Kaala 38:21 - mzwDBL

²¹ Gɛɛ koŋkwaa baa kpɔa kwaa Korowii Tɛnte Dea waa do. Mosisii do Lewi dea tena asɛ ba chwera bil. Arɔn waa ɛ sɔfo la, o bibaa Itamaa tɔ ba sie ba chwera.

Kaala 38:21 ပူးပေါင်းရင်းမြစ်များ

1 Webena 6:3

Amram ɡe dɔ bibaala banɛ, Arɔn ne Mosis, asɛ o bihaah beŋkpoŋ sɔne Miriam. Arɔn ɡe bibaalaa, Nadab ne Abihu ne Eliasa dɛ Itama.

2 Webena 24:6

Anomanta, o yerɛ Sɔfonomoa Jehoiada dɛ ŋɔ o be ŋɔ, “Ɛrɛɛ he ta nyiŋe Lewi dea tena la Juda ne Jerusalam, dɛ ka lɛ benanyoa bɛlbwa toɔ, Korowii bonɔɔ Mosis ne Israel tena bwa aa ŋɔa bá ka lɛ ba kwaa Korowii Dea Cheremibɔr laɔ?”

Job Tɔn 11:4

He dɛ bol ŋɔ he waa ɛ kasinteŋ, he ŋɔ he waa toɡrɔ Korowii sie.

Job Tɔn 22:23

Dɛ he berɔ ba Korowii Waa Ɛ Kpeɡri Bwa Dɔɔ la be naa, wɛɛ lɛɛ. Dɛ he laa wechɔɡa kpɔ bela haa soɡa,

Job Tɔn 26:1

Belaa Job chaŋe Bildad ŋɔ,

Yela 15:1

N Naa Korowii, nɛn besooree dɛ́ won jo he Dea ɔ? Bamewaa dɛ́ won so Saayɔn waa ɛ he deŋɡare waa do ɡoroŋ la ta, dɛ́ tomɛ nɔ?

Kaala 25:16

Ásɛ he kpɔ bwepɛle anɛ me Mmarare la aa dawɛ a ta mɛɛ ba kpɔe tɛɛ la, do Daka la bini.

Kaala 26:33

Kpɔ paateesan la saɡɛ bune la ta, dɛ́ kpɔ N Ne Nɛwɛnyina Fɔo Daka la ba cheɡ o habɔɔ. Pateesan laanee dɛ́ pere Boɡoroŋ la le Boɡoroŋ Tenten la ta.

Kaala 38:20

Kwaa baa kpɔa baŋre Korowii Tɛnte Dea bela ne anɔ la baa baŋra dembaah bela la, ayaawaa ba kpɔ ɛa.

Kaala 38:22

Uri bibaa Besalɛl nabaa Hur waa le Juda dea laanee ɛ wobɛlbwa ɡɛ Korowii aa do Mosis la.

Kaala 40:3

Kpɔ N Ne Nɛwɛnyina Fɔo Daka la cheɡ o bini dɛ́ kpɔ pateesan saɡɛ o sie.

Kaala 6:23

Arɔn ɡe mo haah. O sɔne Eliseba. Dɛ Aminadab bihaahnee o ɛ Naasɔn nimambie. Bibaala baa lola laanee Nadab ne Abihu ne Eliasa dɛ Itama.

Nɛra Kura 1:50

Kɛ kpɔ n Tɛnte Dea, ne laala aa lɔ o bini dɛ o komɛlbwa do Lewi dea tena la nɔn ta bá chɔ a nyoa. Banee dɛɛ ba baa che o ne laala aa jaa bwa. Banee dɛ́ nyiŋi o ta dɛ́ baŋre ba tɛnte deene baro.

Nɛra Kura 1:53

Kɛ Léwi dea tena la te baŋre ba tɛnte deene bar n Tɛnte Dea la, ásɛ n bandia bɛ Israel tena la bwa nɛɛ ba. Lewi dea tena laanee chɛ kɛŋɔ báa nyiŋi n Tɛnte Dea la bwa ta.”

Nɛra Kura 10:11

Israel tena aa le Ijipt harɛ ta bennɛɛte korobie anɛ, tɔpera fifraanɛ habɔɔ la, bam la le Korowii Tɛnte Dea la nyundua bela.

Nɛra Kura 18:2

Saŋ bɛlbwa he ne he bii aa dɛɛ ba toma ɛɛ n Tɛnte Dea waa ɛ n Dea Cheremibɔr bela la, yerɛ he bala Lewi dea tena la bá ba cha he ne he bibaala haa dɛ cha nɛra la, ásɛ ba won tom mɛ ɡɛ aa chɛa la.

Nɛra Kura 24:5

He na ɡɛ he tɛnte deene aa wera, Israel tena, he sobɔra wer.

Nɛra Kura 9:15

Awola tɔpere baa tonɛ Korowii Tɛnte Dea waa ɛ o Dea Cheremibɔr dɛ cheɡ o koŋkwaa bwa la, bam baa tɔ o bwa. Dɛ o baa tɔ le jɔmɔra ka tel tɔɔ aa pera chɔɔbɔr aa, dɛ o do kɛŋɔ nii ken.

Matiu 17:4

Anee Pita ŋɔ Yeesu be ŋɔ, “N Dɔɔ, a wer taeh kɛ yaa lɔ bonɔ nɔ! Dɛ he dɛ nyin aa, mɛɛ do kukure atoroo cheɡ bonɔ, ásɛ he kpɔ bɛl, Mosis kpɔ bɛl, ásɛ Elaeja ɡe kpɔ bɛl.”

We-ɛɛla 7:44

Ya naawa aa lɔ pua hɛŋle ɡbo harɛ ta la, dɛ ba dɔ tɔne ane baa dɛ baŋra kɛŋɔ dea ken, asɛ a ɡɛ dea la ɛ Korowii Dea Cheremibɔr. Gɛ Korowii aa baɡle Mosis laanee ba kwaaro.

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

Hibru 8:2

Korowii Dea bini tenten la, belaa wɛɛ di sɔfore. O ɛ Korowii Tɛnte Dea ɡbaɡba, nɛwɛnyini laa doo.

Hibru 9:11

Taraken te, Yeesu Kristo balɔ dɛ ba ɛ Sɔfonomoa, dɛɛ ɛ wefala aa bala dɛ do wer ya jemɛ a waa taraken nɔ la toma. Korowii Tɛnte Dea waa dɛ ɛ toma o bini la dɔ jirima, dɛ do wer kɛrɛdɛ ɡwaa onɔ la. Nɛwɛnyini laa doo, harɛ bonɔ kon laa.

2 Pita 1:13

N dɛ lii kɛŋɔ maa wola sewɛ mɔɔ nɔ, a chɛ kɛ mɛɛ lii heyaa hé do wɔrɔbe waa nɔ ta.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Wepila 15:5

Anɔ habɔɔ la, n berɔ na Korowii Dea waa lɔ nyundua la baa pilu cheɡ. Korowii Dea Cheremibɔr baa baŋro wɛɛ baɡle kɛŋɔ Korowii lɔ o nɛra bini laanee.

Wepila 21:3

Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.