Kaala 33:4 - mzwDBL

⁴ Waa waa bola la ɡelɔ bɛlbwa bambile chɔɡ kohona ba pa mun dɛɛ wi. Bɛlbwa ta wone kpɔ o suuɡaswɛm deŋne kon kɛɛ baŋa kon bɛlbwa do kpa.

Kaala 33:4 ပူးပေါင်းရင်းမြစ်များ

2 Samoɛl 19:24

Kooro Sɔɔl naa bɛl baa dɛ yerɔ Mɛfebɔsɛt ɡe laŋɔ ka cheme kooro. O ta o naa saramɛ kɛɛ dɛ kuu o tampona, kɛɛ dɛ chɛɡɛ o laala, dɛ le awola kooro aa lea kaa, dɛ ba le tɔpere waa bera ba deŋnesɔɔhna ta.

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

2 Koranar 19:1

Kooro Hɛsɛkea aa no waa la, o ɡe laa o yal waa tɔɔ la kɛɛ, dɛ ka kpɔ lweyal tɔ dɛ ka jo Korowii Dea.

Ɛsra 9:3

Maa no ɡɛ waa nɔ la, n kɛɛ n batakaare, dɛ tɛr n nyumpona ne n tampona, asɛ dɛ so harɛ n bwara yɔr, n tea bini aa chɔɡa wa.

Job Tɔn 1:20

Job aa no ɡɛ la, o ir che dɛ laa o batakaare kɛɛ, a baɡle kɛ o loo kuu, dɛ fonɛ o nyu. Ate, dɛ chɔ kpɔ sie pi harɛ, dɛ jam Korowii,

Job Tɔn 2:12

O daamanar la aa dɛ ba, dɛ che bojaŋ nao la, ba ta on jemɛ. Ba wio kohona, dɛ laa ba laala kɛɛ, dɛ ɛ tɔɔ do ba nyuune ta, a baɡle kɛ ba loo kuu.

Kaala 33:6

Anomanta, Sinai Bwejen taa Israel tena tel dɛ laa suuɡaswɛm kwaa baa doa la foo bil.

Aesaya 32:11

Haahna haa lɔ bosɔɔhna ta la bwara ɛɛ sao he ɔmɛ. Hé wur he laala ta, dɛ́ kpɔ lweyale mile chara.

Ɛsekeɛl 24:17

Wi dɛɛ do he bini. Bɛ wi tɛ lale la, bɛ nakpapɛɛ valɛ, bɛ yal waa vɔwɛ he nyu ta laa kpɔ á baɡle kɛ he dɛ ɛ lwe. Bɛ kon kpɔ tɔ he nyoa, bɛ kondikwaa nɛra baa dɛ ɛ lwe aa dɛ di la ane di.”

Ɛsekeɛl 24:23

Hɛ́ ɡel yapondɛɛɡa la vɔwɛ he nyuune, hé do naŋɡaware, dɛ bɛ wi, hɛɛ ɡwaŋɔɔ he wechɔɡa nɔ wa, bɛlbwa sɔh dɛɛ wi.

Ɛsekeɛl 26:16

Koranar baa lɔ mpo nyoa la bwa ɛɛ ir ba kookane taa, dɛ́ foo ba koolaala ne ba laala baa sɔh kwaa dawɛ a taa bil. Baa dɛɛ ɔmɔɔ kohona he wa, dɛ́ so harɛ bochela ne.’

Hosia 7:14

Baa men soŋe kasinteŋ ne, ba chɔ harɛ dɛɛ wi kɛŋɔ voɡtoroma. Ba boa nyoa dɛɛ soŋ mɛ mea ne senfala, kɛ dɛ laa ba te kpɔ n nɛɛ kɛ voɡtoroma. Deŋnekpeɡ tena bane le!

Lewi Dea Tena 10:6

Belaa o ŋɔ Arɔn ne o bibaala Eliasa ne Itama be ŋɔ, “He bɛ he batakaani kɛɛ á baɡle kɛŋɔ he dɛ ɛ lwe. Hé lee he nyuune. He ɛ ɡɛ naa, hɛɛ serewoo ásɛ Korowii baah di nɛra nɔ bwa nɛ. Kɛ he lolanar ne Israel tena te bwa dɔ ŋwɛnɛ kɛŋɔ ba ɛ lwe, nii Korowii aa ɡela a ba kpoo ɡɛ nɛra nɔ wa.

Jona 3:6

Hale bwɛɛ la kooro aa no o bwɛɛ la chɔɡa waa la, o fuɡro ir o kookara ta, dɛ wur o yal waa tɔɔ la ta, dɛ kpɔ lweyal tɔ dɛ ka so tɔɔ ta.

Sekaria 7:3

dɛ́ bɔɔ sɔfore baa lɔ bela ne Korowii keamere ŋɔ, “A chɛ kɛ yá wi chɔɡa baa chɔɡ Korowii Dea la, dɛ́ vɔwɛ nyoa korobinuete la ta ɡɛ yaa ɛa bene aa baa kaa bwa ta la aa?”

Sekaria 7:5

“Bɔɔ harɛ la ta nɛra bwa ne sɔfore la ŋɔ, ‘Haa vɔwɛ nyoa dɛ wi korobinuete ne korobinuanɛte ta bene fifraanuanɛ aa baa kaa ta la, dɛ n waa he koh vɔwɛ nyoa aa?

Nɛra Kura 14:1

Awola jwaana la ne bwa, Israel tena bwa dooɡe lɔŋɔre dɛ wi kohona.

Nɛra Kura 14:39

Mosis aa bol ɡɛ waa nɔ baɡle Israel tena bwa la, ba wio kɛrɛdɛ.

1 Samoɛl 6:19

Korowii kpoo Bɛt Sɛmɛs baala fifraanuanɛ, nyiŋa baa kaa nyiŋi Korowii Ne Nɛwɛnyina Fɔo Daka la bini la wa. Bela tena la wii ba kohona, Korowii kpoe waa kpo ba la wa.