Kaala 33:13 - mzwDBL

¹³ He sie lɛ n nɛɛ tenaa, baɡ mɛ he ŋwɛnɛre, ásɛ n jemɛ kɛrɛdɛ he sie ɛɛ lɛ n nɛ. Berɛ lii kɛŋɔ nɛra nɔ bwa ɛ he ɡbabir nɛra.”

Kaala 33:13 ပူးပေါင်းရင်းမြစ်များ

2 Samoɛl 15:25

Belaa Kooro Devid ŋɔ sɔfo Sadɔk be ŋɔ, “Berɛ kpɔ Korowii Ne Nɛwɛnyina Fɔo Daka la kaa bwɛjen la ta. Dɛ Korowii sie lɛ n nɛ aa, wɛɛ berɔɔ kpɔ mɛ ba, dɛ́ ɡel n nao ne bela waa cheɡa bwa.

Yela 103:7

O kpɔ o waa baɡle Mosis, dɛ ɡel Israel tena na o wejena waa dɛ ɛ.

Yela 119:33

N Naa Korowii, baɡ mɛ he Mmarare la, ásɛ mɛɛ teŋɛ a ta saŋ bɛlbwa.

Yela 25:4

N Naa Korowii, baɡ mɛ he ŋwɛnɛre, ásɛ n jemɛ dɛɛ kpɔ a ta.

Yela 27:11

N Naa Korowii, baɡ mɛ he ŋwɛnɛre, tɔ n sie, dɛ́ kpɔ mɛ kpɔ ŋwɛnɛdɛɛɡe ta, dɛkalkɛ n dɔma warɔ.

Yela 51:13

Ásɛ n baɡle wechɔɡ-ɛɛra he Mmarare la, bá charɛ ba liire, dɛ́ berɛ ba he be.

Yela 86:11

N Naa Korowii, chaɡ mɛ he ŋwɛnɛ, ásɛ n tomɛ kasinteŋ ne. Gel n kpɔ bambibeŋkpoŋ tomɛ, dɛɛ ɔmɛ he sɔn.

Kaala 3:10

N dɛ tomɛ Ijipt kooro be, ásɛ he tɔ n nɛra sie ba won le o harɛ la ta.”

Kaala 3:7

Anee Korowii ŋɔ, “N na sibeɡra kohona baa dɛ do n nɛra baa lɔ Ijipt. N no ba wii, dɛ le ba dɔɔranar tonchɔɡa baa dɛ do ba la ta, anomanta, ba waa hiah mɛ kohona.

Kaala 32:12

Ijipt tena ɛɛ boloo ŋɔ liichɔɡaa he kpɔ tɔ he nɛra sie, dɛ laɡ ba le Ijipt harɛ ta, dɛ kpoo ba bwejena bɔr ba bwa tonɛ harɛ nɔ ta. Amɔ dɛ ɡɛ wer aa? Gel he baah sɔɔh dɛ́ le he bandia kohona la ta. Charɛ he liire dɛ́ ɡel he nɛra chɔɡa.

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

Kaala 32:7

Anee Korowii ŋɔ Mosis be ŋɔ, “Berɛ tu kaa harɛ, he nɛra haa kpɔ ba le Ijipt harɛ la ɛ wechɔɡa dɛ vɛɛh mɛ.

Kaala 34:9

Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Kaala 5:1

A habɔɔ la, Mosis ne Arɔn la kooro la be dɛ ka ŋɔ o be ŋɔ, “Korowii Israel tena aa dɛ tomɔ la ŋɔ, ‘Tɛ n nɛra ŋwɛnɛ ba kaa, ásɛ dɛ ka di Tɔpejen tɛ mɛ pua hɛŋle ɡbo harɛ la ta.’ ”

Aesaya 30:21

He kono kpɔ diɡ oo, ɡal oo, hɛɛ no taa bɛl he habɔɔ, o ŋɔ, “Ŋwɛnɛ laanee la, hé kpɔ o ta.”

Aesaya 63:17

N Naa Korowii, ɛrɛɛ he ɡel ya kpaŋe ya laa sie kpɔ he ŋwɛnɛre ta nɔɔ? Ɛrɛɛ he ɡel ya ɛ deŋnekpeɡ, dɛ berɛ habɔɔ kpoe nɔɔ? Koh banɔ la baa dɛ tomɛ ne banɔ la baa ɛ he nɛra la waa dɛ́ ba ya be.

Aesaya 63:19

Ya do kɛŋɔ nɛra he fa aa wola ya nɛɛ nyiŋe ka, kɛɛ ya ta he nɛra ɛɛ ken.

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Tɔn Pɔɔl Aa Chwerɛ Rom Tena 11:28

Israel tena aa vɛh Yeesu Amanesoma la nomanta, ba berɛ Korowii dɔma, asɛ a le wedɛɛɡa tɛ heya. Kɛ baa ɛ nɛra Korowii aa chal ba la nomanta, o ta dɛ nyin ba taeh. Nyoa waa baɡɛ ba naawa la, a waa o taa nyin ba la.

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

Mmarare 9:26

N soŋe Korowii kɛŋɔ, ‘Nemenɛ Korowii haa dɛ di komɛlbwa kpeɡri, n poori bɛ he nɛra haa kpɔ he kpeɡri waa kana dɛ lɛɛ ba le Ijipt harɛ ta la chɔɡ ta.

Mmarare 9:29

Kɛ dɛ ba ɛ he nɛra, he kapɛrɛ diile haa kpɔ he kpeɡri waa kana ne he bokpeɡa dɛ lee ba tɛ he te.’ ”

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.