Kaala 36:1 - mzwDBL

¹ Mosis ŋɔ, “A chɛ kɛ Besalɛl ne Oholiab dɛ banɔ la Korowii aa tɛɛ ba liire ne wejema kohona la, bá won jemɛ ɡɛ bwa baa ɛ dɛ́ do Korowii Dea la, dɛ pa mun dɛɛ ɛ o toma ɡɛ Korowii aa do ba la.”

Kaala 36:1 ပူးပေါင်းရင်းမြစ်များ

1 Koranar 7:14

A ɡɛ Hiram nɔ, luhaah bɛl waa le Naftale dea biee on. Dɛ o mɛɛ le bwɛjen Taaya, dɛ dɔ ayaawa kpɔe dɛ́ ɛ kwaa wejema. O wejema ne liire waa dɔa dɛ kpɔ dɛɛ ɛ ayaawa kwaa bwa soo siwi kan taeh. O la Kooro Solomɔn yer la, dɛ ka ɛ toma bwa waa ŋɔa o ɛ.

1 Webena 2:20

Hur ɡe iro dɛ lolɛ Uri, Uri ɡe lolɛ Besalɛl.

1 Webena 28:21

Sɔfore ne Lewi dea tena la baa kpɔ tomare do ba nɔɔra ta dɛ kpa, dɛ́ ɛ toma Korowii Dea bela. Nomɛlbwa ɡe aa le o bambile ta o dɔ wejema bwa soo siwi toma ɛɛ ta la ɛɛ bao, dɛ́ ba chae toma la ta. Nomonome la ne nɛra la bwa ɛɛ no wobɛlbwa haa bol ba be laanee.”

Yela 119:6

Dɛ n do sie dɛɛ teŋɛ he waa ta naa, sihiih aa men kpo bwa.

Kaala 12:28

Asɛ ba la dɛ ka ɛ ɡɛ Korowii aa do Mosis ne Arɔn ŋɔ ba ɛ la.

Kaala 25:8

Gel ba ɛ Tɛnte Dea waa do ɡoroŋ tɛ mɛ, ásɛ n ba so ba bini.

Kaala 28:3

Ŋɔ baala bwa maa tɛɛ ba kwaa nyara wejema la be ŋɔ, ba nyarɛ laala baa kpɔ do Arɔn baa kpɔ doo sɔfore dii ta, ásɛ o won dɛɛ tom mɛ kɛ sɔfo.

Kaala 31:11

ne noo baa kpɔa fuɡe dɛɛ do sɔfore nyu ta, dɛ daawiile a sɔɔh aa soma baa fuah Boɡoroŋ bela. Bá ɛa ɡɛ tenten maa doe la.”

Kaala 36:2

Ate, Mosis yerɛ Besalɛl ne Oholiab dɛ banɔ la Korowii aa tɛɛ ba liire ne wejema ba bambile lawɛ toma la ɛɛ bwa ŋɔ bá ba.

Kaala 38:23

Dɛ Ahisamak bibaa Oholiab waa le Dan dea laanee ja o nɛ. O dɔ wejema dɛ won kwaa sɔeh, dɛ berɛ won nyara a do wer kɛrɛdɛ dɛ won sɔh kwaa dawɛ yal ta jiseburum ne jisekɔl ne jiseswɛm dɛ jisepondɛɛɡe ne.

Kaala 39:1

Jiseburum ne jisekɔl ne jiseswɛmee ba kpɔ sɔh laaladɛɛɡa baa doa dɛɛ ɛ Korowii Dea la bini toma, dɛ sɔh laala aa do ɡoroŋ tɛ Arɔn ɡɛ Korowii aa do Mosis la.

Nɛra Kura 7:9

Kɛ Mosis ta Kohat dea tena te tɛɛ, dɛkalkɛŋɔ kwaa aa do ɡoroŋ la, anee ba kpɔ do ba nɔn ta, baa dawa vam.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Hibru 8:2

Korowii Dea bini tenten la, belaa wɛɛ di sɔfore. O ɛ Korowii Tɛnte Dea ɡbaɡba, nɛwɛnyini laa doo.