Kaala 5:1 - mzwDBL

¹ A habɔɔ la, Mosis ne Arɔn la kooro la be dɛ ka ŋɔ o be ŋɔ, “Korowii Israel tena aa dɛ tomɔ la ŋɔ, ‘Tɛ n nɛra ŋwɛnɛ ba kaa, ásɛ dɛ ka di Tɔpejen tɛ mɛ pua hɛŋle ɡbo harɛ la ta.’ ”

Kaala 5:1 ပူးပေါင်းရင်းမြစ်များ

1 Koranar 21:20

Kooro Ahab na Elaeja dɛ ŋɔ o be ŋɔ, “N dɔm, he na mɛ.” Elaeja ŋɔ, “Gɛɛ, he ta he nyu dɛ ɛ wechɔɡa Korowii siwi ta.

Yela 119:46

Mɛɛ bol he waa koranar sie, sihiih aa wola men kpo.

Kaala 10:3

Anomanta, Mosis ne Arɔn la Ijipt kooro be dɛ ka ŋɔ kenii Korowii Hibru tena aa dɛ tomɔ la ŋɔ, “Saŋ besoo hɛɛ ba he liire ne harɛ bala dɛ́ ɡel he deŋnekpeɡ nɔɔ? Gel n nɛra kaa dɛ́ kaa tom mɛ.

Kaala 10:4

He vɛoh he ta ɡelɛ ba kaa laa, kere mɛɛ ɡeloo tontombɛ ba harɛ nɔ ta.

Kaala 10:9

Asɛ Mosis chaŋe ŋɔ, “Ya bwaa dɛɛ ba kaala. Bechale ne hanjeni ne banjeni, ne bibaala ne bihaahna dɛ ya kondɛɛra bwa, dɛkalkɛ ya dɛ la ka di tɔpejen bɛl Korowii sɔn ta.”

Kaala 3:18

Nomonome la ɛɛ no he waa haa bol ba be laanee, ásɛ he ne ba la Ijipt kooro be dɛ́ ka ŋɔ o be ŋɔ, ‘Korowii Hibru tena aa dɛ tomɔ la kpɔ o te chaɡle yaa. Anomanta, tɛ yaa ŋwɛnɛ yá ka ɡaaɡe tɔpera atoro pua hɛŋle ɡbo harɛ ta, dɛ́ ka kpoo kwaa ɛ saraha tɛ Korowii yaa dɛ tomɔ.’

Kaala 33:13

He sie lɛ n nɛɛ tenaa, baɡ mɛ he ŋwɛnɛre, ásɛ n jemɛ kɛrɛdɛ he sie ɛɛ lɛ n nɛ. Berɛ lii kɛŋɔ nɛra nɔ bwa ɛ he ɡbabir nɛra.”

Kaala 4:23

asɛ n ŋɔ he be ŋɔ, he tɛ n bibaa ŋwɛnɛ ásɛ o ka tom mɛ. Kɛ he vɛoh, anomanta, mɛɛ kpo he ɡe bibanloɡlee.”

Kaala 6:11

“La ka ŋɔ Ijipt kooro la be ŋɔ ó ɡel Israel tena la le o harɛ la ta.”

Kaala 6:27

Ba tentenee ŋɔ kooro be ŋɔ ó tɛ Israel tena ŋwɛnɛ bá kaa la.

Kaala 7:16

Kenii chɛ kɛ he ŋɔ o be, “Korowii Hibru tena aa dɛ tomɔ laanee tom mɛ he be ŋɔ he ta o nɛra Israel tena ŋwɛnɛ bá kaa, dɛ́ won ka tomɔ pua hɛŋle ɡbo harɛ ta. Kɛ, ba le saŋ nɔ he ta o be noɛ.”

Kaala 7:2

Ka ŋɔ wobɛlbwa maa dɛ bol he be nɔ baɡle Arɔn ó ŋɔ kooro be ó tɛ Israel tena la ŋwɛnɛ ba le o harɛ ta.

Kaala 8:1

Belaa Korowii bol waa Mosis be ŋɔ, “La Ijipt tena kooro be, dɛ́ ka ŋɔ n ŋɔ o tɛ n nɛra ŋwɛnɛ, ásɛ ba kaa tom mɛ.

Kaala 8:16

Asɛ Korowii ŋɔ Mosis be ŋɔ, “Ŋɔ Arɔn be ó kpɔ daŋɡbala la lɔ harɛ, ásɛ konjeɡre fuɡe le Ijipt harɛ bwa ta.

Kaala 8:17

Anee Arɔn kpɔ daŋɡbala la lɔ harɛ asɛ bomboɡ aa lɔ Ijipt harɛ ta bwa berɛ konjeɡre tɔ nɛra ne ola nɛ.”

Kaala 8:20

Korowii ŋɔ Mosis be ŋɔ, “Kere chɔmbibii he ir. Kooro ɛɛ iruu dɛɛ kaa nee la ta, ásɛ he la o be dɛ́ ka ŋɔ kenii men Korowii ŋɔ, ‘Tɛ n nɛra ŋwɛnɛ ba kaa dɛ́ kaa tom mɛ.

Kaala 8:27

Gɛ Korowii yaa dɛ tomɔ aa ŋɔ ya be la, a chɛ kɛ yá valɛ tɔpera atoro ŋwɛnɛ pua hɛŋle ɡbo harɛ ta, dɛ́ ka kpoo kwaa tɛo.”

Kaala 9:1

Belaa Korowii ŋɔ Mosis be ŋɔ ó la Ijipt kooro la be dɛ́ ka ŋɔ o be ŋɔ, “Kenii men Korowii Hibru tena aa dɛ tom mɛ la ɛɛ bol. N ŋɔ, tɛ n nɛra ŋwɛnɛ ásɛ ba ka tom mɛ.

Kaala 9:2

Dɛ he vɛh ban ŋwɛnɛ tɛɛ ba kaa laa,

Aesaya 25:6

Koranar Bwa Kooro ɛɛ yerɛ harɛre nɛra bwaa ŋɔ, bá ba di kondikonjena, dɛ́ nyɔ sendɛɛɡa dɛ́ lɛ ba sie, Saayɔn Bwejen ta Jerusalam.

Ɛsekeɛl 2:6

Kɛ hen nɛwɛnyini bie, dɛɛ berɛ ba ɔma, dɛɛ berɛ ba waa baa dɛ bol ɡe ɔma, a do kɛŋɔ haa dɛ la ka do jabalnadaŋɛre ne sɔɔhne baah ta. Nɔrɔme baah taa hɛɛ la ka jo, kɛ bɛ ban ɔmɛ. Bɛ ɡel he bambile chɔɡ ba sie, ba deŋne kpeɡri.

Matiu 10:18

Baa koh n waa yerɛ heyaa cheme Abane nomonome ne koranar siee, dɛ́ ŋɔ hé ba bol Amanesoma la baɡle ba ne nɛra baa wola Juu tena ɛɛ la.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

We-ɛɛla 4:29

N Naa Korowii, berɛ na ɡɛ baa dɔa aah he bonɔɔna, dɛ́ tɛɛ ba kpeɡri bá won bol he waa bansua bwa ne.

1 Kɔrent 5:8

Anomanta, hé ɡel ya kpɔ ya te kɛŋɔ yaa dɛ ba Galekaa kondikwaa dii ken, anee kɛŋɔ yá laa meesɔɔh ne wechɔɡa bɛlbwa soo siwi kpɔ ya bini, ɡɛ baa laa iisi kpɔ paanoo baa kpɔa dɛɛ di Galekaa ta la. Hé ɡel ya kpɔ kasinteŋ ne tepoŋ dɛ́ teŋɛ Korowii nɛ.