Kaala 34:20 - mzwDBL

²⁰ Kɛ dɛ keeɡo bie yaa, hé nyin pebie chiɡ o naa ta. He ta bɛl dɔe dɛ chiɡ o naa ta naa, hé ku keeɡo la baŋa. Hé charɛ bibanloɡle bɛlbwa ɡe nyu. Nomɛlbwa bɛ n sie ba nɔŋɡbala ne.

Kaala 34:20 ပူးပေါင်းရင်းမြစ်များ

Mmarare 16:16

Benanyoa bɛlbwa, a chɛ kɛŋɔ baa bɛlbwa la bela Korowii aa lea tɛ heyaa ŋɔ hɛɛ tomɔ la, dɛ́ ka tomɔ kera atoro. Paanoo Iisi Aa Wola Toole a ta Tɔpejen la ne Koo Kondikwaa Koma Tɔpejen ne Kukure Tɔpejen la ta. Nomɛlbwa bɛ nɔŋɡbayeeɡa ne bela la,

Kaala 23:15

Hé di Paanoo Iisi Aa Wola Toole A Ta Tɔpejen la. Tɔpera anuanɛɛ chɛ kɛŋɔ hé di paanoo iisi aa wola toole a ta ɡɛ maa do heyaa la. Hé di tɔpejen nɔ tɔpera maa lea cheɡ tɛ heyaa ta Abib korobie la ta, dɛkalkɛ ɡɛ korobie la taa he le Ijipt harɛ ta. Bɛlbwa bɛ nɔŋɡbala kpɔ ba n sie.

Kaala 13:13

Keeɡo biloɡle bɛlbwa chɛ kɛŋɔ hé kpɔ pee charɔ. Kɛ dɛ haa on charaa, hé ku o baŋa. Hɛɛ won charɛ bibanloɡle bwa ɡe nyu.

Nɛra Kura 18:15

Israel tena bibanloɡla ne ba konaatena biloɡla ambala baa kpɔ ba tɛ mɛ la ɛ he kwa. Kɛ bibanloɡla ne konaatena baa kia biloɡla ambala te, a chɛ kɛ hé ɡel ba charɛ a nyuune.

Kaala 13:15

Ijipt kooro aa ɛ deŋnekpeɡ dɛ vɛh yaa ŋwɛnɛ tɛɛ ya kaa la, Korowii kpoo nɛra bii baa ɛ bibanloɡla ne kondɛɛre bɛlbwa biloɡle Ijipt harɛ ta. Anee ɡela n kpɔ n kondɛɛra biloɡla ambala dɛɛ tɛ Korowii, dɛ́ berɛ charɛ n bibanloɡle nyu la.’

2 Samoɛl 24:24

Asɛ kooro chaŋo ŋɔ, “Akai, n ta cheɡɔɔ kɛ ń bɔe o kem. Maa kwaa kpo dɛ́ fuah ɛ saraha tɛ Korowii maa dɛ tomɔ pɛɛpɛɛ maa wola kem bɛlbwaa bɔ.” Anomanta, o yawɛ mea lɔ bɔr la ne nabala la bwa suuɡapoŋa fifraanue.

Kaala 13:10

Hé teŋɛ ɡɛ waa nɔ ta dɛɛ ɛa tɔpere waa chɛa ta bena bɛlbwa.

Kaala 22:29

Hé kpɔ he mea ne sen kɛɛ ɔleve noo ba ɛ saraha tɛ mɛ saŋ aa chɛa ta. Hé lawɛ he bibanloɡla ba tɛ mɛ.

Kaala 13:12

a chɛ kɛ hé kpɔ bibanloɡle bɛlbwa tɛo. Kondɛɛre bɛlbwa ɡe biloɡle ombal ɛ Korowii kon.