Kaala 39:30 - mzwDBL

³⁰ Suuɡaswɛm tentenee ba kpɔ ɛ kon waa do kpɛlɛntɛŋ o do ɡoroŋ dɛ do Arɔn ɡbɛrɛjen la sie dɛ ɛ dawɛ o ta ŋɔ, “kon baa lea cheg tɛ korowii o do goroŋ.”

Kaala 39:30 ပူးပေါင်းရင်းမြစ်များ

Kaala 26:36

Korowii Tɛnte Dea doonyoa bela la, kpɔ jiseburum ne jisekɔl ne jiseswɛm dɛ jisepondɛɛɡe nyarɛ pateesan, dɛ́ ɡel nɛn waa dɔ kwaa sɔeh wejema ɛ kwaa dawɛ o ta, dɛ́ kpɔ saɡɛ o ta.

Kaala 39:29

Ba pɛrɛ kiriso la, nɛn waa dɔ kwaa nyara dɛ dawɛ kon ta wejemaa kpɔ jisepondɛɛɡe ne jiseburum ne jisekɔl dɛ jiseswɛm ɛo ɡɛ Korowii aa do Mosis la.

Kaala 39:31

Asɛ dɛ kpɔ ŋwɛmburum do o ta dɛ́ kpɔ lawɛ Arɔn ɡbɛrɛ la sie ɡɛ tenten Korowii aa do Mosis la.

Sekaria 14:20

Awola tɔpere la, dorɔŋre baa kpɔ do jaɡre baŋa la, baa chwerɛ a taa ŋɔ, ‘A Do Goroŋ Tɛ Korowii’, ásɛ viine baa kpɔa dɛɛ daa saraha kwaa Korowii Dea la, á berɛ do kɛŋɔ loɡa aa do ɡoroŋ dɛ che kon baa dɛ ɛ saraha o ta la sie.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Wepila 5:10

dɛ ɡel ba ɛ N Naa Korowii Kora nɛra, ne o sɔfore dɛɛ tomɔ, dɛ́ ba di kora harɛ nɔ bwa ta.”