Kaala 33:22 - mzwDBL

²² N jirima teŋo ba kaa laa, mɛɛ lawɛɛ sɔh bwebɔɔ bini dɛ́ kpɔ nɔn tɔ he nɛ ka tel saŋ maa ba kaa mɔɔ.

Kaala 33:22 ပူးပေါင်းရင်းမြစ်များ

Yela 91:1

Nomɛlbwa waa chwa ka so Nemenɛ Korowii lɔɡa o kpɔ nɔn tɔ o nɛ, nomɛlbwa waa ka do On Waa Ɛ Kpeɡri Bwa Dɔɔ lɔɡa la,

Aesaya 2:21

Baa kpɔ ɔmee chwa ka jo bwebɔɔne, ne bwejena aa peɡra la baah, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Yela 91:4

Wɛɛ tɔ he nɛɛ kɛŋɔ jal yon lawɛ o bii do o kena lɔɡre la ken. Wɛɛ nyiŋi he nɛɛ he dɔ bosɔɔhna, dɛ́ che o kasinteŋ ta nyiŋi, dɛ́ tɔe ɡbemɡbe.

1 Kɔrent 10:4

A berɔ che Korowii kpeɡri ta ba dɔ nee dɛ nyɔ. Bwe taa ba dɔ nee la le. Kristoo bwe la, dɛ faa teŋɛ ba nɛɛ ba kaa.

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

2 Kɔrent 5:19

Korowii cheɡɛ Yeesu Kristo nɛɛ dɛ kwaa o ne nɛwɛnyina baah, dɛ laɡ ba dɛɛ pɛl o te, waa wola ba wechɔɡa nyiŋi. Yanee o kpɔ o waa tɛ ŋɔ yá baɡle ɡɛ waa kwaa o ne ba baah, dɛ́ laɡ ba ásɛ o ne ba pɛ.

Yela 18:2

N Naa Korowii, he do kɛŋɔ Bwetal, maa chwaa kaa marɛ, ne danjwɛkpeɡ hɛɛ lɛɛ mɛ. Korowii maa dɛ tomɛ, he do kɛŋɔ Bwetal, maa chwaa kaa marɛ. Henee dɛɛ tɔ mɛ ɡbemɡbe, dɛ ɛ n kpeɡnɛn.

Yelsom 2:3

Gɛ apol daa aa lɔ kɔr bini, dɛɛ nɔnɛ nɔndɛɛɡa la, ɡɛɛ baa maa dɛ nyinu do wer bonɔɔna bini. N sie lɛo kɛ ń so o chunchule lɔɡa, o nɔna som n nyoa bini.

Mmarare 33:12

Bɛnjamen dea tena ɡe, o bol ba waa ŋɔ, ‘Dea nɔ tenaa Korowii ɛɛ nyin, dɛ kpɔ nɔn dɛɛ tɔ ba nɛ. O dɛ nyiŋi ba nɛɛ tɔpere bɛlbwa, dɛɛ do ba baah ta.’

1 Koranar 19:9

Waa tel bela la, o kaa jo bwebɔɔ bini chɔ jwaana. Belaa Korowii bol waa Elaeja be ŋɔ, “Elaeja, bɔkwaa hɛɛ ɛ bonɔ nɔ?”

Aesaya 49:2

O ɡelɔ n nyoa wobol do nyɛɡre kɛŋɔ naŋɡɔse ken, dɛ kpɔ o nɔn tɔ n nɛ, dɛ ɛɛ mɛ kɛŋɔ hɛm waa nyɛɡa, dɛ́ kpɔ mɛ ɛ toma ken.

Aesaya 51:16

Menee kpɔ n waa tɛ heya, dɛ kpɔ n nɔn tɔ he nɛ. Menee paɡri nyundua kɛŋɔ yal, dɛ pa harɛ mun. Menee ŋɔ Jerusalam tena be ŋɔ, ‘N nɛraa heya.’ ”