Kaala 4:27 - mzwDBL

²⁷ Anee Korowii ŋɔ Arɔn be ŋɔ, “Ir la pua hɛŋle ɡbo harɛ ta, dɛ́ ka cheme Mosis.” Asɛ o ir dɛ la ka chemo Korowii bwe waa do ɡoroŋ ta dɛ jaamo.

Kaala 4:27 ပူးပေါင်းရင်းမြစ်များ

Mumpar 29:11

Asɛ dɛ ka ɡbaa Rakɛl pɛl o bambile, dɛ mo o lwɛɛma dɛ wi.

1 Koranar 19:8

Asɛ o ir di kwaa la, dɛ nyɔ ne. Kondikwaa la chao dɛ tɛo bokpeɡa o won valɛ tɔpera fifraanaarɛ chɔɔ ne jwaana, dɛ kaa Korowii Sinai Bwejen waa do ɡoroŋ la bɔr.

Yela 105:26

Belaa o tomɛ o bonɔɔna Mosis ne Arɔn waa lee ba tɛ o te la.

Kaala 18:5

Jetro ne Mosis haah ne o bibaala banɛ la bwaa la o be pua hɛŋle ɡbo harɛ ta, bela waa soɡa dɛ baŋre o tɛnte dea Korowii bwe la jwɛɛh la.

Kaala 18:7

Ate, Mosis le dɛ ka chemo, dɛ ɡuŋu harɛ dɛ jaamo. Ba jam dɔŋa tonɛ dɛ lawɛ dɔŋa ka jo tɛnte Dea la bini.

Kaala 19:3

Anee Mosis teeh la Korowii be bwe la doa. Asɛ Korowii yerɔ bwe la doa ŋɔ ó ka ŋɔ Israel tena baa ɛ Jekɔb naanar be ŋɔ,

Kaala 20:18

Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ.

Kaala 24:13

Ate, Mosis ne Josua waa dɛ chao la kpɔ ba te le kaa Korowii be bwe la doa.

Kaala 3:1

Awola bɛl, Mosis kpɔ o helabaa Jetro waa ɛ Midian sɔfo la kondɛɛra kaa di bɔr. O teɡa ka ɡarɛ pua hɛŋle ɡbo harɛ ta, dɛ ka le bwe waa do ɡoroŋ baa yerɔ Sinai la ta.

Kaala 4:26

Anomanta, Korowii ɡel Mosis kpoe.

Wejereme 4:9

Banɛ wer ɡwaa beŋkpoŋ, dɛkalkɛ ba nyoa ɛɛ won pɛ, ásɛ ba ɛ toma kɛrɛdɛ, dɛ́ dɔ ɡɛ baa dɛ nyin.

We-ɛɛla 10:20

anomanta, bɛ ɔmɛ. La ba be, dɛkalkɛŋɔ menee tom ba.”