Kaala 34:28 - mzwDBL

²⁸ Mosis soɡe Korowii be bela tɔpera fifraanaarɛ chɔɔ ne jwaana. Dɛ waa kwaa di waa nee ɡe nyɔ. Asɛ Korowii chwerɛ o fɔo waa la dawɛ bwepɛle anɛ Mosis aa sɛah la ta. O Mmara fi laanee o chwerɛ dawɛ a ta.

Kaala 34:28 ပူးပေါင်းရင်းမြစ်များ

Kaala 34:1

Korowii ŋɔ Mosis be ŋɔ, “Sɛh bwepɛle anɛ dɛ́ ɡel a do kɛŋɔ loɡla kwaa la, ásɛ n chwerɛ kwaa n fa aa chwera dawɛ anɔ la haa peɡra la dɔŋa dawɛ a ta.

Mmarare 4:13

O bol he be he ne o fɔo la ta teŋa wa. Mmarare fi waa chwera dawɛ bwepɛle anɛ ta dɛ ŋɔ hɛ́ɛ teŋɛ a ta la.

Kaala 24:18

Mosis jo bam la bini dɛ teeh kaa bwejen la doa. O soɡe bela tɔpera fifraanaarɛ chɔɔ ne jwaana.

Mmarare 9:25

Anomanta, n kpɔ n sie pi harɛ Korowii sie ɡɛ tɔpera fifraanaarɛ la ta webaŋa ne jwaana bwa, dɛkalkɛŋɔ n nao kɛŋɔ o dɛ nyin o chɔɡ heya.

Mmarare 9:18

Asɛ n berɛ chole dɛ kpɔ n sie pi harɛ Korowii sie tɔpera fifraanaarɛ webaŋa ne jwaana ɡɛ n fa aa kaa di bwejen la ta la. Dɛ maa kwaa di maa nee ɡe nyɔ, he wechɔɡa haa ɛ Korowii o baah di la nomanta.

Kaala 32:16

Korowii ɡbaɡbaa ɛ bwea la, dɛ chwerɛ o Mmarare la dawɛ a ta kɛrɛdɛ ken.

Kaala 31:18

Korowii aa bol waa chaɡle Mosis Sinai Bwejen ta tonɛ la, o kpɔ bwepɛle anɛ o ɡbabir aa kpɔ o nɔn ɛ o Mmarare dawɛ a ta la tɛo.

2 Kɔrent 3:7

Bwe taa Korowii faa chwerɛ Mosis Mmara la dawɛ. Bela Korowii aa kpɔ Mmara la tɛ Mosis la, Korowii jirima ba bela, bela bwa chaah, dɛ chaah Mosis nɛɛ o siebɔr ɛɛ nyɛɡle. Mosis aa la Israel tena be la, dɛ nyɛɡla o siebɔr aa dɛ nyɛɡle la nyoa sɔɔhnɔ tonɛ. Kɛ Israel tena aa nao la, ba ŋɔ o siebɔr dɛ nyɛɡle kohona to, ba ta wone nyiŋu. Mosis Mmara kwara waa dɛ la nɛn ne seo ta la wono ba jirima nɔ dɔŋ ne naa,

Mmarare 9:9

Gɛ saŋ maa la bwejen la ta dɛ ka lɛ bwepɛle Korowii aa chwerɛ fɔo he ne waa fɔwa dawɛ a ta la, n soɡe bela webaŋa ne jwaana ɡɛ tɔpera fifraanaarɛ. N ta kwaa dii, n ta nee ɡe nyɔe.

Matiu 4:2

Dɛ Yeesu vɔwɛ nyoa tɔpebire fifraanaarɛ. Dɛ lɔr dɛ kpoo.

Amanesoma Luk Aa Chwera Tɔn 4:2

Asɛ Bɔnsam ka daahno na a ɡɛ tɔpera nɔ ta. Dɛ waa komɛlbwa di, anomanta, a habɔɔ la, dɛ lɔr lawɔ.

Kaala 34:10

Belaa Korowii ŋɔ, “N ne hɛɛ fɔwɛ fɔwee. Mɛɛ ɛ nyokpowaa a dɔŋa aa wola harɛ nɔ ta bobɛlbwa chiɡe ka he bwa siwi ta. Nɛra he ne baa soɡa la ɛɛ nao ɡɛ men Korowii, we-ɛɛla maa lɔ he bini dɛɛ ɛ la aa ɔma kohona.

Mmarare 10:10

“N berɔ so bwejen la ta tɔpera fifraanaarɛ webaŋa ne jwaana, ɡɛ n fa aa ɛa loɡla la, asɛ Korowii berɛ no n wesoŋa ja, dɛ ŋɔ waa heyaa kpoo.

1 Koranar 19:8

Asɛ o ir di kwaa la, dɛ nyɔ ne. Kondikwaa la chao dɛ tɛo bokpeɡa o won valɛ tɔpera fifraanaarɛ chɔɔ ne jwaana, dɛ kaa Korowii Sinai Bwejen waa do ɡoroŋ la bɔr.

Mmarare 10:5

Ate, n berɛ kpɔa tu dɛ ba kpɔ do daka la bini ɡɛ Korowii aa do mɛ la. A ta lɔ o bini ba le fini.”