Kaala 40:34 - mzwDBL

³⁴ Belaa bam la ba tɔ Korowii Dea Cheremibɔr la bwa, asɛ Korowii jirima su o Tɛnte Dea la bini.

Kaala 40:34 ပူးပေါင်းရင်းမြစ်များ

2 Samoɛl 7:6

Le awola tɔpere maa kpɔ Israel tena le Ijipt harɛ ta ba le fini, n ta dea bini soɡe bwa. Tɛnte dea binii mɛɛ so ba kpɔ mɛ dɛɛ ɡaaɡe.

2 Webena 5:13

Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

2 Webena 7:2

Korowii jirima aa su Dea la bini nomanta, sɔfore la ta wone jo o bini.

Yela 26:8

N Naa Korowii, bela haa soɡa dɛ do n wer, bela he jirima aa lole la.

Kaala 14:24

Aa baa ka tama bɔr chaah la, Korowii cheɡɛ bam waa do jaŋne kaa nyundua la ne nii waa tɛra kaa nyundua la ta dɛ nyiŋi Ijipt laa tena dɛ chɔɡ ba liire.

Kaala 16:10

Arɔn aa dɛ bol waa la Israel tena bwa be la, ba nyiŋo dɛ na pua hɛŋle ɡbo harɛ ta bela kɛŋɔ Korowii jirima aa chaahna le bam bɛl ta nyundua.

Kaala 25:8

Gel ba ɛ Tɛnte Dea waa do ɡoroŋ tɛ mɛ, ásɛ n ba so ba bini.

Kaala 29:43

Bela tentenee mɛɛ ba n cheme Israel tena, ásɛ n jirima tɔ bela bwa, dɛ́ ɡel o do ɡoroŋ.

Kaala 33:9

O jo Tɛnte la bini naa, ɡɛɛ bam la waa do jaŋne dɛ le nyundua yon ba tɔ doonyoa, ásɛ Korowii bol waa o be.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 6:4

Asɛ a taa ɡel Korowii Dea la doonyoo ɡbeni daa la ne a doonyojoo bwa ɛɛ jiɡri, chuu tɔ Dea bela bwa.

Ɛsekeɛl 10:4

Korowii jirima le Kerobim la ta, dɛ ba kaa Korowii Dea la doonyoa bela. Bam baa tɔ dembaah bela, asɛ Korowii jirima chaah bela bwa.

Lewi Dea Tena 16:2

O ŋɔ, “Ŋɔ he dɔɔ Arɔn be kɛŋɔ, o bɛ pateesan waa tɔ Boɡoroŋ Tenten la habɔɔ jo kaa bela N Ne Nɛwɛnyina Fɔo Daka tɔ la aa lole la warawara, dɛ́ ba sewɛ. Dɛkalkɛ Daka la tɔ doa belaa n che dɛɛ ba he be bam ta.

Haɡae 2:7

Mɛɛ chɔɡ nɛŋhɔɔhra baa wola Korowii tomɛ kpeɡri bwaa, ásɛ ba kpɔ kwaa a yoɡ aa kpeɡa kohona ba o bini, ásɛ n ɡel kondɔɔh ba su n Dea la bwa. Men Koranar Bwa Kooroo bola.

Haɡae 2:9

Jirima taraken n Dea nɔ aa dɛ ba dɔe la, ɛɛ ɡwaa wubwa kon laanee. Ásɛ dɛ tɛ n nɛra deŋnesɔɔhna bela. Men Koranar Bwa Kooroo bola.”

Nɛra Kura 7:89

Saŋ bɛlbwa Mosis aa jo Korowii Dea Cheremibɔr bela, o ne Korowii bol waa la, o dɛ no taa la dɛɛ le Kerobim la baah ta. Ba sɛah chɔŋɛ Korowii Ne Nɛwɛnyina Fɔo Daka tɔ la doa. Belaa Korowii do dɛ bol waa o be.

Tɔn Pɔɔl Aa Chwerɛ Rom Tena 9:4

Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa.

Wepila 15:8

Korowii jirima ne o kpeɡri ɡelɔ chuu su o Dea la bini, nomɛlbwa aa wola won jo bela, atane kɛŋɔ hɔhɔrɔwa bele anuanɛ nyundua toroma banuanɛ la aa kpoŋa la aa ɛa tonɛ mɔɔ.

Wepila 21:3

Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.