Kaala 35:5 - mzwDBL

⁵ Komɛlbwa haa dɔa la, hé kpɔ a bini ane ba ɛ saraha tɛ Korowii. Gɛ aa le bɛlbwa bambile bini la ó kpɔ ba tɛ Korowii. Koŋkwaa kɛŋɔ suuɡaswɛm ne suuɡapoŋ dɛ ayaawa,

Kaala 35:5 ပူးပေါင်းရင်းမြစ်များ

2 Koranar 12:4

Awola bɛl, Kooro Joas ŋɔ sɔfore la be ŋɔ, “Hé lɛ suuɡare baa dɛ ba a ne baa ɛ sarahare Korowii Dea la bwa. Anɔ la baa dɛ ba a ne tɔpere bɛlbwa, ne deŋnesɔɔhna kwaa ne an la aa le bambile bini ba kpɔ dɛɛ ba bwa.

2 Webena 29:31

Anee Kooro Hɛsɛkea ŋɔ ba be ŋɔ, “Taraken te, he bwa kpɔ he te do Korowii nɔn ta, doŋa bɛlbwa toole he nɛɛ kpa. Hé kpo kwaa ɛ sarahare, dɛ́ kpɔ jam kwaa ba Korowii Dea.” Anomanta, ba ba sarahare ne jam sarahare ne, asɛ bane le ba bambile bini, dɛ kpɔ saraha kwaa baa dɛ fuah ba.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Kaala 25:1

Korowii berɔ ŋɔ Mosis be ŋɔ,

Kaala 35:21

asɛ bɛlbwa aa le o bambile ta kɛŋɔ ó kpɔ kwaa ba tɛ Korowii, bá kpɔ kwaa o Dea Cheremibɔr la kpɔ ba, ásɛ ba kpɔ ɛ kwaa baa kpɔ tomɛ Korowii bela, ne laala aa do ɡoroŋ la bwa.

Kaala 35:29

Israel tena haahna ne baala bwaa le ba bambile ta dɛ kpɔ saraha kwaa ba cha Korowii toma ɡɛ waa cheɡɛ Mosis nɛɛ dɛ bol ba be la.

Kaala 35:4

Mosis berɔ ŋɔ Israel tena la bwa be ŋɔ, “Kenii Korowii do heyaa ŋɔ hɛɛ ɛ,

Kaala 35:6

ne jiseburum ne jisekɔl ne jiseswɛm ne yadɛɛɡe ompoŋ dɛ booh pona,

2 Kɔrent 9:7

Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.

Sitɔɔla 5:9

N bambile lɔ sitɔɔla baa lɔ Israel harɛ nɛ, nɛra baa kpɔ silɛɛ le ba te cheɡ la. Hé kpɛɛ Korowii!