Kaala 36:2 - mzwDBL

² Ate, Mosis yerɛ Besalɛl ne Oholiab dɛ banɔ la Korowii aa tɛɛ ba liire ne wejema ba bambile lawɛ toma la ɛɛ bwa ŋɔ bá ba.

Kaala 36:2 ပူးပေါင်းရင်းမြစ်များ

1 Webena 28:21

Sɔfore ne Lewi dea tena la baa kpɔ tomare do ba nɔɔra ta dɛ kpa, dɛ́ ɛ toma Korowii Dea bela. Nomɛlbwa ɡe aa le o bambile ta o dɔ wejema bwa soo siwi toma ɛɛ ta la ɛɛ bao, dɛ́ ba chae toma la ta. Nomonome la ne nɛra la bwa ɛɛ no wobɛlbwa haa bol ba be laanee.”

1 Webena 29:5

ne anɔ la aa jaa bwa nɛra baa dɔ a wejema aa kpɔ ɛ toma bwa. Umee dɛɛ nyin ó le o bambile bini, dɛ́ tɛ kwaa bá kpɔ ɛ Korowii toma fini nɔ?”

Kaala 25:2

“Ŋɔ Israel tena la be bɛ́lbwa ɛ saraha tɛ mɛ. Henee chɛ kɛ he lɛ saraha kwaa la ɡɛ bɛlbwa bambile aa lawa kɛ ó kpɔ tɛ mɛ.

Kaala 25:40

Nyiŋi kɛrɛdɛ dɛ́ ɛa ɡɛ tenten maa baɡle bwejen la doa la.”

Kaala 28:3

Ŋɔ baala bwa maa tɛɛ ba kwaa nyara wejema la be ŋɔ, ba nyarɛ laala baa kpɔ do Arɔn baa kpɔ doo sɔfore dii ta, ásɛ o won dɛɛ tom mɛ kɛ sɔfo.

Kaala 31:6

N berɔ le Ahisamak bibaa Oholiab, dɛ le Dan dea ŋɔ ó baa chao. Dɛ berɛ tɛ tom-ɛɛra bwa wejema bá won ɛ komɛlbwa maa doe a ta la bwa.

Kaala 35:10

Nomɛlbwa waa dɔ kwaa kwaara wejema he bini la le ba, ásɛ dɛ ba ɛ kwaa Korowii aa do yaa ŋɔ yá ba ɛa nɔ.

Kaala 35:2

Tɔpera anumɛlee he dɔ kɛŋɔ hé kpɔ ɛ toma, kɛ tɔpenuanɛ wee la chɛ kɛŋɔ ó do ɡoroŋ tɛ heya, hé onɛ o ta. O ɛ Ona Tɔpere dɛ tɛ Korowii. Nomɛlbwa waa ɛ toma o ta la chɛ kɛŋɔ bá kpoo.

Kaala 36:1

Mosis ŋɔ, “A chɛ kɛ Besalɛl ne Oholiab dɛ banɔ la Korowii aa tɛɛ ba liire ne wejema kohona la, bá won jemɛ ɡɛ bwa baa ɛ dɛ́ do Korowii Dea la, dɛ pa mun dɛɛ ɛ o toma ɡɛ Korowii aa do ba la.”

Kaala 36:3

Anee Mosis kpɔ saraha kwaa Israel tena aa kpɔa ba ŋɔ bá kpɔ ɛ Korowii Dea la toma tɛɛ ba. Nɛra ta tea dɛ teŋɛ kpɔ kwaa baa tɛ chɔɔ bɛlbwa bambile bwa ne.

We-ɛɛla 14:23

Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta.

Kolosi 4:17

Hé ŋɔ Akipus be ŋɔ ó do sie dɛ́ ɛ toma ya Dɔɔ Yeesu aa kpɔa tɛo la bwa kɛrɛdɛ ken.

Hibru 5:4

Sɔfonomoa ɛɛ nɔ ɛ wejena. Nomɛlbwa toole dɛ ɡbaɡba won le o te dɛ ɛ a ɡɛ toma nɔ, nemenɛ Korowii aa leo kɛŋɔ waa le Arɔn o ɛ bɛl la.