Kaala 33:3 - mzwDBL

³ Harɛpare ondɛɛɡe taa hɛɛ kaa la. He deŋne aa kpeɡa nomanta, n ne he laa dɛɛ ba kaala ásɛ n ken ka kpoo heya ŋwɛnɛ ta.”

Kaala 33:3 ပူးပေါင်းရင်းမြစ်များ

2 Koranar 17:14

Kɛ Israel tena ta noɛ, dɛ ɛ deŋnekpeɡ kɛŋɔ ɡɛ ba naawa aa wola Korowii baa dɛ tomɔ yaradae la.

Yela 78:8

Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.

Kaala 13:5

Dɛ Korowii baa kpɔ heyaa tel Keenan ne Hiti ne Amɔre ne Hivi, dɛ Jebus tena harɛ waa ŋwɛɛra baɡle he naawa ŋɔ wɛɛ kpɔɔ tɛ heya ó ɛ he kon la ta, harɛpare ondɛɛɡe ta naa, a chɛ kɛ hé di a ɡɛ tɔpere nɔ korobie nɔ ta. Dɛkalkɛ o ba he ne harɛ o taa soma ta.

Kaala 23:21

Hé cheɡ deŋne dɛɛ no wobɛlbwa waa bol he be. He bɛ lwɛmkpeɡ ɛ, he ɛ lwɛmkpeɡ aa, waa he bwaraa kpɔ kɛ heya, dɛkalkɛŋɔ onee chiɡ n naa ta.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

Kaala 33:5

Dɛ Korowii fa ŋɔ Mosis bol Israel tena la be ŋɔ, “He ɛ deŋnekpeɡ nɛra. Dɛ n ŋɔ n ne he kaa laa, dahara bonɔ tentenee n fe kpoo heya. Amɔ bɛlbwa laa o suuɡaswɛm kwaa la kpɔ, ásɛ mɔɔ n na ɡɛ maa ɛ heya.”

Kaala 34:9

Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Aesaya 48:4

Dɛ n jemɔ kɛŋɔ he deŋne kpeɡri kɛŋɔ buni, he lwɛɛma do kpeɡri kɛŋɔ bwe.

Jeremia 11:5

Belaa n fe ɛɛ ba harɛ maa baɡɛ ba naawa nyoa ŋɔ o ɛ harɛpare ondɛɛɡe la kpɔe tɛɛ ba ó ɛ ba kon. Harɛ baa soɡe o ta fini nɔ.” Anee n chaŋe ŋɔ, “N Naa Korowii, á ɛ ɡɛ.”

Ɛsekeɛl 20:6

N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Lewi Dea Tena 20:24

N baɡɛ heyaa nyoa ŋɔ mɛɛ kpɔ ba harɛɛ tɛ heya hé so o ta o den ɛ he kon, harɛpare ondɛɛɡe. Menee Korowii haa dɛ tom mɛ n le heyaa korɛ harɛre nɛra bwa bini la.

Jona 3:10

Belaa Korowii aa naa kɛ ba charɛ ba liire le ba wechɔɡa ŋwɛnɛre ta la, o tea domɛ ba nɛ, dɛ ɡel chɔɡa waa ŋɔa wɛɛ chɔɡ baa la.

Jona 3:4

Jona jo bwɛjen la bini dɛ valɛ tɔpebir. Waa waa dɛ bol laanee kɛŋɔ, “Bonɔ tɔpera fifraanaarɛ Korowii ɛɛ chɔɡ Niniwee.”

Nɛra Kura 13:27

Ba ŋɔ Mosis be ŋɔ, “Ya laŋɔ ka nyiŋi harɛ haa tomɛ yaa o ta la. Kasinteŋ, o ɛ harɛ waa soma dɛ won kondikwaa ɛɛ kohona. Daa nɔna aa le o taa la.

Nɛra Kura 14:12

Weechɔɡaa mɛɛ ba kpɔe ba ta ba nɛ dɛ́ kpoo ba, kɛ he te, mɛɛ ɡeloo he mun ya kohona dɛ́ warɛ, dɛ́ do kpeɡri ɡwaa ba ɡɛ n fe aa ŋɔa mɛɛ ɛɛ ba la.”

Nɛra Kura 14:8

Dɛ Korowii sɛoh waa, wɛɛ tɔ ya siee, dɛ́ la ya ne harɛ la ta. O ɛ harɛpare ondɛɛɡe, wɛɛ kpɔɔ tɛ yaa.

Nɛra Kura 16:13

Kpɔe haa kpɔ yaa le Ijipt harɛpare ondɛɛɡe ta, dɛ berɛ dɛɛ ba ba kpoo yaa ta pua hɛŋle ɡbo harɛ ta bonɔ ta maɡraa? Gɛɛ he berɛ dɛɛ nyin dɛ́ di kpeɡri ya nɛ aa?

Nɛra Kura 16:21

“Hé pere he te le ɡɛ nɛra nɔ nɛ, ásɛ n won kpoo ba, ba waa den tonɛ buɡ nɔ ta.”

Nɛra Kura 16:45

“Hé laa he te kpɔ ɡɛ nɛra nɔ bini, ásɛ n won kpoo ba buɡ nɔ ta ba waa tonɛ.” Asɛ Mosis ne Arɔn kpɔ ba sie pi harɛ dɛ soŋe Korowii.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Mmarare 4:24

Korowii do kɛŋɔ ninlao ken dɛɛ chɔɡ kwa, o dɛ mee. Anomanta, he Israel tena ne waa won pɛ dɛ he ɡelo dɛ kaa tomɛ voɡaa.

Josua 5:6

Israel tena aa le Ijipt harɛ ta la, ba ɡaaɡe pua hɛŋle ɡbo harɛ ta bene fifraanaarɛ, ka tel kɛ baala baa tela ne laa yoi bwa aa serewa. Ba ɛ deŋnekpeɡ ba ta Korowii waa la ta teŋɛ. Dɛ Korowii ŋwɛɛrɔ kɛŋɔ, nomɛlbwa waa wola o waa ta teŋɛ la aa harɛpare ondɛɛɡe o kpɔ baɡɛ ba naawa nyoa la taa tel.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.