Kaala 33:11 - mzwDBL

¹¹ Dɛ Korowii ne Mosis dɛ bol waa dɔŋa be kɛŋɔ nɛn ne o dam ken. Asɛ Mosis berɛ kaa ba soŋnibɔr bela, kɛ Nun bibaa Josua waa dɛ chao la te soɡe bela.

Kaala 33:11 ပူးပေါင်းရင်းမြစ်များ

Mumpar 32:30

Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl.

2 Webena 20:7

Henee Korowii yaa dɛ tomɛ. He doŋi nɛra ba fa aa soɡe harɛ nɔ ta le he nɛra Israel tena sie, dɛ kpɔ tɛ he dam Abraham naanar, o ɛ ba kon saŋ bɛlbwa dɛɛ la.

Job Tɔn 16:21

N dɛ nyin nomɛl ó che n naa ta soŋe Korowii tɛ mɛ, ɡɛ dam yon soŋe dɛɛ tɛ o dɔŋ la.

Kaala 17:9

Anee Mosis ŋɔ Josua be ŋɔ, “Le ya baala nɔ bini bane, ásɛ he ka yoo ba. Kere mɛɛ ka che deŋɡare bɛl doa belaa dɛ́ kpoŋe Korowii daŋɡbala la.”

Kaala 24:13

Ate, Mosis ne Josua waa dɛ chao la kpɔ ba te le kaa Korowii be bwe la doa.

Kaala 32:17

Josua baa no kɛ nɛra la aa dɛ do ɡbɔɡa, asɛ o bol Mosis be ŋɔ, “N dɛ no laa ɡbɔɡa bela baa soɡa la.”

Kaala 33:10

Saŋ bɛlbwa nɛra la aa na kɛŋɔ bam la baa tɔ Tɛnte la doonyoa la, ɡɛɛ ba ir che ba doonyoo, dɛ́ ɡuŋi harɛ dɛ́ kpɔ duure tɛ Korowii.

Kaala 33:9

O jo Tɛnte la bini naa, ɡɛɛ bam la waa do jaŋne dɛ le nyundua yon ba tɔ doonyoa, ásɛ Korowii bol waa o be.

Aesaya 42:8

Menee Korowii, n sɔnee ɡɛ. Maa ɡel nɛra kpɔ jirima aa chɛ kɛ ba tɛ mɛ la tɛ nomɛl, maa ɡel bá kpɔ kpɛɛra aa chɛ mɛ la tɛ voɡa.

Nɛra Kura 11:28

Dɛ Nun bibaa Josua le o bonɔɔne saŋ bwa dɛ teŋɛ Mosis nɛɛ dɛɛ chao. O ŋɔ Mosis be ŋɔ, “N dɔɔ Mosis, ɡel bá ka kah ba, bá ɡel bola!”

Nɛra Kura 12:7

Gɛ laa n ne n bonɔɔ Mosis waa do. O waa dɔ kasinteŋ, n kpɔ n nɛra bwa do o nɔn ta.

Nɛra Kura 12:8

N ne o bol wa dɔŋa be, a bini chɔ kɛrɛdɛ, wobobeela laa. O dɛ na ɡɛ maa doa kɛrɛdɛ. Ɛrɛ waa haa wola ɔmɛ kɛŋɔ he bol n bonɔɔ Mosis waa nɔɔ?”

Amanesoma Jɔn Aa Chwera Tɔn 11:11

Waa bol ɡɛ tonɛ la, o berɔ ŋɔ, “Domii ya dam Lasorɔs chɔ, anomanta, mɛɛ lao dɛ́ ka chumu.”

Amanesoma Jɔn Aa Chwera Tɔn 3:29

Hanfale jaaree dɔ o haah. Kɛ, dɛ hanfale jaa la dam lɔ hanfale la waa bɔr dɛ no o nyoa bela aa, dɛ o sie lɛo. Gɛɛ n ɡe bwara sɔɔh mɛ kohona.

Mmarare 31:14

Ate, Korowii ŋɔ Mosis be ŋɔ, “Tɔpere waa kaa he sewɛ la aa kanɛ kpa, anomanta, yerɛ Josua ba n Dea Cheremibɔr nɔ bini, ásɛ n kpɔ n waa bwa do o nɔn ta.” Anee Mosis ne Josua la Korowii Dea Cheremibɔr bela.

Mmarare 34:10

Mosis habɔɔ la, Korowii keame bɛlbwa ta berɛ le Israel kɛŋɔ on kpa, dɛkalkɛŋɔ dɛ o ne Korowii dɛ bol wa.

Mmarare 5:4

Sinai Bwejen la doaa Korowii che nii ta bol waa he be he siwi ta.

Jems 2:23

Belaa Korowii Tɔn waa la ɛ kpela kɛŋɔ baa ŋɔa ŋɔ, “Abraham yarada Korowii, asɛ o yarada nomanta, Korowii ŋɔ o ɛ nɛndɛɛɡe o waa su o siwi” la. Dɛ ba dɛ yerɔ Korowii dam.