Kaala 36:35 - mzwDBL

³⁵ Ba kpɔ jiseburum ne jisekɔl ne jiseswɛm dɛ jisepondɛɛɡe nyarɛ pateesan la, asɛ nɛn waa jemɛ kwaa sɔeh ɛ Kerobim dawɛ o ta.

Kaala 36:35 ပူးပေါင်းရင်းမြစ်များ

Matiu 27:51

Waa sewa la, ate dɛ yal waa teŋe Korowii Dea la baah ta la pere anɛ le nyundua ba ta harɛ. Harɛ jiɡro, asɛ bwetala bini peɡri,

Hibru 10:20

Yeesu pili ŋwɛnɛfale mkpa aa lɔ o ta tɛ yaa, asɛ ya won jo Korowii Boɡoroŋ la ta. O bwadabii ɛo kɛŋɔ pateesanjen o fa aa tɔ Korowii Boɡoroŋ Tenten la ŋwɛnɛ la. Waa sewa la, ŋwɛnɛ pilo tɛ yaa.

Kaala 40:21

Belaa o kpɔ Korowii Ne Nɛwɛnyina Fɔo Daka la ba cheɡ Korowii Tɛnte Dea bela, dɛ kpɔ pateesan la saɡɛ Daka la sie ɡɛ Korowii aa do Mosis la.

Kaala 30:6

Kpɔ kon baa dɛ fuh konsɔɔhsoma o ta la cheɡ pateesan waa lɔ boɡoroŋ bɔr la sie. N Ne Nɛwɛnyina Fɔo Daka la ne o tɔ cheɡɛ o habɔɔ. Belaa mɛɛ ba heyaa dɛɛ chema.

Kaala 26:1

Korowii berɔ ŋɔ Mosis be ŋɔ, “Kpɔ jisepondɛɛɡe ne jiseburum ne jisekɔl dɛ jiseswɛm sɔh pateesanre fi, dɛ́ ɡel nɛn waa dɔ kwaa sɔeh wejema ɛ Kerobim dawɛ a ta, dɛ́ kpɔ kwaa Tɛnte Dea waa ɛ n dobɔr tɛ mɛ.

Kaala 36:34

Ba kpɔ suuɡaswɛm bɔle daa la bwa, dɛ kpɔ suuɡaswɛm ɛ nɔnloɡa aa lawɛ doli la kpoŋe. Dɛ berɛ kpɔ suuɡaswɛm ɛ doli la ɡe.

Kaala 36:36

Akaasia dachiɡri anaarɛɛ ba ɛ tɛo, dɛ kpɔ suuɡaswɛm bɔle a bwara. Dɛ kpɔ suuɡaswɛm ɛ kwaa aa lawɛ pateesan la kpoŋe, asɛ suuɡapoŋa loɡa anaarɛ do daa la mune.