Kaala 40:15 - mzwDBL

¹⁵ He tonaa, hé fuɡe noo do ba nyuune ta ɡɛ haa ɛ ba mɛɛ la, ásɛ ba won ɛ sɔfore dɛɛ ɛ n toma. Noo fuɡa dɛ do ba nyuune ta nɔɔ dɛɛ ba ɡela sɔfore toma do ba luɡe ta saŋ bɛlbwa dɛɛ la.”

Kaala 40:15 ပူးပေါင်းရင်းမြစ်များ

Nɛra Kura 25:13

Ásɛ a chɔ le tɛ o ne o naanar baa ka ba bwa, kɛ bá ɛ sɔfore saŋ bɛlbwa dɛɛ la, dɛkalkɛŋɔ o ta nomɛlbwa toma sɛɛh ka ja men Korowii waa dɛ tom mɛ nɛ, dɛ́ soŋe Israel tena bwa wechɔɡa tɛɛ ba.”

Yela 110:4

Korowii baɡɛ nyoa waa wola o liiree charɛ ŋɔ, “Hɛɛ ɛ sɔfoo saŋ bɛlbwa dɛɛ la kɛŋɔ Mɛlkesɛdɛk.”

Hibru 7:7

Ya bwa jemɔ kɛŋɔ nomoaa sweera dɛɛ tɛ bechala.

Hibru 7:3

Mɛlkesɛdɛk ta nya ne mɛɛ dɔe ya jemɛ. O ta lolanar dɔe. O ta lola tɔpere ne sewa tɔpere ɡba dɔe ya jemɛ. O ɛ Sɔfo saŋ bɛlbwa dɛɛ la aa wola jaɡa dɔe kɛŋɔ Korowii Bie la ken.

Kaala 30:33

Nomɛlbwa waa ɛ konsɔɔhsoma nɔ siwi, kɛɛ dɛ fuɡe ane do nomɛlbwa waa wola sɔfo ɛɛ nyu ta la, a chɛ kɛŋɔ bá le o ne o nɛra bini.”

Kaala 30:31

Baɡle Israel tena kɛŋɔ anɔɔ dɛ́ ɛ n noo aa do ɡoroŋ bá kpɔ dɛɛ ɛ we-ɛɛle n toma ta, dɛ́ chɔ le tɛ naanar baa ka ba bwa.

Kaala 29:9

dɛ́ pi ba ɡbɛrɛre. Ásɛ dɛ kpɔ kirisore vɔwɛ Arɔn ne o bibaala la. Ba ne ba naanar ɛɛ ɛ sɔfore, dɛɛ tom mɛ saŋ bɛlbwa dɛɛ la. Gɛɛ hɛɛ ba ɛɛ dɛ́ le Arɔn ne o bibaala dɛ́ kpɔ ba toma do ba nɔn ta.

Kaala 12:14

Hé di a ɡɛ tɔpere nɔ saŋ bɛlbwa dɛɛ la, dɛ́ kpɔ lii men Korowii waa maa ɛa tɛ heya. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 28:41

Haa kpɔ laala nɔ do he dɔɔ Arɔn ne o bibaala tonɛ la, hé fuɡe noo do ba nyuune ta dɛ́ kpɔ ba sɔfo toma do ba nɔn ta. Ɛɛ ba bá do ɡoroŋ dɛ́ won dɛɛ ɛ n toma kɛŋɔ sɔfore.

Kaala 40:14

Berɛ kpɔ o bibaala ɡe ba, dɛ́ ba do ba batakaarejaŋa la.

Kaala 40:16

Mosis ɛ wobɛlbwa ɡɛ tenten Korowii aa doo la.

Sekaria 4:14

Ate o ŋɔ, “Kpala anɛ nɔɔ cheɡa tɛ baala banɛ, Korowii waa ɛ harɛ nɔ bwa Dɔɔ aa lee ba, dɛ fuɡe noo do ba nyuune ta baa tomɔ la.”