Kaala 33:16 - mzwDBL

¹⁶ Ya ne he kaala taa nɛra ɛɛ ba jema kɛŋɔ he sie lɛ n ne he nɛra nɛ. Gɛɛ dɛɛ ba ɡela ya korɛ harɛ nɔ ta nɛra baa kaa nɛ.”

Kaala 33:16 ပူးပေါင်းရင်းမြစ်များ

2 Samoɛl 7:23

Harɛ bɛlbwa nɛra toole dɛ do kɛŋɔ he nɛra Israel tena, harɛ beŋkpoŋ nɛra hen Korowii aa lɛɛ ba le wenaale ta Ijipt harɛ dɛ kpɔ ba ɛ he nɛra la. Wejena ne nyokpowe-ɛɛla haa ɛa tɛɛ ba la bwa ɡelɔ he dɔ sɔn harɛ nɔ ta bwa. He berɔ doŋi harɛre ane nɛra ne ba voɡa le ba sie.

1 Koranar 8:53

Henee le yaa le harɛre bwa nɛra bini dɛ kpɔ yaa ɛ he kapɛrɛ diile. Nemenɛ Korowii, ɡɛɛ he che he bonɔɔ Mosis nɛɛ dɛ bol ɡɛ saŋ haa le ya naawa le Ijipt harɛ ta la.”

Yela 147:20

O ta anɔ ɛɛ tɛ harɛ bɛlbwa nɛra, baa o Mmarare jemɛ. Hé kpɛɛ Korowii!

Kaala 34:10

Belaa Korowii ŋɔ, “N ne hɛɛ fɔwɛ fɔwee. Mɛɛ ɛ nyokpowaa a dɔŋa aa wola harɛ nɔ ta bobɛlbwa chiɡe ka he bwa siwi ta. Nɛra he ne baa soɡa la ɛɛ nao ɡɛ men Korowii, we-ɛɛla maa lɔ he bini dɛɛ ɛ la aa ɔma kohona.

Kaala 34:9

Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Kaala 8:22

Kɛ awola tɔpere la, Ijipt harɛ Gosen n nɛra aa soɡe bela la te aa ɡɛ waa nɔɔ na. Chwɛɛhne la aa ba te nɛɛ ba, ásɛ he jemɛ kɛŋɔ menee Korowii maa lɔ n nɛra baah ta.

Lewi Dea Tena 20:24

N baɡɛ heyaa nyoa ŋɔ mɛɛ kpɔ ba harɛɛ tɛ heya hé so o ta o den ɛ he kon, harɛpare ondɛɛɡe. Menee Korowii haa dɛ tom mɛ n le heyaa korɛ harɛre nɛra bwa bini la.

Lewi Dea Tena 20:26

A chɛ kɛŋɔ hé do ɡoroŋ dɛ́ che tɛ mɛ, dɛkalkɛ men Korowii n do ɡoroŋ, asɛ dɛ le heyaa cheɡ harɛre nɛra bwa bini, dɛ kpɔ heyaa ɛ n nɛra.

Nɛra Kura 14:14

A ba ɡɛ naa, baa boloo baɡle nɛra baa soɡe harɛ nɔ ta bá ɡe jemɛ a wa. Ba noɔ wubwa dɛ jemɛ kɛŋɔ he cheɡɛ ba habɔɔ he ne ba bol wa, he bam tɔ ba nɛɛ baa valɛ. He tɔ ba sie webaŋa bam waa do jaŋne kaa nyundua bini, asɛ dɛ bɔr joɔ ɡe aa, o yon berɛ nii tɔ ba sie.

Nɛra Kura 23:9

N cheɡɛ bwejena dor dɛ na ba, n cheɡɛ deŋɡarere ta dɛ veeh ba. N nao kɛ ba ɛ nɛra baa pere ba te, baa ba te kpɔe dɛɛ ja harɛ nɔ ta nɛra bini.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Mmarare 4:7

Harɛ besoo nɛraa lole dɛ dɔ sɔn kohona, dɛ dɔ voɡ o bɛn ba dɛɛ no ba be ɡɛ Korowii yaa dɛ tomɔ aa bɛne yaa dɛɛ no ya wesoŋa nɔɔ?