Kaala 34:5 - mzwDBL

⁵ Belaa Korowii kpɔ bam ta dɛ ba o ne Mosis che bela. Asɛ Korowii yerɛ o sɔndɛɛɡe waa dɔa la o be kɛ onee Korowii.

Kaala 34:5 ပူးပေါင်းရင်းမြစ်များ

Yela 102:21

Anomanta, baa kpɛɛ Korowii sɔn bwɛjen Saayɔnee, dɛ́ kpɔ duure tɛo Jerusalam,

Kaala 19:18

Dɛ chuu tɔ Sinai Bwejen la bwa, dɛkalkɛ Korowii cheɡɛ nii ta dɛ ba tu o doa. Chuu la nyundua kaala do kɛŋɔ nijena chuu ken. Dɛ bwejen la bwa dɛ jiɡri kikikiki ken,

Kaala 19:9

Belaa Korowii bol o be ŋɔ, “N dɛ ba bam waa bira kpirkpir kohona bini cheɡa dɛ́ ba he be, ásɛ nɛra la bwa no kɛŋɔ n ne he dɛ bol wa, á che a ta baa yaradae saŋ bɛlbwa.” Ate, Mosis bol waa baa bola la chaɡle Korowii.

Kaala 23:21

Hé cheɡ deŋne dɛɛ no wobɛlbwa waa bol he be. He bɛ lwɛmkpeɡ ɛ, he ɛ lwɛmkpeɡ aa, waa he bwaraa kpɔ kɛ heya, dɛkalkɛŋɔ onee chiɡ n naa ta.

Kaala 33:19

Korowii ŋɔ, “Mɛɛ ɡeloo he na n wedɛɛɡa ne n jerema bwa, ásɛ n yerɛ n sɔndɛɛɡe maa dɔa la he be kɛŋɔ menee Korowii. Mɛɛ na nɛra maa dɛ nyin kɛ n na ba sum la sumii, dɛ́ dɔ tedoma tɛ banɔ la maa dɛ nyin ɡe.

Kaala 33:9

O jo Tɛnte la bini naa, ɡɛɛ bam la waa do jaŋne dɛ le nyundua yon ba tɔ doonyoa, ásɛ Korowii bol waa o be.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Aesaya 1:10

Jerusalam tena, he ne he nomonome baa dɛ nyiŋi harɛ la ta, he do kɛŋɔ Sodom ne Gomoora tena ken. Hé no waa Korowii aa dɛ bol he be, hé cheɡ deŋne dɛ́ no waa Korowii yaa dɛ tomɔ nɔ aa dɛ baɡle heya.

Nɛra Kura 11:17

Mɛɛ tuu ba, n ne he ba bol waa bela. Mɛɛ ɡeloo n Doma waa lɔ he Mosis nɛɛ dɛɛ tɛɛ kpeɡri la ba so ba nɛ, ásɛ ba ɡe lɛɛ waa aa ɡwaa he nɛɛ la ane, ásɛ a bɛ he ɡbo nɛɛ dawɛ.

Nɛra Kura 11:25

Asɛ Korowii do bam la bini, o ne Mosis bol wa, dɛ ɡel o Doma waa soɡe Mosis nɛɛ dɛɛ tɛo kpeɡri la ba so nomonome la nɛ. Korowii Doma la aa baa so ba nɛɛ la, ba dɔ kpeɡri dɛ won bol Korowii wa. A habɔɔ la, ba ta wone bol Korowii waa la kpa.

Nɛra Kura 12:5

Korowii cheɡɛ bam waa do jaŋne kaa nyundua ta, dɛ tu ba che o Dea Cheremibɔr la doonyoa bela, dɛ yerɛ Arɔn ne Miriam, asɛ ba le ba che sie.

Nɛra Kura 14:17

Anomanta, n Naa Korowii, ɡel ya na he kpeɡri ya baah, ɡɛ he fa aa baɡla la.

Mmarare 32:3

Korowii sɔnee mɛɛ ba yera, ásɛ o nɛra kpɔ duure tɛo o kan waa doa wa!

1 Samoɛl 3:18

Anomanta, Samoɛl bol waa la bwa baɡlo, o ta bɛlbwa kpɔe sɔɔh. Ate Eli ŋɔ, “Onee Korowii, ɡel o ɛ waa aa too o tea.”