Kaala 37:9 - mzwDBL

⁹ Kerobim la sie chaɡɛ dɔŋa a kena paɡri kaa nyundua dɛɛ cheme dɔŋa dɛ tɔ daka la tɔ la ta.

Kaala 37:9 ပူးပေါင်းရင်းမြစ်များ

Mumpar 28:12

O chɔe bini la, o deero dɛ na kɛŋɔ sanjol le nyundua ba chiɡ harɛ, asɛ nyundua toroma teeh dɛ la dɛɛ ba.

Mumpar 3:24

Waa doŋi baa la le bela habɔɔ la, o kpɔ Kerobim ne tokobii bɛl waa dɛ nyɛɡle kɛ ninlao dɛɛ beɡre bobɛlbwa, dɛ ka cheɡ Eden bodɛɛɡe wee leebɔr pera, ásɛ nomɛlbwa bɛ won di daa la nɔna.

1 Koranar 6:27

Kooro Solomɔn ɡelɔ ba kpɔa cheɡ dɔŋa jwɛh Boɡoroŋ Tenten bela. Ba ɛa a kena anɛ nyoo ɛɛ chuɡe danjwɛ, asɛ anɛ ɡe ba cheme dea la baah ta.

Kaala 25:20

Kerobim la chɛ kɛŋɔ á sie ɡba dɔŋa daka la doa, a kena paɡri kaa nyundua dɛɛ cheme dɔŋa dɛɛ tɔ o tɔ la ta.

Kaala 37:10

O berɔ kpɔ akaasia daa kwaa teebur o jaŋne ɛ naɡale atoro, o paɡri ɛ naɡale beŋkpoŋ ne tama asɛ o daŋa ɡe ka tama ó ɡwaa naɡale anɛ.

Kaala 37:8

Kerobim la beŋkpoŋ chɔŋɛ o baŋ bɛl, asɛ bɛl do o baŋ bɛl la ɡe ta. Suuɡaswɛm beŋkpoŋii o kpɔ kwaa Kerobim la ne daka la tɔ bwa.

Aesaya 6:2

N berɔ na hweera kwaa ane aa dɛ lawɛ nii dɛ baro cheme baa yera Serafim. A bɛlbwa dɔ kena anumɛl. A kpɔ a kena la bini anɛ dɛɛ tɔ a siebɔr, dɛ kpɔ anɛ dɛɛ tɔ a nakpale ta, asɛ dɛ kpɔ anɛ aa kaa la ɡe dɛɛ ir.

Amanesoma Jɔn Aa Chwera Tɔn 1:51

Yeesu ŋɔ ba be ŋɔ, “Kasinteŋ, n dɛ ŋɔ he be, hɛɛ nao nyundua aa pila, ásɛ nyundua toroma che bela tu dɛɛ ba Men Nɛn Bie be, dɛ berɛ teeh dɛɛ kaa.”

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

Ɛfesos 3:10

O ɛ ɡɛ ásɛ nyundua toroma, ne kwaa aa dɔ kpeɡri bwa dɛ do Korowii be nyundua bwa pese asɔre tena waa dɛ́ jemɛ ɡɛ bwa Korowii wejema aa kana ne ɡɛ waa dɛ ɛ o toma.

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.