Kaala 40:35 - mzwDBL

³⁵ Bam la aa tɔ bela Korowii jirima aa su o bwa nomanta, Mosis ta wone jo bela.

Kaala 40:35 ပူးပေါင်းရင်းမြစ်များ

1 Koranar 8:10

Sɔfore la aa dɛ le Korowii Dea bela la, bam den ba tɔ Korowii Dea la bwa ta.

1 Koranar 8:11

Bam la nomanta, sɔfore la ta wone ɛ ba toma Korowii Dea bela, dɛ Korowii jirima su o bini bwa.

2 Webena 7:2

Korowii jirima aa su Dea la bini nomanta, sɔfore la ta wone jo o bini.

Kaala 16:10

Arɔn aa dɛ bol waa la Israel tena bwa be la, ba nyiŋo dɛ na pua hɛŋle ɡbo harɛ ta bela kɛŋɔ Korowii jirima aa chaahna le bam bɛl ta nyundua.

Kaala 29:43

Bela tentenee mɛɛ ba n cheme Israel tena, ásɛ n jirima tɔ bela bwa, dɛ́ ɡel o do ɡoroŋ.

Aesaya 4:5

Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 6:4

Asɛ a taa ɡel Korowii Dea la doonyoo ɡbeni daa la ne a doonyojoo bwa ɛɛ jiɡri, chuu tɔ Dea bela bwa.

Ɛsekeɛl 10:4

Korowii jirima le Kerobim la ta, dɛ ba kaa Korowii Dea la doonyoa bela. Bam baa tɔ dembaah bela, asɛ Korowii jirima chaah bela bwa.

Ɛsekeɛl 43:4

Korowii jirima la cheɡɛ wee leebɔr doonyoa la ta, dɛ ba su o Dea la bini.

Lewi Dea Tena 16:2

O ŋɔ, “Ŋɔ he dɔɔ Arɔn be kɛŋɔ, o bɛ pateesan waa tɔ Boɡoroŋ Tenten la habɔɔ jo kaa bela N Ne Nɛwɛnyina Fɔo Daka tɔ la aa lole la warawara, dɛ́ ba sewɛ. Dɛkalkɛ Daka la tɔ doa belaa n che dɛɛ ba he be bam ta.

Nɛra Kura 7:89

Saŋ bɛlbwa Mosis aa jo Korowii Dea Cheremibɔr bela, o ne Korowii bol waa la, o dɛ no taa la dɛɛ le Kerobim la baah ta. Ba sɛah chɔŋɛ Korowii Ne Nɛwɛnyina Fɔo Daka tɔ la doa. Belaa Korowii do dɛ bol waa o be.

Nɛra Kura 9:15

Awola tɔpere baa tonɛ Korowii Tɛnte Dea waa ɛ o Dea Cheremibɔr dɛ cheɡ o koŋkwaa bwa la, bam baa tɔ o bwa. Dɛ o baa tɔ le jɔmɔra ka tel tɔɔ aa pera chɔɔbɔr aa, dɛ o do kɛŋɔ nii ken.

Wepila 15:8

Korowii jirima ne o kpeɡri ɡelɔ chuu su o Dea la bini, nomɛlbwa aa wola won jo bela, atane kɛŋɔ hɔhɔrɔwa bele anuanɛ nyundua toroma banuanɛ la aa kpoŋa la aa ɛa tonɛ mɔɔ.