Kaala 34:29 - mzwDBL

²⁹ Belaa Mosis kpɔ bwepɛle anɛ la dɛ tu Sinai Bwejen la. Dɛ o ta jemɛ kɛŋɔ o ne Korowii aa bol waa la, a ɡelɔ o sie ɛɛ nyɛɡle.

Kaala 34:29 ပူးပေါင်းရင်းမြစ်များ

Kaala 16:15

Israel tena laa naa la, ba bɔɔ dɔŋa ŋɔ, “Bɔkwa ɡee nɔɔ, dɛkalkɛ dɛ baa a konsoo jemɛ.” Anee Mosis ŋɔ ba be ŋɔ, “Kondikwaa Korowii aa kpɔa tɛ heyaa ŋɔ hé di laanee.

Kaala 31:18

Korowii aa bol waa chaɡle Mosis Sinai Bwejen ta tonɛ la, o kpɔ bwepɛle anɛ o ɡbabir aa kpɔ o nɔn ɛ o Mmarare dawɛ a ta la tɛo.

Kaala 32:15

Mosis kpɔ bwepɛle anɛ Korowii aa ɛ o Mmarare dawɛ a baŋne anɛ bwa ta la kpoŋe dɛ tu bwejen la.

Kaala 34:35

asɛ ba na kɛŋɔ o siebɔr dɛ nyɛɡle. Ba nao ɡɛ naa, dɛ o berɔ kpɔ yal la tɔ o sie ka tel kɛŋɔ saŋ waa berɛ ba jo Korowii be bá ka bol waa ja.

Wejereme 8:1

Umee ɛ wejereme ɔ? Umee dɛ won baɡle waa mun ɔ? Wejema dɛ kwaa nɛn siebɔr, dɛ ɡel wɛɛ dɔ silɛɛ.

Matiu 17:2

Baa soɡa la, dɛ Yeesu beɡrɔ, o siebɔr do kɛŋɔ wee ken, asɛ o laala waa doa la ɡe to dɛɛ nyɛɡle al-al ken.

Amanesoma Mak Aa Chwera Tɔn 14:40

dɛ berɛ ba ba be, dɛ ba chɔɔɡe doromi, dɛkalkɛŋɔ dɛ dom dɛ chuɡ ba taeh. Baa jemɛ ɡɛ baa bol o be kpa.

Amanesoma Mak Aa Chwera Tɔn 9:6

Ɔmee laɡ ba kohona dɛ ɡel Pita aa dɛ bol waa kwaraa la, dɛ waa jemɛ waa waa dɛ bol.

Amanesoma Luk Aa Chwera Tɔn 2:49

Belaa o ŋɔ ba be ŋɔ, “Ɛrɛɛ he ɡaaɡe dɛɛ nyin n bɔr nɔɔ? He ta wone jemɛ kɛŋɔ n Mɛɛ Korowii deemii n do kɛɛ?”

Amanesoma Luk Aa Chwera Tɔn 9:29

A ɡɛ saŋ Yeesu aa dɛ soŋe Korowii la, o siebɔr beɡrɔ, asɛ o laala waa doa la to dɛɛ nyɛɡle al-al ken.

Amanesoma Jɔn Aa Chwera Tɔn 5:13

Baa la ta wone jemɛ naate la nɛnsoo waa chaoh la, dɛkalkɛ dɛ nɛnlaa tentenee lɔ bela asɛ Yeesu koo ba bini kaa.

We-ɛɛla 12:9

Belaa Pita teŋɛ o nɛɛ le dea la bini. Waa teŋɛ o nɛɛ dɛɛ le la bwa, dɛ o ta jemɛ kɛŋɔ wekpelaa o na la. Dɛ o dɛ lii kɛ wepila anee wɛɛ na.

We-ɛɛla 23:5

Asɛ Pɔɔl ŋɔ, “Yabala, n ta jemɛ kɛ Sɔfonomoaa on. Korowii Tɔn baɡlɔ kɛŋɔ ŋwɛnɛ toole kɛ nomɛlbwa chɛɡɛ nomoa waa dɛ nyiŋi o bwɛɛ tena nɛ.”

We-ɛɛla 6:15

Nomonome la ne nɛra baa lɔ bela la bwa kpɔ sie pa Steeven nɛ. Dɛ o siebɔr dɛ nyɛɡle al-al kɛŋɔ nyundua torome siebɔr ken.

2 Kɔrent 3:13

Ya ta do kɛ Mosis o fa aa wola nyin kɛ Israel tena na kɛŋɔ o siebɔr nyɛɡla nyoa dɛ sɔɔh, dɛ koh a waa kpɔ yachaahne tɔ sie la.

Mmarare 10:5

Ate, n berɛ kpɔa tu dɛ ba kpɔ do daka la bini ɡɛ Korowii aa do mɛ la. A ta lɔ o bini ba le fini.”

Josua 2:4

Dɛ Rahab te felo dɛ kpɔ baala banɛ la sɔh, dɛ ŋɔ, “Kpelaa, kɛ maa bela baa lea jemɛ.

Josua 8:14

Bwɛjen Ai kooro aa na Josua laa tena la, kooro ne o bwɛɛ tena la bwa kpɔ ba te dɛ le warane chɔmbibii la ne, dɛ le ka pu Israel tena la yo bobɛl waa lɔ Jɔɔdan Moo Fɛlembɔjen la nyundua. Dɛ o ta jemɛ kɛŋɔ Israel tena sɔɔh chɔ dɛɛ kpa o bwɛɛ la dahare.

Wepila 1:16

O kpoŋe weweela anuanɛ o nɔndiɡ ta, asɛ tokobijen sie anɛ te waa nyɛɡa ɛɛ le o nyoa. O siebɔr ɡe dɛ nyɛɡle kɛŋɔ wee aa dɛ lɔ kpeɡri nɛɛ la.

Wepila 10:1

Anɔ bwa habɔɔ la, n berɔ na nyundua torome bokpeɡa te bɛl, o le nyundua dɛɛ tu. O kpɔ baama tɔ kɛŋɔ yal ken. Bwaala deŋɡare bar o nyu, o siebɔr ɛɛ chaah kɛŋɔ wee, asɛ o nakpale ɡe do kɛŋɔ nii.

Sitɔɔla 16:20

Delaela yerɔ ŋɔ, “Samsen, Filisti tena la pui!” O ir dom ta dɛ lii kɛŋɔ, “Mɛɛ le busee ɡɛ n fa aa dɛ ɛ la, dɛ́ kpɔ n bokpeɡa lɛ n te.” Dɛ o ta jemɛ kɛ Korowii laa nɔn kpɔ o nɛ.