Kaala 38:26 - mzwDBL

²⁶ Baala la bini bɛlbwa waa di bene fifraanɛ kɛɛ dɛ ɡwaa la, lɔ nɛra kaɡboŋa lafraanumɛl dɛ batoro, ne lafraanue fifraanue. Ba bini bɛlbwa kpɔ suuɡapoŋ fah ɡɛ baa maɡa bil Korowii Tɛnte Dea la dɛ kpɔ cha.

Kaala 38:26 ပူးပေါင်းရင်းမြစ်များ

Kaala 12:37

Israel tena le Rameses waa lɔ Ijipt harɛ ta dɛ ba Sukot. Baala baa valɛ naa ta la ɡbo ɛɛ ɛ kaɡboŋa lafraanumɛlee. Haahna ne bechale te ta jae.

Kaala 30:12

“He ba dɛ kure Israel tena dɛ́ jemɛ ba nyoa aa, a chɛ kɛ bɛlbwa bɔ suuɡa dɛ́ kpɔ charɛ o nyu tɛ men Korowii kura saŋ la ta. Ásɛ ba dɛ kur ba aa, bɛlbwa bɛ weechɔɡa ba we.

Kaala 30:13

Bɛlbwa waa ɡale ka ja banɔ la baa kur ba nɛɛ la chɛ kɛ ó bɔ suuɡapoŋ fah ɡɛ baa maɡa bil Korowii Dea a ɛ suuɡa bwejeɡre fifraanɛ. A ɡɛ suuɡapoŋ fah nɔ ɛ saraha dɛ tɛ men Korowii.

Kaala 38:27

Suuɡapoŋa a tɔɡre aa ɛ kilore kaɡboŋa atoro lafraanaarɛɛ ba kpɔ kwaa loɡa lafa baa kpɔa do dachiɡri aa lɔ Korowii Tɛnte Dea la mune ta, ne dachiɡri aa lawɛ pateesan waa tɔ Boɡoroŋ Tenten ta la mune ta. Suuɡapoŋa a tɔɡre aa ɛ kilore fifraatoro dɛ anaarɛɛ ba kpɔ ɛ loɡ la beŋkpoŋ bɛlbwa.

Nɛra Kura 1:2

“Kure Israel tena bwa. Kure dea bɛlbwa ne ba lolanar, dɛ́ chwerɛ baala bwa sɔna beŋkpoŋa beŋkpoŋa.

Nɛra Kura 1:3

Hé ne Árɔn kur ba ɡɛ. Hé kure le baala baa dɔ bene fifraanɛ ne a habɔɔ dɛ́ won la laa.

Nɛra Kura 1:46

Dɛ ba bwa lɔ nɛra kaɡboŋa lafraanumɛl dɛ batoro, lafraanue fifraanue.

Nɛra Kura 2:32

Israel tena baa kure ba deene nɛra bwa laanee la. Dɛ he kpɔ debele atotoro baa kura la dɛ ja dɔŋa nɛ aa, ba bwa lɔ kaɡboŋa lafraanumɛl dɛ batoro lafraanue fifraanue.

Nɛra Kura 26:2

“Hé kure Israel deene la bwa ne ba naanar baala baa baa di bene fifraanɛ ne a habɔɔ dɛ́ won la laa la.”

Nɛra Kura 26:51

Israel baala bwa baa kur ba la lɔ kaɡboŋa lafraanumɛl dɛ beŋkpoŋ, lafraanuanɛ fifraatoro.

Matiu 17:24

Yeesu ne o habɔteŋra la la Kapeeneɔm. Asɛ Korowii Dea toɔ lɛɛra baa pɛɛ Pita ŋɔ, “He Dɔɔ nɔ dɛ bɔ Korowii Dea toɔ aa?”