Kaala 36:8 - mzwDBL

⁸ Nɛra baa dɔ kwaa ɛɛ wejema dɛ ja tom-ɛɛra la nɛɛ la kwaa Korowii Tɛnte Dea la dɛ kpɔ jisepondɛɛɡe ne jiseburum ne jisekɔl dɛ jiseswɛm sɔh pateesanre fi. Dɛ ɡel nɛn waa dɔ kwaa sɔeh wejema ɛ Kerobim dawɛ a ta.

Kaala 36:8 ပူးပေါင်းရင်းမြစ်များ

1 Koranar 6:23

Kooro Solomɔn ɡelɔ ba kpɔ ɔleve daa sɛh Kerobim aa do kɛŋɔ hweera kwaa anɛ ane cheɡ Korowii Dea la bini tenten bela. Bɛlbwa jaŋne dɛ kaa nyundua lɔ naɡale fi dɛ anue.

1 Webena 15:1

Kooro Devid aa do deene o ɡbabir aa so a bini Jerusalam waa ɛ o Bwɛjen ta tonɛ la, o kwaa bobɛl dɛ baŋre tɛnte dea ba kpɔ Korowii Ne Nɛwɛnyina Fɔo Daka la cheɡ o bini.

2 Webena 1:3

dɛ ŋɔ o ne ba bwa la bela baa dɛ tomɛ Korowii bwɛjen Gebeɔn, dɛkalkɛ dɛ belaa Korowii Dea Cheremibɔr, o bonɔɔ Mosis aa baŋro pua hɛŋle ɡbo harɛ ta la do.

2 Webena 3:10

Kooro Solomɔn ɡelɔ ba ɛ Kerobim anɛ, asɛ dɛ kpɔ suuɡaswɛm ɛ a bwara a che Boɡoroŋ Tenten bela.

Kaala 25:18

Berɛ kpɔ suuɡaswɛm kwaa Kerobim la do o tɔ la nyoo.

Kaala 25:22

N ne he Danseɛ Daka la doa Kerobim la baah taa mɛɛ ba he chema, dɛ́ kpɔ me Mmarare bwa tɛɛ hé kpɔ tɛ Israel tena.

Kaala 31:6

N berɔ le Ahisamak bibaa Oholiab, dɛ le Dan dea ŋɔ ó baa chao. Dɛ berɛ tɛ tom-ɛɛra bwa wejema bá won ɛ komɛlbwa maa doe a ta la bwa.

Kaala 31:7

Koŋkwaa kɛŋɔ n Dea Cheremibɔr, ne N Ne Nɛwɛnyina Fɔo Daka la ne o tɔ bela maa kpɔ he wechɔɡa dɛɛ kɛ heya, dɛ koŋkwaa aa ja Tɛnte Dea la ta bwa,

Kaala 35:10

Nomɛlbwa waa dɔ kwaa kwaara wejema he bini la le ba, ásɛ dɛ ba ɛ kwaa Korowii aa do yaa ŋɔ yá ba ɛa nɔ.

Kaala 36:9

Pateesanre la bwa kɛrɛdɛ. A jaŋne lɔ naɡale fifraanaarɛ dɛ anɛ, asɛ a paɡri ɡe ɛ naɡale anumɛl.

Kaala 39:3

Suuɡaswɛmee ba lɔɡɛ dɛ teŋna kɛŋɔ jise dɛ kpɔa ja jiseburum ne jisekɔl ne jiseswɛm dɛ jisepondɛɛɡe ta nyarɔ. Nɛn waa dɔ a nyara wejema laanee nyarɔ.