Kaala 34:9 - mzwDBL

⁹ Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Kaala 34:9 ပူးပေါင်းရင်းမြစ်များ

Yela 135:4

O le Jekɔb luɡe tena, Israel tena baa ɛ o ɡbaɡba nɛra la tɛ o te.

Yela 25:11

N Naa Korowii, a lole kɛŋɔ n wechɔɡa kan te, koh he sɔnjen la wa dɛ́ kpɔ kɛ mɛ.

Yela 28:9

N Naa Korowii, ba lɛ he nɛra, dɛ́ swee andɛɛɡa tɛɛ ba. Nyiŋi ba nɛ kɛŋɔ peteɡre kaa saŋ waa wola jaɡa dɔe.

Yela 33:12

Harɛ bɛlbwa nɛra baa kpɔ Korowii dɛɛ tomɔ, o lee ba tɛ o te la, ba na som.

Yela 78:62

O baah di o ɡbaɡba nɛra nɛ, dɛ ɡel ba dɔma kpoo ba.

Yela 94:14

Korowii aa o nɛraa vɛh, waa nɛra waa lee ba cheɡ tɛ o te laanee ɡel bwa.

Kaala 19:5

Dɛ hɛɛ dɛɛ no n deŋna waa, dɛ́ ɡel n ne he fɔo la che kɛrɛdɛ tenaa, mɛɛ kpɔ heyaa ɛ n nɛra n siwi aa dɛ su ba harɛ nɔ ta bwa nɛra bini. Menee dɔ harɛ nɔ bwa te,

Kaala 32:9

Korowii ŋɔ Mosis be ŋɔ, “N na ɡɛ baa ɛa bwa. Ba ɛ deŋnekpeɡ nɛra.

Kaala 33:12

Anee Mosis ŋɔ Korowii be ŋɔ, “N Naa Korowii, saŋ bɛlbwaa he yon ŋɔ n tɔ nɛra nɔ sie dɛ́ kpɔ ba kaa, kɛ nɛn waa ja n nɛɛ la te he ta ɡelɛ mɛɛ jemɔ. He berɔ ŋɔ he jem mɛ kɛrɛdɛ he sie ɛɛ lɛ n nɛ.

Kaala 34:7

N teŋɔ dɛɛ nyin nɛra kaɡboŋa dɛ kpɔ ba wechɔɡa dɛɛ kɛ ba, dɛ kpɔ nɛra vɛɛh baa vɛɛh mɛ ne ba wechɔɡa bwa dɛɛ kɛ ba. Kɛ maa nɛra baa dɛ ɛ wechɔɡaa ɡel pɛɛ maa wola ba deŋnee tɛr. Mɛɛ koh wechɔɡa nɛra aa ɛa waa, dɛ́ tɛr ba bii ne ba naanar ne ba ɡe naanar baa ka ba la deŋnee.”

Aesaya 48:4

Dɛ n jemɔ kɛŋɔ he deŋne kpeɡri kɛŋɔ buni, he lwɛɛma do kpeɡri kɛŋɔ bwe.

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Sekaria 2:12

Korowii ɛɛ berɔ ba kpɔ Juda harɛ ɛ o kon waa dɛ nyinu kohona, harɛ waa do ɡoroŋ la ta, dɛ́ nyin bwɛjen Jerusalam ɡwaa bwɛɛ bɛlbwa.

Nɛra Kura 14:19

Che he nyina waa kana kohona la ta, dɛ́ kpɔ nɛra nɔ wechɔɡa kɛ ba, ɡɛ haa kpɔa dɛɛ kɛ ba le saŋ baa le Ijipt harɛ ta dɛ ba le taraken nɔ la.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Mmarare 32:9

Dɛkalkɛ Jekɔb naanar te, Korowii ɡbaɡba lee ba dɛ kpɔ ba ɛ o nɛra.

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.

Mmarare 9:18

Asɛ n berɛ chole dɛ kpɔ n sie pi harɛ Korowii sie tɔpera fifraanaarɛ webaŋa ne jwaana ɡɛ n fa aa kaa di bwejen la ta la. Dɛ maa kwaa di maa nee ɡe nyɔ, he wechɔɡa haa ɛ Korowii o baah di la nomanta.

Mmarare 9:26

N soŋe Korowii kɛŋɔ, ‘Nemenɛ Korowii haa dɛ di komɛlbwa kpeɡri, n poori bɛ he nɛra haa kpɔ he kpeɡri waa kana dɛ lɛɛ ba le Ijipt harɛ ta la chɔɡ ta.

Mmarare 9:29

Kɛ dɛ ba ɛ he nɛra, he kapɛrɛ diile haa kpɔ he kpeɡri waa kana ne he bokpeɡa dɛ lee ba tɛ he te.’ ”