Kaala 38:17 - mzwDBL

¹⁷ Loɡa aa lɔ dachiɡri la mune la, ayaawaa o kpɔ ɛa. Kwaa aa lɔ dachiɡri la ta dɛ lawɛ pateesanre la kpoŋe ne kwaa aa bara la, suuɡapoŋa nee o ɛa, dɛ mwɛɛ suuɡapoŋa dawɛ dachiɡri la dor. Gɛɛ a do dachiɡri aa lɔ dembaah bela la bwa dɔ suuɡapoŋ kwaa ba kpɔ bara.

Kaala 38:17 ပူးပေါင်းရင်းမြစ်များ

1 Koranar 7:16

O berɔ kpɔ ayaawa la ane ɛ pilare tɔre anɛ chɔŋɛ a ta, bɛlbwa jaŋne dɛ́ kaa nyundua lɔ naɡale anuanɛ ne tama.

Kaala 27:10

ásɛ dachiɡri la ɛ fifraanɛ, ayaawa loɡa fifraanɛ do a mune ta. Bune aa lawɛ dachiɡri la kpoŋe la bwa chɛ kɛ he kpɔ suuɡapoŋa ɛ a bwara.

Kaala 38:16

Dembaah pateesanre la, jisepondɛɛɡe nee ba sɔah.

Kaala 38:18

O kpɔ jiseburum ne jisekɔl ne jiseswɛm ne jisepondɛɛɡe sɔh pateesan do dembaah doonyoa la ta. Dɛ nyarɛ do a ta kɛŋɔ nɛn waa dɔ a wejema aa dɛ ɛa la. O jaŋne lɔ naɡale fifraatoro asɛ o paɡri ɡe ɛ naɡale anuanɛ ne tama, kɛŋɔ dembaah la pateesanre paɡri aa doa la.

Nɛra Kura 3:36

Banee ba le ŋɔ báa nyiŋi Korowii Tɛnte Dea la daa, ne o dachiɡri ne loɡa aa lɔ a mune, ne o doli ne o koŋkwaa aa jaa bwa ta. Gɛ bwa aa chɛ kɛ bá kpɔ anɔ bwa ɛ toma lɔ ba nɔn ta,

Nɛra Kura 4:32

ne dembaah dachiɡri ne a loɡa aa lɔ a mune, ne kwaa baa kpɔa baŋre tɛnte la ne ŋwɛɛra ne koŋkwaa bwa ne komɛlbwa aa chɛ kɛ bá kpɔ ɛ toma. Yerɛ baa bɛlbwa, dɛ́ kpɔ o bone waa dɛ ba cheɡa do o nɔn ta.