Kaala 32:5 - mzwDBL

⁵ Arɔn aa na ɡɛ la, o ma kon baa ɛ saraha o ta la bɛl cheɡ nabale baa kpɔ suuɡaswɛm ɛo la sie dɛ ŋɔ ba be ŋɔ, “Kere ɛ tɔpejen tɛ Korowii yaa dɛ ba dii.”

Kaala 32:5 ပူးပေါင်းရင်းမြစ်များ

1 Koranar 21:9

Tɔne la bini waa nɔ. “Hé bol nɛra be bá le tɔpebeŋkpoŋ cheɡ, dɛ́ cheme vɔwɛ nyoa, dɛ́ ɡel Nabɔt so nomonsobɔr.

2 Koranar 10:20

Kooro Jehu ŋɔ, “Hé bol dɛ ɡel nomɛlbwa jemɛ kɛ ya le tɔpere yaa cheme cheɡ dɛ́ tomɛ voɡ Baal.” Asɛ ba bol.

2 Koranar 16:11

Asɛ sɔfo Uria ɡel ba ma kon baa kpoo kwaa dɛɛ ɛ saraha o ta la dɔŋ. O mao tonɛ mɔɔ Kooro Ahas le Damaskɔs dɛ la.

2 Webena 30:5

Anomanta, ba yerɛ Israel harɛ nɛra le Dan waa lɔ weekaŋle nyunduabɔr, ka le Beɛseeba waa lɔ weekaŋle harɛbɔr ŋɔ, bá ba cheme Jerusalam dɛ́ di Galekaa Tɔpejen la Korowii Israel tena aa dɛ tomɔ la sɔn ta. Dɛ nɛra ta warɛ dɛ ba di tɔpejen la, ɡɛ baa chwerɛ o waa do tɔn bini la bwa.

Kaala 10:9

Asɛ Mosis chaŋe ŋɔ, “Ya bwaa dɛɛ ba kaala. Bechale ne hanjeni ne banjeni, ne bibaala ne bihaahna dɛ ya kondɛɛra bwa, dɛkalkɛ ya dɛ la ka di tɔpejen bɛl Korowii sɔn ta.”

Kaala 12:14

Hé di a ɡɛ tɔpere nɔ saŋ bɛlbwa dɛɛ la, dɛ́ kpɔ lii men Korowii waa maa ɛa tɛ heya. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 17:15

Mosis ɛ kon waa ɛ saraha o ta dɛɛ tɛ Korowii bela, dɛ pa o sɔn ŋɔ, “Korowiirii yoa dɛɛ tɛ mɛ.”

Kaala 32:4

Ate, o kpɔa dɛ do kon bini dɛ ɛa a do kɛŋɔ nabale dɛ kpɔ tɛɛ ba, waa baa sɔɔh la, ba bol dɔŋa be ŋɔ, “Yabala Israel tena, voɡ waa tɔ ya sie dɛ kpɔ yaa le Ijipt harɛ ta laanee la.”

Kaala 32:6

Anomanta, tɔ aa pera la, ba felo ir dɛ ba kpoo kwaa fuh ɛ saraha kon la ta, dɛ kpɔ deŋnesɔɔhna saraha kwaa ɡe ba. A habɔɔ la, ba soɡo dɛ di kwa, dɛ nyɔ sen, dɛ ir sa sachɔɡa.

Hosia 8:11

Israel tena aa ɛ kwaa baa ɛ saraha a ta aa warɛ la, dɛ ɡɛɛ ba wechɔɡa ɡe ɛɛ warɛ.

Hosia 8:14

Israel tena ma kooderemi, dɛ soh men Korowii maa ta ba wa. Juda tena ma dekpeɡa bwɛjena ta taeh. Kɛ mɛɛ kpɔ niinii ba ta ba bwɛjena ta, ásɛ a fuh ba dekpeɡa bwa.”

Lewi Dea Tena 23:2

“Anɔɔ ɛ n tɔpejena maa lea cheɡ a chɛ kɛŋɔ hé bwa cheme dɛ́ɛ tom mɛ a ta.

Lewi Dea Tena 23:21

Awola tɔpere la chɛ kɛ hé ɡel he tomare bwa bil, dɛ́ cheme dɛ́ tom mɛ. A chɛ kɛ á ɛ waa aa chɔ le tɛ he ne he naanar baa ka ba bobɛlbwa haa soɡa.

Lewi Dea Tena 23:37

Anɔɔ n tɔpejena maa lea cheɡ kɛŋɔ hé cheme dɛ́ɛ tom mɛ a ta, dɛ́ kpɔ saraha kwaa baa dɛ fuah ba tɛ mɛ. Saraha kwaa baa fuah ne mea sarahare dɛ sen sarahare te bɛlbwa aa chɛ kɛŋɔ hé kpɔ baa tɛ mɛ tɔpejena nɔ bɛlbwa ta laanee la.

Lewi Dea Tena 23:4

Tɔpejena men Korowii aa lea cheɡ ŋɔ hé cheme dɛ́ɛ di laanee nɔ.

1 Kɔrent 5:8

Anomanta, hé ɡel ya kpɔ ya te kɛŋɔ yaa dɛ ba Galekaa kondikwaa dii ken, anee kɛŋɔ yá laa meesɔɔh ne wechɔɡa bɛlbwa soo siwi kpɔ ya bini, ɡɛ baa laa iisi kpɔ paanoo baa kpɔa dɛɛ di Galekaa ta la. Hé ɡel ya kpɔ kasinteŋ ne tepoŋ dɛ́ teŋɛ Korowii nɛ.

1 Samoɛl 14:35

Kooro Sɔɔl ma kon baa ɛ saraha o ta tɛ Korowii bela. Onee ɛ saraha kon waa tɔ sie ma tɛ Korowii.