ daah heyaa na Mɛreba, bela ne aa bula la.

Kaala 1:11

Anomanta, ba le nomonome ba chɔ ba nyoa, dɛ do ba baa ɛ tomkpeɡa. Dɛ ɡel ba do bwɛjena Petɔm ne Rameses, dɛɛ cheɡ kondikwaa a bini dɛɛ tɛ kooro.

Kaala 12:41

A ɡɛ bene lafraanaarɛ fifraatoro nɔ jaɡa taa Korowii nɛra baa lɔ Ijipt harɛ la bwa ir le bela.

Kaala 12:51

Awola tɔpere la tentenee Korowii lawɛ o nɛra Israel tena bwa le Ijipt harɛ denaa ta.

Kaala 13:14

Tɔpebɛl dɛ he bibaa bɔɔre ŋɔ ɛrɛɛ ɡɛ waa nɔ ɛɛ chaɡle aa, he ŋɔ, ‘Korowii kpeɡri ne o bokpeɡaa o kpɔ lawɛ yaa le somanjiri dii ta Ijipt harɛ.

Kaala 13:16

Gɛ waa nɔ do kɛŋɔ nɔnloɡ kɛɛ kon yaa kpɔ vɔwɛ tili ta aa lii yaa Korowii kpeɡri, ne o bokpeɡa waa kpɔa lawɛ yaa le Ijipt harɛ ta la.”

Kaala 13:3

Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.

Kaala 15:13

He nyina aa wola jaɡa dɔe nomanta, hɛɛ tɔ he nɛra haa lɛɛ ba la siee. Hɛɛ kpɔ he kpeɡrii dɛɛ nyiŋi ba nɛ, dɛ́ kpɔ ba kaa harɛ waa do ɡoroŋ ta.

Kaala 16:6

Asɛ Mosis ne Arɔn ŋɔ Israel tena la bwa be ŋɔ, “Jɔmɔra nɔ ne, hɛɛ jemɔɔ kɛŋɔ Korowiirii kpɔ heyaa le Ijipt harɛ ta,

Kaala 18:1

Mosis helabaa Jetro waa ɛ Midian harɛ sɔfo la, no Korowii waa waa ɛa tɛ Mosis ne o nɛra Israel tena, dɛ kpɔ ba le Ijipt harɛ ta la wa.

Kaala 2:11

Mosis aa kpeɡa la, awola bɛl, o iro dɛ ka chɔɔ o bala Hibru tena, dɛ na ɡɛ baa do ba baa ɛ tomkpeɡa. Asɛ Mosis na Ijipt te kɛŋɔ waa dɛ lɔɔ o bwɛɛ Hibru te.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Kaala 32:11

Anee Mosis soŋe Korowii waa dɛ tomɔ la ŋɔ, “N Naa Korowii, kpeɡri ne bokpeɡa kohona nee he lawɛ he nɛra le Ijipt harɛ ta, bɛ ɡel he baah di ba nɛ.

Kaala 6:2

Korowii berɔ ŋɔ Mosis be ŋɔ, “Menee Korowii.

Kaala 6:29

o ŋɔ, “Menee Korowii. Bol wobɛlbwa maa bol he be baɡle Ijipt kooro la.”

Kaala 6:8

N baɡɛ Abraham ne Aesek dɛ Jekɔb nyoa kpeɡri nɛ harɛ maa ŋɔa mɛɛ kpɔɔ tɛɛ ba la wa. Mɛɛ kpɔɔ tɛ heya ó ɛ he kon pi. Men Korowii bola.’ ”

Kaala 7:4

Waa wola he bee no nomanta, mɛɛ kpɔ deŋnetɛraa ba harɛ la ta dɛ́ do ba sibeɡra kohona dɛ́ lawɛ n nɛra Israel tena bwa le bela.

Kaala 7:5

Mɛɛ baɡle n kpeɡri Ijipt harɛɛ, dɛ́ chɔɡ ba, dɛ́ lawɛ n nɛra Israel tena le, ásɛ Ijipt tena bwa jemɛ kɛŋɔ menee Korowii.”

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:21

Manasɛ dea nɛra ɛɛ yo Efrem dea nɛraa, ásɛ Efrem dea nɛra ɡe yoo ba, a ɡɛ deene anɛ nɔ ɛɛ pɛo dɛ́ yo Juda dea nɛra. Anɔ nɔ bwa habɔɔ, Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 21:5

O ɡbabirii dɛ́ yo heya o bokpeɡa ne o bandia kohona bwa ne.

Jeremia 27:5

“N kpeɡri waa kana kohona nee n ta harɛ nɔ bwa ne nɛwɛnyini dɛ ola aa lɔ o ta bwa, dɛ kpɔa do nomɛlbwa maa leo nɔn ta.

Jeremia 32:21

He cheɡɛ wejena ne nyokpowe-ɛɛla ta, dɛ kpɔ ɔmee kohona ta ya dɔma nɛ, dɛ che he kpeɡri ta lawɛ he nɛra Israel tena le Ijipt harɛ ta.

Ɛsekeɛl 20:33

Men Nemenɛ Korowii, n ŋwɛɛrɔ kɛŋɔ n taa lole nɔ, mɛɛ che n kpeɡri taa dɛ́ ir nɔn tɛr he deŋne n bandia ne,

We-ɛɛla 13:17

Korowii ya Israel tena nɔ aa dɛ tomɛ la fa le ya naawa ŋɔ bá ɛ o nɛra nɛwɛnyina bwa bini. A ɡɛ saŋ baa lɔ Ijipt harɛ la, o ɡelɔ ba warɛ, asɛ ba sɔn ɡe le kohona. Belaa o ba kpɔ ba le Ijipt harɛ o kpeɡri ne,

Mmarare 11:2

Fini, hé lii dɛ́ berɛ ta sie na waa Korowii aa ɛa dɛ baɡle heya. Heyaa, he bii laa. Hé na ɡɛ Korowii wa aa dɔ nyɛl, ne o kan ne o kpeɡri,

Mmarare 15:15

Hé lii kɛŋɔ he fa di somanjiri Ijipt harɛ ta, asɛ Korowii lɛ heyaa le a ta. A waa mɛɛ do heyaa waa nɔ ta fini la.

Mmarare 26:8

Asɛ Korowii che o kpeɡri ne o bokpeɡa kohona waa dɔa la ta dɛ lɛ yaa le Ijipt harɛ ta. O ɛ nyokpowe-ɛɛla ne waa aa do ɔma kohona ɡe bela.

Mmarare 4:23

Hé nyiŋi kɛrɛdɛ dɛ bɛ fɔo he ne Korowii aa fɔwa la waa soh. He bɛ komɛlbwa kwaa dɛ tomɔ ɡɛ Korowii aa do heyaa la.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Mmarare 5:15

Hé ta sie dɛ́ na ɡɛ saŋ haa lɔ somanjiri dii ta Ijipt harɛ la, men Korowii haa dɛ tom mɛ nɔ cheɡɛ n kpeɡri ne n bokpeɡa ta dɛ lɛ heyaa le bela. A waa ɡela mɛɛ do heyaa ŋɔ hé di Ona Tɔpere la la.

Mmarare 6:12

hé nyiŋi kɛrɛdɛ dɛ bɛ Korowii waa soh. Onee le he ne Ijipt harɛ he fa aa di somanjiri o ta la.

Mmarare 7:19

Hé lii hɔhɔrɔwa ne nyokpowaa ne kpeɡri, ne bokpeɡa Korowii haa dɛ tomɔ nɔ aa kpɔa ɛ Ijipt tena dɛ lawɛ heyaa le la. Gɛ tentenee wɛɛ ba nɛra haa dɛ ɔm ba taraken nɔ ɛɛ.

Mmarare 7:8

Nyina waa dɛ nyin heyaa la, ne o baɡa waa baɡɛ he naawa nyoa la waa o che o kpeɡri ta lɛ heyaa le Ijipt kooro nɔn ta ne somanjiri dii waa dɛ do heyaa a ta la ta.

Mmarare 9:29

Kɛ dɛ ba ɛ he nɛra, he kapɛrɛ diile haa kpɔ he kpeɡri waa kana ne he bokpeɡa dɛ lee ba tɛ he te.’ ”