Kaala 40:33 - mzwDBL

³³ O kpɔ dachiɡri ne pateesanre ke Korowii Tɛnte Dea la ne saraha kon la, asɛ dɛ kpɔ pateesan la saɡɛ dembaah la doonyoa la ta. Gɛɛ a do Mosis ɡel ba ɛ toma la bwa tonɛ.

Kaala 40:33 ပူးပေါင်းရင်းမြစ်များ

1 Koranar 6:14

Gɛɛ Kooro Solomɔn ɛ dɛ do Korowii Dea la bwa tonɛ.

1 Koranar 6:9

Kooro Solomɔn ma Korowii Dea la tonɛ, dɛ kpɔ doli ne peleme daa tɔɔ.

Kaala 39:32

Gɛɛ a do Israel tena tonɛ toma aa lɔ Korowii Tɛnte Dea waa ɛ o Dea Cheremibɔr bela bwa, ɡɛ Korowii aa do Mosis la.

Kaala 40:32

Saŋ te bɛlbwa baa jo Korowii Dea Cheremibɔr bela, kɛɛ dɛ la saraha kon la jwɛɛh la, ɡɛɛ ba sarame nɔɔra ne nakpale o ta, ɡɛ Korowii aa do Mosis la.

Kaala 40:8

Kpɔ dachiɡri ne pateesanre ke dembaah la bar, dɛ́ kpɔ o doonyoa pateesan la ba do o ta.

Sekaria 4:9

“Sɛrobabɛl pa n Dea la mun, o tentenee dɛ́ mao tonɛ. Anee dɛ ɡel n nɛra jemɛ kɛŋɔ men Koranar Bwa Kooroo tomɛ ba be.

Nɛra Kura 1:50

Kɛ kpɔ n Tɛnte Dea, ne laala aa lɔ o bini dɛ o komɛlbwa do Lewi dea tena la nɔn ta bá chɔ a nyoa. Banee dɛɛ ba baa che o ne laala aa jaa bwa. Banee dɛ́ nyiŋi o ta dɛ́ baŋre ba tɛnte deene baro.

Matiu 16:8

Yeesu aa no waa baa dɛ pɛɛ dɔŋa la, o pɛɛ ba ŋɔ, “Ɛrɛ waa hɛɛ pɛɛ dɔŋa paanoo bɛ dɔe waa nɔɔ? Haa men yarada kwara!

Amanesoma Jɔn Aa Chwera Tɔn 10:9

Menee doonyoa la, ɡɛ peera aa cheɡɛ doonyoa dɛ jo dɛɛ le, dɛ dɔ kwaa dɛɛ di la, ɡɛɛ nomɛlbwa waa yarada mɛ la ɛɛ ba mkpa dɔe.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Amanesoma Jɔn Aa Chwera Tɔn 17:4

N tɛɛ jirima harɛ nɔ ta kɛŋɔ maa tonɛ toma haa kpɔa do n nɔn ta ŋɔ ń ɛ la bwa.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

1 Kɔrent 12:12

Hé ta sie nyiŋi he bwadabii na, o ɛ kombir, kɛ o dɔ peɡra, asɛ a bwa pɛ dɛ ɛ bwadabii beŋkpoŋ. Gɛɛ Yeesu Kristo do.

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

Ɛfesos 2:18

Onee ɡela ya bwa dɔ Korowii Domadɛɛɡe la, dɛ che o nɛɛ dɛ won dɛɛ tel o Mɛɛ la be.

2 Timoti 4:7

N yo yodɛɛɡe la dɛ tonɛ, dɛ chwa chwae la ɡe tonɛ. Amanesoma maa dɛ yaradaa la ta ɡe, n ta habɔɔ leɛ.