Kaala 39:31 - mzwDBL

³¹ Asɛ dɛ kpɔ ŋwɛmburum do o ta dɛ́ kpɔ lawɛ Arɔn ɡbɛrɛ la sie ɡɛ tenten Korowii aa do Mosis la.

Kaala 39:31 ပူးပေါင်းရင်းမြစ်များ

Kaala 28:36

Kpɔ suuɡaswɛm tenten kwaa kon waa do kpɛlɛntɛŋ dɛ́ ɛ dawɛ o ta ŋɔ, kon baa lea cheg tɛ korowii o do goroŋ.

Kaala 28:4

Laala haa nyarɛ laanee, kon waa dawɛ o bambile ta ne batakaarebora, ne batakaarejaŋ ne onɔ la baa sɔɔh ó do mun ta, ne yal baa kpɔ vɔwɛ nyu dɛ kiriso waa kpɔ dɛɛ vɔwɛ chara. Gɛ laala aa do ɡoroŋ nɔɔ baa ba nyara tɛ he dɔɔ Arɔn ne o bibaala, ásɛ ba ɛ toma dɛɛ tɛ mɛ kɛ sɔfore.

Kaala 39:30

Suuɡaswɛm tentenee ba kpɔ ɛ kon waa do kpɛlɛntɛŋ o do ɡoroŋ dɛ do Arɔn ɡbɛrɛjen la sie dɛ ɛ dawɛ o ta ŋɔ, “kon baa lea cheg tɛ korowii o do goroŋ.”

Kaala 39:32

Gɛɛ a do Israel tena tonɛ toma aa lɔ Korowii Tɛnte Dea waa ɛ o Dea Cheremibɔr bela bwa, ɡɛ Korowii aa do Mosis la.

Lewi Dea Tena 8:4

Mosis ɛ ɡɛ bwa Korowii aa doo la, asɛ nɛra la bwa ba cheme Korowii Dea Cheremibɔr la doonyoa bela.