Kaala 40:20 - mzwDBL

²⁰ O kpɔ bwepɛle anɛ la do Korowii Ne Nɛwɛnyina Fɔo Daka la bini, dɛ kpɔ daa la su kwaa aa do kɛŋɔ nɔnloɡa la baa kpɔ dɛɛ cheo la, dɛ kpɔ o tɔ la tɔ o ta.

Kaala 40:20 ပူးပေါင်းရင်းမြစ်များ

1 Koranar 8:9

Komɛlbwa toole Korowii Ne Nɛwɛnyina Fɔo Daka la bini ka ja bwepɛle anɛ Mosis aa kpɔa teɡli o bini Sinai Bwejen ta, bela Korowii ne Israel tena aa fɔwɛ fɔo ɡɛ saŋ baa le Ijipt harɛ ta la.

1 Webena 15:3

Anomanta, o yerɛ Israel tena bwa Jerusalam ŋɔ bá ka kpɔ Korowii Ne Nɛwɛnyina Fɔo Daka la ba cheɡ bɔr waa kwaara la bini.

2 Webena 5:10

Komɛlbwa toole Korowii Ne Nɛwɛnyina Fɔo Daka la bini ka ja bwepɛle anɛ Mosis aa kpɔa teɡli o bini Sinai Bwejen ta, bela Korowii ne Israel tena aa fɔwɛ fɔo ɡɛ saŋ baa le Ijipt harɛ ta la.

Yela 40:8

N Naa Korowii, na ɡɛ maa dɛ nyin he waa ɛɛ, n kpɔ he webaɡla la do n bambile bini.”

Kaala 16:34

Arɔn kpɔ maana la cheɡ Korowii Ne Nɛwɛnyina Fɔo Daka la sie, asɛ ba kwaa cheɡ ɡɛ Korowii aa do Mosis la.

Kaala 26:34

Kpɔ N Ne Nɛwɛnyina Fɔo Daka tɔ waa ɛ bela maa lole dɛ kpɔ he wechɔɡa dɛɛ kɛ heyaa la tɔ o ta Boɡoroŋ Tenten la ta.

Kaala 31:18

Korowii aa bol waa chaɡle Mosis Sinai Bwejen ta tonɛ la, o kpɔ bwepɛle anɛ o ɡbabir aa kpɔ o nɔn ɛ o Mmarare dawɛ a ta la tɛo.

Kaala 40:19

O kpɔ kon baa kpɔ tɔɔ la paɡri bɔle o ta, dɛ kpɔ nɛɛte ɡe bɔle dawɛ ɡɛ tenten Korowii aa doo la.

Kaala 40:3

Kpɔ N Ne Nɛwɛnyina Fɔo Daka la cheɡ o bini dɛ́ kpɔ pateesan saɡɛ o sie.

Matiu 3:15

Anee Yeesu ŋɔ, “Taraken nɔ te, sɔ mɛ. He sɔ mɛ naa, ɡɛɛ yaa ba wona ɛ wedɛɛɡa aa dɛ su Korowii siwi la bwa.” Asɛ mɔɔ Jɔn sɛh dɛ sɔɔ nee la.

Tɔn Pɔɔl Aa Chwerɛ Rom Tena 10:4

Yeesu Kristo bala la teŋe Mosis Mmara ta teŋa ta kɛŋɔ a taa nɛn che Korowii lɛo kɛ nɛndɛɛɡe o waa su o siwi la. Taraken nomɛlbwa waa yarada Yeesu Kristo waa la, Korowii ɛɛ lɛo kɛ nɛndɛɛɡee ásɛ o waa su o siwi.

Tɔn Pɔɔl Aa Chwerɛ Rom Tena 3:25

Korowiirii le Yeesu Kristo ŋɔ ó ba fuɡe o chal ta, dɛ́ soŋe ya wechɔɡa, ásɛ o bandia le nɛra baa yarada Yeesu Kristo seo waa la nɛ. Korowiirii fa saahna ɛ ɡɛ dɛ́ baɡle kɛ o waa toɡrɔ, dɛkalkɛŋɔ a saŋ la, nɛra aa dɛ ɛ wechɔɡa la, o laa sie kpɔ ba be. A fe chɛ kɛ ó tɛr nɛwɛnyini deŋne, kɛ o lawɛ bambile.

Mmarare 10:5

Ate, n berɛ kpɔa tu dɛ ba kpɔ do daka la bini ɡɛ Korowii aa do mɛ la. A ta lɔ o bini ba le fini.”

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.

Hibru 9:4

Korowii Boɡoroŋ Tenten la bɔr bela la, dɛ suuɡaswɛm kon baa dɛ fuh daawiile a sɔɔh aa soma o bini la lɔ bela. Dɛ Korowii Ne Nɛwɛnyina Fɔo Daka baa kpɔ suuɡaswɛm ɛ o bwara bwa, asɛ o che tɛ ba ne Korowii fɔo la lɔ bela. Dɛ suuɡaswɛm vii la baa kpɔ kondikwaa aa le nyundua baa yera maana do o bini la, ne Arɔn daŋɡbala waa moɡɛ papooni la, ne bwepɛle anɛ la ba fa aa chwerɛ o ne ba fɔobene la mmara fi la do a ta la lɔ Daka la bini.

1 Jɔn 2:2

Onee koh ya wechɔɡa waa dɛ sewɛ tɛ yaa dɛ kwaa ya ne Korowii baah. Ya ɡbo wechɔɡa waa laa o sewɛ. Nomɛlbwa waa lɔ harɛ nɔ ta bwa jao.