Kaala 5:22 - mzwDBL

²² Belaa Mosis berɛ ka bɔɔ Korowii ŋɔ, “N Naa Korowii, ɛrɛɛ hɛɛ do he ɡbabir nɛra hɔhɔrɔwa ta ken? Anɔ waa he tom mɛ ba be kɛɛ?

Kaala 5:22 ပူးပေါင်းရင်းမြစ်များ

1 Koranar 19:10

O chaŋe ŋɔ, “Korowii Haa Ɛ Koranar Bwa Kooro, he ɡboo mɛɛ tomɛ saŋ bɛlbwa, kɛ Israel tena chɔɡ he ne ba fɔo la, dɛ paɡre kwaa baa ɛ saraha a ta dɛɛ tɛɛ la, dɛ berɛ kpoo he keamere bwa tokobie ne. N ɡboo kaa baa nyin n ɡe dɛ́ kpo.”

1 Koranar 19:4

dɛ valɛ tɔpebir kaa pua hɛŋle ɡbo harɛ ta. O kaa so chunchule ta daa bɛl mun, dɛ soŋe seo tɛ o te kɛŋɔ o fee sewɛ. O soŋe Korowii ŋɔ, “N Naa Korowii, name te a maɡre ɡɛ, ɡel ń sewɛ. N ta n naawa baa serewa la ɡwaalɛ.”

Yela 73:25

N Naa Korowii, he ɡboo lɔ nyundua dɛ́ won cha mɛ. He habɔɔ, maa komɛlbwa nyin harɛ nɔ ta.

Kaala 17:4

Ate, Mosis soŋe Korowii ŋɔ, “N Naa Korowii, ɛrɛɛ yaa ba wona ɛ tɛ nɛra nɔ te nɔ? Ba dɛ nyin kɛ ba foɡ mɛ bwea kpo kwara.”

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 20:7

N Naa Korowii, he neɡ mɛ, asɛ n teŋɛ he nɛ. He pɔ n nɛ, dɛkalkɛ he kpeɡri ɡwaa mɛ. Nɛra dɛ muɡli n baah, tɔpebir bwaa baa mam mɛ.

Jeremia 4:10

Anee men Jeremia ŋɔ, “Nemenɛ Korowii, he neɡre Jerusalam tena kohona. He ŋɔ baa dɔ deŋnesɔɔhnaa. Na ɡɛ kere aa jaɡɛ ba baŋa baa ba ba kpoora.”

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Nɛra Kura 11:11

Asɛ Mosis pɛɛ Korowii ŋɔ, “N Naa Korowii, bɔkwa waa he kpɔ ɡɛ wahala nɔ dawɛ men maa ɛ he bonɔɔ nɛɛ ken ɔ? Bɔkwaa n ɛ dɛ jo he nɛɛ, he kpɔ ɡɛ nɛra nɔ waa bwa dawɛ n nɛɛ ŋɔ mɛ́ɛ nyiŋi ba nɛɛ nɔɔ?

Josua 7:7

Asɛ Josua ŋɔ, “Nemenɛ Korowii, ɛrɛɛ he le ya ne Jɔɔdan Moo nɔ baŋ bonɔ dɛ ba do Amɔre tena nɔn ta bá kpoo yaa nɔɔ? Ya fe ta soɡe Jɔɔdan Moo la baŋ le fe bɔ.

1 Samoɛl 30:6

Devid bambile chɔɡɔ kɛrɛdɛ, dɛkalkɛ dɛ a dɛ we o laa tena la nɛɛ kɛŋɔ baa lawɛ ba bii kaa la, asɛ dɛɛ nyin ba foɡre Devid bwea kpo. Kɛ Korowii waa dɛ tomɔ la doo ɡbemba.