Kaala 39:1 - mzwDBL

¹ Jiseburum ne jisekɔl ne jiseswɛmee ba kpɔ sɔh laaladɛɛɡa baa doa dɛɛ ɛ Korowii Dea la bini toma, dɛ sɔh laala aa do ɡoroŋ tɛ Arɔn ɡɛ Korowii aa do Mosis la.

Kaala 39:1 ပူးပေါင်းရင်းမြစ်များ

Yela 93:5

He mmarare cheɡɔ kiŋkiŋ saŋ bɛlbwa dɛɛ la. He Dea do ɡoroŋ kohona, saŋ bɛlbwa dɛɛ la.

Kaala 25:4

ne jiseburum ne jisekɔl ne jiseswɛm ne yadɛɛɡa ampoŋa dɛ booh pona,

Kaala 26:1

Korowii berɔ ŋɔ Mosis be ŋɔ, “Kpɔ jisepondɛɛɡe ne jiseburum ne jisekɔl dɛ jiseswɛm sɔh pateesanre fi, dɛ́ ɡel nɛn waa dɔ kwaa sɔeh wejema ɛ Kerobim dawɛ a ta, dɛ́ kpɔ kwaa Tɛnte Dea waa ɛ n dobɔr tɛ mɛ.

Kaala 28:5

Gel ba kpɔ suuɡaswɛm ne jiseburum ne jisekɔl, ne jiseswɛm dɛ jisepondɛɛɡe ɛa.

Kaala 31:10

ne sɔfore laala baa sɔah a do ɡoroŋ tɛ Arɔn ne o bibaala, baa doa dɛ kpɔ dɛɛ ɛ sɔfore toma,

Kaala 35:19

ne sɔfore laala baa sɔah dɛ doa dɛɛ ɛ toma Korowii Dea bela, ne Arɔn waa ɛ Sɔfonomoa la laala aa do ɡoroŋ, dɛ o bii la ɡe laala baa doa dɛɛ ɛ toma kɛ sɔfore.”

Kaala 35:23

Asɛ nomɛlbwa waa dɔ jiseburum, Jisekɔl kɛɛ jiseswɛm kɛɛ yapondɛɛɡe kɛɛ booh pona, pebal tɔne baa doa konswɛm kɛɛ mpo nae tɔne ba a ne.

Kaala 38:31

ne loɡa aa lɔ dachiɡri aa bar dembaah la ne anɔ la aa lɔ o doonyoa la mune, ne kwaa baa kpɔa baŋre Korowii Tɛnte Dea dachiɡri la mune, dɛ anɔ la aa bar dembaah bela bwa.

Kaala 39:41

ne laala baa sɔah sɔfore doa dɛɛ ɛ toma Korowii Dea bela, ne Sɔfonomoa Arɔn laala aa do ɡoroŋ la ne o bibaala ɡe laala baa doa dɛ kpɔ dɛɛ ɛ sɔfore toma.

Ɛsekeɛl 42:14

Sɔfore la baa jo Korowii Dea dɛ ɛ ba toma tonaa, ba bɛ le kaa habɔɔ dembaah bela. Bá foo laala baa doa ɛ toma la bil deene la bini, dɛkalkɛ a do ɡoroŋ. Bá do laala pɛɛne mɔɔ dɛ́ le kaa nɛra la bini.”

Ɛsekeɛl 43:12

Mmara waa chɔ le dɛ tɛ Korowii Dea laanee teŋa nɔ. Bwejen la doa ne bɔr waa baro bwa chɛ kɛŋɔ ó do ɡoroŋ kohona.

Hibru 9:12

Yeesu Kristo jo Korowii Boɡoroŋ Tenten la. Waa jo bela la, boohna ne nabie chal laa o kpɔ jo bela. O ɡbaɡba chalee o kpɔ jo bela, dɛ lɛ yaa ta aa wola jaɡaa dɔ bwa. Kerabeŋkpoŋii o jo bela. A ta hiaih kɛŋɔ o jo bela kpa.

Hibru 9:25

A ta hiaih kɛ o teŋɛ dɛɛ jo Boɡoroŋ Tenten la dɛ́ kpɔ o te ɛ saraha bena bɛlbwa ɡɛ Juu tena Sɔfonomoa aa dɛ jo ba kon ta chal aa wola o ɡbaɡba bwara chal ɛɛ ne la.